ກອງທັບປະຊາຊົນລາວ

ວັນຈັນ, ວັນທີ 25 ຕຸລາ 2021



ພະແນກເສນາຮັກ ທະຫານແຂວງວຽງຈັນ ເຄື່ອນໄຫວພົ່ນຢາຂ້າເຊື້ອ ໂຄວິດ-19
ເວລາອອກຂ່າວ: 2021-09-27 16:02:30 | ຜູ້ຂຽນ : admin1 | ຈຳນວນຄົນເຂົ້າຊົມ: 364 | ຄວາມນິຍົມ:



ວັນທີ 23 ກັນຍາ 2021 ນີ້, ພະນັກງານວິຊາການ ພະແນກເສນາຮັກ ກອງບັນຊາການທະຫານແຂວງວຽງຈັນ ໄດ້ເຄື່ອນໄຫວພົ່ນຢາຂ້າເຊື້ອພະຍາດໂຄວິດ-19 ຢູ່ພາຍໃນກົມກອງຂອງຕົນ, ໂດຍທີມງານໄດ້ພົ່ນຢາຂ້າເຊື້ອຕາມບໍລິເວນທີ່ມີຄວາມສ່ຽງໃນອາຄານ, ຫ້ອງການ, ຫ້ອງປະຊຸມ, ຫ້ອງຮັບແຂກ, ສະຖານທີ່ພັກຜ່ອນ, ເຮືອນນອນການນໍາ, ຫໍພັກໂສດ,ໂຮງໝໍ 30 ຕຽງ, ຫ້ອງແຕ່ງກິນ, ຫ້ອງນໍ້າ, ຫ້ອງເກັບມ້ຽນເຄື່ອງ, ຕາມຮາວຂັ້ນໄດຕ່າງໆ. ການພົ່ນຢາໄດ້ນຳໃຊ້ນໍ້າຢາປະສົມຄຼໍລີນ ແລະ ແອວກໍຮໍ. ທັງນີ້ກໍ ເພື່ອປະຕິບັດຕາມຄໍາສັ່ງຊີ້ນໍາ ຂອງຄະນະສະເພາະກິດປ້ອງກັນຄວບຄຸມພະຍາດໂຄວິດ-19 ຂັ້ນກະຊວງປ້ອງກັນປະເທດ ກໍຄືປະຕິບັດຕາມການຊີ້ນໍາຂອງຄະນະສະເພາະກິດກອງບັນຊາການທະຫານແຂວງວຽງຈັນ ກ່ຽວກັບການປ້ອງກັນຄວບຄຸມ ແລະ ແກ້ໄຂ ການລະບາດຮອບໃໝ່ຢູ່ປະເທດເຮົາ ເວົ້າສະເພາະແມ່ນຢູ່ແຂວງວຽງຈັນເຫັນວ່າມີຜູ້ຕິດເຊື້ອເພີ່ມຂຶ້ນໃນແຕ່ລະວັນ, ເພື່ອເປັນ ການຄວບຄຸມ, ກໍາຈັດບໍ່ໃຫ້ພະຍາດດັ່ງກ່າວແຜ່ລະບາດໄປໃນວົງກວ້າງ ແລະ ນັບມື້ຫຼຸດໜ້ອຍ ຖອຍລົງ, ທັງປ້ອງກັນ, ສົ່ງເສີມສຸຂະພາບໃຫ້ບັນດານາຍ ແລະ ພົນທະຫານໃນຖັນແຖວກອງທັບ ໃຫ້ມີສຸຂະພາບແຂງແຮງ, ປອດຈາກເຊື້ອພະຍາດໂຄ ວິດ-19, ພ້ອມກັນເຮັດສໍາເລັດ ພາລະກິດ ທີ່ພັກ-ລັດ, ປະເທດຊາດ ແລະ ປະຊາຊົນໄດ້ມອບໝາຍໃຫ້. ໂດຍ: ສາຍຄໍາ ພອນມະນີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ