ກອງທັບປະຊາຊົນລາວ

ວັນເສົາ, ວັນທີ 16 ມັງກອນ 2021



ຮອງຫົວໜ້າຫ້ອງການກຳມະບານລົງເຜີຍແຜ່ກົົດໝາຍ ວ່າດ້ວຍກຳມະບານລາວ(ສະບັບປັບປຸງ)
ເວລາອອກຂ່າວ: 2018-11-16 10:52:20 | ຜູ້ຂຽນ : ພິດສະໄໝ ສອນວິໄລ | ຈຳນວນຄົນເຂົ້າຊົມ: 10 | ຄວາມນິຍົມ:



ພັນໂທ ບຸນຄ່ອງ ອຸດທະຈັນດີ ຮອງຫົວໜ້າຫ້ອງການກຳມະ ບານ ກະຊວງປ້ອງກັນປະເທດ ໄດ້ລົງໂຄສະນາເຜີຍແຜ່ເຊື່ອມ ຊຶມກົດໝາຍວ່າດ້ວຍກຳມະບານ ລາວ (ສະບັບປັບປຸງໃໝ່) ຢູ່ທີ່ ກອງກໍ່ສ້າງ-ສ້ອມແປງ ໃນວັນທີ 14 ພະຈິກ 2018 ນີ້, ໂດຍມີຄະ ນະພັກ-ຄະນະບັນຊາພ້ອມດ້ວຍ ພະນັກງານນັກຮົບໃນກົມກອງ ເຂົ້າຮ່ວມຮັບຟັງ. ການລົງເຜີຍແຜ່ກົດໝາຍ ຂອງກຳມະບານໃນຄັ້ງນີ້ກໍເພື່ອ ແນໃສ່ໃຫ້ຄະນະພັກ-ຄະນະບັນ ຊາ ພ້ອມດ້ວຍພະນັກງານ-ນັກ ຮົບໃນໂຮງງານດັ່ງກ່າວໄດ້ມີ ຄວາມຮັບຮູ້ເຂົ້າໃຈ, ເຊື່ອມຊຶມ ກຳແໜ້ນເນື້ອໃນ, ພາລະບົດ ບາດ, ສິດ ແລະ ໜ້າທີ່, ຫຼັກການ ທາງດ້ານລະບຽບການ, ມາດຕາ ການກ່ຽວກັບກົດໝາຍຂອງກຳ ມະບານລາວ ເພື່ອນຳໄປຈັດຕັ້ງ ປະຕິບັດເຂົ້າໃນວຽກງານຕົວຈິງ ໃຫ້ຖືກຕ້ອງຕາມຂໍ້ກຳນົດກົດລະ ບຽບທີ່ໄດ້ລະບຸໄວ້ຢ່າງເຂັ້ມ ງວດ. ສໍາລັບກົດໝາຍກຳມະບານ ລາວ (ສະບັບປັບປຸງໃໝ່) ທີ່ນຳ ມາເຜີຍແຜ່ໃນຄັ້ງນີ້ປະກອບມີ 11 ພາກຄື: ພາກທີ I ບົດບັນ ຍັດທົ່ວໄປເຊິ່ງປະກອບມີ 7 ມາດ ຕາ, ພາກທີ II ການຈັດຕັ້ງ ຂອງກຳມະບານລາວ ມີ 6 ໝວດ 24 ມາດຕາ, ພາກທີ III ກອງປະ ຊຸມຂອງກຳມະບານ ມີ 7 ມາດ ຕາ, ພາກທີ IV ຄວາມຮັບຜິດ ຊອບຂອງການຈັດຕັ້ງຕໍ່ວຽກ ງານກຳມະບານ ປະກອບມີ 2 ໝວດ 10 ມາດຕາ, ພາກທີ V ວຽກງານການເງິນຂອງກຳມະ ບານລາວ ມີ 6 ມາດຕາ, ພາກທີ VI ການແກ້ໄຂຂໍ້ຂັດແຍ່ງດ້ານສິດ ແລະ ຜົນປະໂຫຍດ ມີ 5 ມາດຕາ, ພາກທີ VII ຂໍ້ຫ້າມ ປະກອບມີ 3 ມາດຕາ, ພາກທີ VIII ການກວດ ກາວຽກງານກຳມະບານ ມີ 5 ມາດຕາ, ພາກທີ IX ວັນສ້າງຕັ້ງ, ເຄື່ອງໝາຍ, ເຄື່ອງແບບ ແລະ ຕາປະທັບ ມີ 4 ມາດຕາ, ພາກທີ X ນະໂຍບາຍຕໍ່ຜູ້ມີຜົນງານ ແລະ ມາດຕາການຕໍ່ຜູ້ລະເມີດ ມີ 2 ມາດຕາ ແລະ ພາກທີ XI ບົດ ບັນຍັດສຸດທ້າຍປະກອບມີ 2 ມາດຕາ. ໃນໂອກາດດັ່ງກ່າວ ກອງກໍ່ສ້າງສ້ອມແປງໄດ້ຮັບ ເອົາສະມາຊິກກໍາມະບານໃໝ່ຈໍາ ນວນ 2 ສະຫາຍອີກດ້ວຍ. ໂດຍ: ສົມພອນ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ