ກອງທັບປະຊາຊົນລາວ

ວັນເສົາ, ວັນທີ 05 ທັນວາ 2020



ຮອງຫົວໜ້າກົມອົບຮົມ ພົບປະໂອ້ລົມພະນັກງານຢູ່ກອງພັນໃຫຍ່ 11
ເວລາອອກຂ່າວ: 2020-10-29 08:22:38 | ຜູ້ຂຽນ : admin2 | ຈຳນວນຄົນເຂົ້າຊົມ: 386 | ຄວາມນິຍົມ:



ກາງເດືອນຕຸລາ ຜ່ານມາ, ສະຫາຍ ພັນເອກ ບຸນເຕົ້າ ທອງມະນີລາ ຮອງຫົວໜ້າ ກົມອົບຮົມ ກົມໃຫຍ່ເສນາທິ ການກອງທັບ ໄດ້ເຄື່ອນໄຫວພົບ ປະໂອ້ລົມພະນັກງານຢູ່ກອງ ພັນໃຫຍ່ 11 ເນື່ອງໃນໂອກາດ ກ່ອນທີ່ຈະໄດ້ຮັບອະນຸມັດໃຫ້ ພັກຜ່ອນກຽມຮັບເບ້ຍບຳນານ, ມີຄະນະພັກ-ຄະນະບັນຊາກອງ ພັນໃຫຍ່, ກອງພັນ ແລະ ພະນັກ ງານ-ສະມາຊິກພັກຫຼັກແຫຼ່ງເຂົ້າ ຮ່ວມຮັບຟັງ. ສະຫາຍ ພັນເອກ ບຸນເຕົ້າ ທອງມະນີລາ ໄດ້ຍົກໃຫ້ເຫັນ ບັນຫາຫຼາຍດ້ານທີ່ພົ້ນເດັ່ນ ໂດຍ ສະເພາະໃນການຕໍ່ສູ້ກູ້ຊາດ ອັນຍືດເຍື້ອຍາວນານຕ້ານກັບ ຈັກກະພັດລ່າເມືອງຂຶ້ນທັງ ແບບເກົ່າ ແລະ ແບບໃໝ່, ຕໍ່ກັບ ສະພາບການ ແລະ ຄວາມຮຽກ ຮ້ອງຕ້ອງການຂອງການຕໍ່ສູ້ ເພື່ອຕີເອົາຊະນະສັດຕູຜູ້ຮຸກ ຮານ ເຊິ່ງເປັນໄລຍະການຕໍ່ສູ້ທີ່ດຸເດືອດຂ້ຽວຂາດທີ່ສຸດ ແລະ ເປັນການຕໍ່ສູ້ທີ່ສະຫງ່າອົງອາດ ແລະ ມີໄຊຊະນະຍິ່ງໃຫຍ່ຂອງ ປະເທດເຮົາເຊິ່ງມັນສະແດງ ອອກ: ໄຊຊະນະດັ່ງກ່າວມັນ ແມ່ນໝາກຜົນແຫ່ງການຕໍ່ສູ້ ຂອງປະຊາຊົນລາວບັນດາເຜົ່າ. ຈາກນັ້ນ, ສະຫາຍໄດ້ຮຽກຮ້ອງ ໃຫ້ຄະນະພັກ-ຄະນະບັນຊາທຸກ ຂັ້ນຈົ່ງເປັນເຈົ້າການເຮັດວຽກ ງານສຶກສາອົບຮົມການເມືອງ- ນຳພາແນວຄິດໃຫ້ຖັນແຖວພະ ນັກງານ-ນັກຮົບຢ່າງແທດເຖິງ ພ້ອມກັນເສີມຂະຫຍາຍນໍ້າໃຈ ຮັກຊາດ, ຮັກລະບອບໃໝ່, ຮັກ ມູນເຊື້ອສູ້ຮົບເດັດດ່ຽວອາດ ຫານ ພ້ອມກັນຕັດສິນໃຈຜ່ານ ຜ່າທຸກອຸປະສັກທີ່ຫຍຸ້ງຍາກເພື່ອ ເຮັດສຳເລັດໜ້າທີ່ການເມືອງ ຂອງຕົນ ທີ່ພັກ-ລັດຂັ້ນເທິງມອບ ໝາຍໃຫ້; ພ້ອມທັງ, ເນັ້ນໜັກ ໃຫ້ພະນັກງານ-ສະມາຊິກພັກ ຫຼັກແຫຼ່ງໃນກົມກອງເພີ່ມທະວີ ສ້າງພະນັກງານສືບທອດປ່ຽນ ແທນ, ຫັນເອົາພະນັກງານໜຸ່ມ ໃຫ້ເປັນພະນັກງານສືບທອດ ທີ່ມີຄວາມຮູ້, ຄວາມສາມາດ ແລະ ຖືກຕ້ອງຕາມລະບົບ, ຖືກ ຕາມວິຊາສະເພາະທີ່ໄດ້ຮຽນມາ. ໂອກາດດັ່ງກ່າວ, ສະຫາຍ ພັນເອກ ກົງທອງ ສຸຂະວົງ ເລຂາຄະນະພັກ ຫົວໜ້າການ ທະຫານກອງພັນໃຫຍ່ ໄດ້ຂຶ້ນ ກ່າວຄໍາຂອບ ໃຈນໍາສະຫາຍທີ່ໄດ້ສະຫຼະເວລາອັນມີຄຸນຄ່າທີ່ ໃຫ້ກຽດມາພົບປະໂອ້ລົມໃນຄັ້ງນີ້ ແລະ ພ້ອມທັງ ຢືນຢັນວ່າຈະນໍາ ເອົາຄຳຄິດເຫັນດັ່ງກ່າວໄປຜັນ ຂະຫຍາຍໝູນໃຊ້ເຂົ້າໃນໜ້າທີ່ ວຽກງານໃຫ້ເປັນ ຮູບປະທໍາ ຕົວຈິງ. ໂດຍ: ປິ່ນ ຂຸນພົນ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ