ກອງທັບປະຊາຊົນລາວ

ວັນອັງຄານ, ວັນທີ 01 ທັນວາ 2020



ຫົວໜ້າການເມືອງທະຫານແຂວງບໍ່ແກ້ວ ອວຍພອນພະນັກງານບຳນານ
ເວລາອອກຂ່າວ: 2020-10-30 08:48:14 | ຜູ້ຂຽນ : admin2 | ຈຳນວນຄົນເຂົ້າຊົມ: 368 | ຄວາມນິຍົມ:



ວັນທີ 21 ຕຸລາ 2020 ນີ້, ກອງບັນຊາການທະຫານແຂວງ ບໍ່ແກ້ວ, ເຊິ່ງນໍາໂດຍສະຫາຍ ພັນເອກ ບຸນມີ ພາມີໄຊ ຄະນະ ປະຈຳພັກແຂວງ ຮອງເລຂາ ຄະນະພັກ ຫົວໜ້າການເມືອງ ກອງບັນຊາການທະຫານແຂວງ ບໍ່ແກ້ວ ພ້ອມດ້ວຍຄະນະໄດ້ ນໍາເອົາກະຕ່າຂອງຂວັນ, ຄວາມ ຢື້ຢາມຖາມຂ່າວທີ່ເຕັມໄປດ້ວຍ ຄວາມສາມັກຄີຮັກແພງ ແລະ ຄໍາອວຍພອນອັນປະເສີດເຂົ້າ ອວຍພອນ ສະຫາຍ ພັນເອກ ຄຳຊາວ ສຸລິຍະ ອະດີດຫົວໜ້າ ການທະຫານກອງບັນຊາການ ທະຫານແຂວງບໍ່ແກ້ວ ພ້ອມ ດ້ວຍຄອບຄົວ, ເພື່ອຂໍ່ານັບຮັບ ຕ້ອນວັນປະຫວັດສາດສຳຄັນ ຕ່າງໆ ຂອງຊາດ, ຂອງພັກ, ຂອງກອງທັບ ເວົ້າລວມ, ເວົ້າ ສະເພາະ ແມ່ນຂໍ່ານັບຮັບຕ້ອນ ວັນຊາດ ທີ 2 ທັນວາ ຄົບ ຮອບ 45 ປີ ແລະ ວັນຄ້າຍວັນ ເກີດ ປະທານ ໄກສອນ ພົມ ວິຫານ 13 ທັນວາ ຄົບຮອບ 100 ປີ ທີ່ຈະມາເຖິງໃນມໍ່ໆ ນີ້ ໃຫ້ເປັນຂະບວນການຟົດຟື້ນ, ການເຂົ້າອວຍພອນໃນຄັ້ງນີ້, ແມ່ນປະຕິບັດຕາມນະໂຍບາຍທີ່ມີຕໍ່ພະນັກງານບໍານານ ເປັນຕົ້ນ ແມ່ນອະດີດການນໍາຜູ້ທີ່ເຄີຍມີຜົນງານໃນການປົກປັກຮັກສາ ແລະ ສ້າງສາພັດທະນາ ກໍຄືພາລະກິດໃນການຕໍ່ສູ້ປົດປ່ອຍຊາດໃນເມື່ອກ່ອນ. ໂອກາດດັ່ງກ່າວ, ສະຫາຍ ພັນເອກ ຄຳຊາວ ສຸລິຍະ ໄດ້ ກ່າວສະແດງຄວາມຂອບໃຈ ຕໍ່ຄະນະພັກ-ຄະນະບັນຊາກອງ ບັນຊາການທະຫານແຂວງ ທີ່ຍັງເປັນຫ່ວງເປັນໃຍ, ຄຸນ ງາມຄວາມດີທີ່ຍາດໄດ້ໃນອະ ດີດຜ່ານມາພ້ອມທັງ, ຮຽກ ຮ້ອງໃຫ້ກອງບັນຊາການທະ ຫານແຂວງ ກໍຄືຄະນະພັກ-ຄະນະບັນຊາ ຈົ່ງພ້ອມກັນຮັກ ສາຄວາມສາມັກຄີ, ເຮັດວຽກ ເປັນໝູ່ຄະນະ ເປັນເຈົ້າໃນການ ປົກປັກຮັກສາເຂດນໍ້າແດນດິນ ທີ່ແສນຮັກໄວ້ໃຫ້ໝັ້ນຄົງ ແລະ ພ້ອມກັນຜ່ານຜ່າອຸປະສັກຫຍຸ້ງຍາກນາໆປະການທີ່ຈະເກີດຂຶ້ນ ສ້າງກອງທັບໃຫ້ເຂັ້ມແຂງຮອບ ດ້ານ ເປັນກຳລັງແຮງໃຫ້ປະເທດ ຊາດຢ່າງບໍ່ຢຸດຢັ້ງ. ໂດຍ: ວໍລະສິດ ພິດສະຫາຍ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ