ກອງທັບປະຊາຊົນລາວ

ວັນຈັນ, ວັນທີ 17 ມັງກອນ 2022



ເອກອັກຄະລາດຖະທູດອິນໂດເນເຊຍ ເຂົ້າພົບປະຢ້ຽມຢາມທ່ານເຈົ້າແຂວງໆຄຳມ່ວນ
ເວລາອອກຂ່າວ: 2022-01-13 08:45:05 | ຜູ້ຂຽນ : admin2 | ຈຳນວນຄົນເຂົ້າຊົມ: 106 | ຄວາມນິຍົມ:



ວັນທີ 10 ມັງກອນ 2022, ທ່ານ ປຣາຕີໂຕ ສູຮາຣິ ໂຢ ເອກອັກຄະລາດຖະທູດ ແຫ່ງ ສາທາລະນະລັດ ອິນໂດເນເຊຍ ປະຈຳລາວ ໄດ້ເຂົ້າພົບປະຢ້ຽມ ຢາມ ທ່ານ ວັນໄຊ ພອງສະຫວັນ ເຈົ້າແຂວງໆຄຳມ່ວນ ທີ່ຫ້ອງວ່າ ການແຂວງ ໂດຍມີບັນດາຫົວໜ້າ ພະແນກການ ແລະ ພາກສ່ວນທີ່ ກ່ຽວຂ້ອງຂອງແຂວງເຂົ້າຮ່ວມ. ໃນການພົບປະຢ້ຽມຢາມການ ນຳແຂວງຄຳມ່ວນ ຂອງທ່ານເອກ ອັກຄະລາດຖະທູດ ອິນໂດເນເຊຍ ຄັ້ງນີ້ ກໍໄດ້ລາຍງານກ່ຽວກັບວຽກງານການພົວພັນຮ່ວມມື, ວຽກງານທາງດ້ານການຄ້າ-ການລົງທຶນ ລະຫວ່າງ ອິນໂດເນ ເຊຍ ແລະ ລາວ ໃນໄລຍະທີ່ຜ່ານ ມາ ລວມເຖິງທິດທາງແຜນການ ໃນການຮ່ວມມືສອງຝ່າຍໃນຕໍ່ ໜ້າ ໂດຍສະເພາະ ແມ່ນການສືບ ຕໍ່ຊຸກຍູ້ຈັດຕັ້ງປະຕິບັດຂີດໝາຍ ສັນຍາທີ່ໄດ້ມີການເຊັນສັນຍາ ກັນແລ້ວນັ້ນ ໃຫ້ໄດ້ຮັບການຈັດ ຕັ້ງປະຕິບັດເປັນຮູບປະທຳຫຼາຍ ຂຶ້ນລວມເຖິງການສືບຕໍ່ຊຸກຍູ້ໃຫ້ບັນດານັກທຸລະກິດຂອງອິນໂດເນເຊຍ ເພື່ອເຂົ້າມາລົງທຶນໃນ ດ້ານຕ່າງໆຢູ່ພາຍໃນແຂວງຄຳ ມ່ວນ. ໂອກາດດຽວກັນນີ້, ທ່ານເຈົ້າ ແຂວງໆຄຳມ່ວນ ກໍໄດ້ລາຍງານ ກ່ຽວກັບສະພາບການພັດທະນາ ຂອງແຂວງ ໂດຍສະເພາະບັນ ດາທ່າແຮງທີ່ເຮັດໃຫ້ເສດຖະກິດ ຂອງແຂວງ ໄດ້ຮັບການຂະຫຍາຍ ຕົວເປັນຕົ້ນ: ທ່າແຮງທາງດ້ານ ກະສິກຳ, ອຸດສາຫະກຳ, ພະລັງ ງານບໍ່ແຮ່ ແລະ ການບໍລິການ- ການທ່ອງທ່ຽວ. ເຊິ່ງແຂວງຄຳ ມ່ວນ ແມ່ນຍັງມີຄວາມຕ້ອງການ ທີ່ຈະພັດທະນາ ບໍ່ວ່າຈະເປັນທາງ ດ້ານພື້ນຖານໂຄງລ່າງ ເພື່ອຕອບ ສະໜອງໃຫ້ແກ່ການຜະລິດ, ພື້ນຖານໂຄງລ່າງໃນດ້ານການ ທ່ອງທ່ຽວ, ອຸດສາຫະກຳ, ບໍ່ແຮ່ ແລະ ອື່ນໆ ສະນັ້ນ, ຈຶ່ງຂໍຝາກຜ່ານ ທ່ານເອກອັກຄະລາດຖະທູດໄປ ຍັງນັກທຸລະກິດຂອງອິນໂດເນ ເຊຍ ຜູ້ທີ່ມີຄວາມສົນໃຈຢາກ ຈະມາລົງທຶນໃນດ້ານຕ່າງໆ. ສຳລັບແຂວງຄຳມ່ວນແມ່ນ ພ້ອມທີ່ຈະໃຫ້ການຮ່ວມມືສະ ໜັບສະໜູນ ແລະ ອຳນວຍຄວາມ ສະດວກ. ໃນການພົບປະຄັ້ງນີ້, ທັງສອງ ຝ່າຍ ກໍໄດ້ປຶກສາຫາລືແລກປ່ຽນເຖິງການພົວພັນຮ່ວມມື ໂດຍສະ ເພາະທາງດ້ານວຽກງານການ ຄ້າ, ການລົງທຶນ, ແຜນຄວາມ ຕ້ອງການ ແລະ ການຕອບສະ ໜອງທາງດ້ານຜະລິດຕະພັນ ບໍ່ແຮ່, ສິນຄ້າກະສິກຳ ແລະ ອື່ນໆ. ພ້ອມນີ້ກໍຍັງໄດ້ ແລກປ່ຽນ ແລະ ສະເໜີ ໃຫ້ມີການພົວພັນ ຮ່ວມມືໃນລະດັບແຂວງຕໍ່ແຂວງ ລັກສະນະເປັນແຂວງແຮກສ່ຽວ ເພື່ອແລກປ່ຽນຊື້-ຂາຍ, ແລກ ປ່ຽນບົດຮຽນ ໃນດ້ານຕ່າງໆ ແນ ໃສ່ເຮັດໃຫ້ການພົວພັນຮ່ວມມື ລະຫວ່າງ ລາວ-ອິນໂດເນເຊຍ ເພີ່ມທະວີຄວາມແໜ້ນແຟ້ນຍິ່ງ ຂຶ້ນກວ່າເກົ່າ. ຂ່າວ: ກອງຄຳ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ