ກອງທັບປະຊາຊົນລາວ

ວັນພຸດ, ວັນທີ 29 ກັນຍາ 2021



ຫ້ອງພະລາທິການ ທະຫານແຂວງສາລະວັນ ສຳເລັດການປັກດຳເຂົ້ານາປີ
ເວລາອອກຂ່າວ: 2021-07-21 08:45:26 | ຜູ້ຂຽນ : admin2 | ຈຳນວນຄົນເຂົ້າຊົມ: 53 | ຄວາມນິຍົມ:



ໃນວັນທີ 12 ກໍລະກົດ 2021, ຄະນະພັກ-ຄະນະບັນຊາ ຫ້ອງ ພະລາທິການກອງບັນຊາການ ທະຫານແຂວງສາລະວັນ ໄດ້ ນໍາພາ-ຊີ້ນໍາພະນັກງານ-ນັກຮົບ ພາຍໃນກົມກອງ ລົງມືທໍາການ ຜະລິດປັກດໍາເຂົ້ານາປີ ເພື່ອໃຫ້ ທ່ວງທັນກັບລະດູການ. ເມື່ອເຖິງລະດູການໃນການ ປັກດຳເຂົ້ານາປີ ໃນໄລຍະເດືອນ ມິຖຸນາ-ເດືອນກໍລະກົດ ຂອງ ທຸກໆປີ, ຄະນະພັກ-ຄະນະບັນຊາ ແລະ ພະນັກງານ-ນັກຮົບ ໃນທົ່ວ ຫ້ອງພະລາທິການ ໄດ້ພ້ອມພຽງ ຮຽງໜ້າກັນ ທຳການຜະລິດປັກດຳເຂົ້ານາປີເພື່ອໃຫ້ທ່ວງທັນກັບ ລະດູການ, ເຊິ່ງມາຮອດປັດຈຸ ບັນການປັກດໍາເຂົ້ານາປີຂອງ ກົມກອງແມ່ນສໍາເລັດເປັນທີ່ຮຽບ ຮ້ອຍແລ້ວ, ເຊິ່ງມັນສະແດງໃຫ້ ເຫັນຄວາມສາມັກຄີອັນແໜ້ນ ແຟ້ນ ແລະ ຄວາມດຸໝັ່ນຂະຫຍັນ ພຽນທີ່ເອົາໃຈໃສ່ຕໍ່ໜ້າທີ່ວຽກ ງານຂອງພະນັກງານ-ນັກຮົບໃນ ກົມກອງ, ທີ່ມີຄວາມບຸກບືນ ຫ້າວຫັນໃນການປັກດຳເຂົ້ານາປີ ທັງນີ້, ກໍເພື່ອປະຕິບັດຕາມທິດ ທາງ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍ ຕົນເອງ ຂອງກົມໃຫຍ່ພະລາທິ ການວາງອອກ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ຂອງກະຊວງປ້ອງກັນປະເທດ. ຄຽງຄູ່ກັບການກໍ່ສ້າງກອງ ວັດທະນະທຳ-ນັກຮົບວັດທະນະ ທຳ, ກອງ 3 ປອດ, ແມ່ຍິງ 3 ດີ, ຊາວໜຸ່ມ 4 ບຸກຕາມແຜນ ການທີ່ວາງໄວ້, ເຊິ່ງເນື້ອທີ່ນາ ທໍາການຜະລິດມີປະມານ 1,5 ເຮັກຕາ. ປີຜ່ານມາ ແມ່ນສະເລ່ຍ ຜົນໄດ້ຮັບແມ່ນ 3 ໂຕນຕໍ່ປີ. ສໍາ ລັບປີນີ້ຄາດໝາຍ ຜົນເກັບກ່ຽວເຂົ້ານາປີຈະໃຫ້ໄດ້ຫຼາຍກວ່າປີຜ່ານມາ. ຂ່າວຍັງແຈ້ງໃຫ້ຮູ້ຕື່ມອີກວ່າ: ກອງຮ້ອຍ 154 ທີ່ຂຶ້ນກັບກອງ ພົນທີ 4 ກໍສໍາເລັດການປັກດໍາ ເຂົ້ານາປີ ເຊັ່ນດຽວກັນ ໃນເນື້ອ ທີ່ນາລວມທັງໝົດ 5 ເຮັກຕາ ນໍາ ໃຊ້ແນວພັນເຂົ້າປູກທັງໝົດ 300 ກິໂລກຼາມ. ຂ່າວ : ພອນມະນີ ລັດສະໝີວົງ ພາບ: ບົວຄໍາ ທອງລັດສະໝີ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ