ກອງທັບປະຊາຊົນລາວ

ວັນພະຫັດ, ວັນທີ 22 ເມສາ 2021



ກົມສືສານສະຫຼຸບວຽກງານຮອບດ້ານປະຈຳປີ 2018
ເວລາອອກຂ່າວ: 2018-12-21 15:14:16 | ຜູ້ຂຽນ : | ຈຳນວນຄົນເຂົ້າຊົມ: 465 | ຄວາມນິຍົມ:



ໃນວັນທີ 18 ທັນວາ 2018 ນີ້, ກົມສື່ສານໄດ້ຈັດຕັ້ງສະຫຼຸບ ວຽກງານຮອບດ້ານ ປະຈຳປີ 2018 ແລະ ວາງທິດທາງແຜນ ການປະຈໍາປີ 2019 ໂດຍການ ເປັນປະທານຂອງ ພັນເອກ ຄຳ ຄິດ ໄຊສົງຄາມ ຫົວໜ້າກົມສື່ ສານ, ມີຄະນະພັກ-ຄະນະບັນຊາ ພະແນກການ, ກົມກອງເຂດ ໃຈກາງ ພ້ອມດ້ວຍພະນັກງານ-ນັກຮົບທົ່ວກົມເຂົ້າຮ່ວມ. ພັນໂທ ພູວຽງ ຈັນທະວົງ ຮອງຫົວໜ້າກົມສື່ສານ ໄດ້ຍົກ ໃຫ້ເຫັນຜົນງານຫລາຍດ້ານທີ່ ຍາດມາໄດ້ຕະຫລອດໄລຍະ 1 ປີ ຜ່ານມາຄະນະພັກຄະນະບັນຊາ ທຸກຂັ້ນໄດ້ເປັນເຈົ້າການຕັ້ງໜ້າ ປັບປຸງແບບແຜນນຳພາ, ແບບ ແຜນວິທີເຮັດວຽກໃຫ້ສອດຄ່ອງ ກັບສະພາບຕົວຈິງ, ລົງຊີ້ນຳກົມ ກອງໃຫ້ມີຄວາມພ້ອມທາງດ້ານ ກຳລັງພົນ ແລະ ວັດຖຸພາຫະນະ ສື່ສານເພື່ອຮັບປະກັນການຕິດຕໍ່ ສື່ສານໃຫ້ບັນດາອົງການ, ກົມ ກອງສູ້ຮົບ, ໂຮງໝໍ , ໂຮງຮຽນ ສາງຄັງ ແລະ ການນໍາພັກ-ລັດ ຖືສຳຄັນວຽກງານສຶກສາອົບຮົມ ການເມືອງແນວຄິດໃຫ້ພະນັກ ງານ-ນັກຮົບມີຄຸນທາດການ ເມືອງໜັກແໜ້ນ ມີຄຸນສົມບັດສິນ ທຳປະຕິວັດ ພ້ອມນີ້ກໍໄດ້ຈັດຕັ້ງ ພະນັກງານລົງກໍ່ສ້າງຮາກຖານ ການເມືອງຕາມກຸ່ມບ້ານ ປະ ສານສົມທົບກັບອຳນາດການ ປົກຄອງອົງການຈັດຕັ້ງຂອງລັດ ແລະກຳລັງ ປກສ ເພື່ອພ້ອມກັນ ຕ້ານສະກັດກັ້ນ ແລະ ແກ້ໄຂປາ ກົດການຫຍໍ້ທໍ້ຕ່າງໆເຮັດໃຫ້ສະ ພາບຂອບເຂດກົມກອງຮັບຜິດ ຊອບມີຄວາສະຫງົບປອດໄພ ໂດຍພື້ນຖານ, ເອົາໃຈໃສ່ຊີ້ນຳ ວຽກງານວິຊາສະເພາະໃນການ ປະກອບພາຫະນະເຕັກນິກຕ່າງໆ ໃນຂອບເຂດທົ່ວປະເທດ, ການ ໂທລະສັບ-ໄປສະນີ ແລະ ວຽກ ງານອີ່ເຫຼັກຕຼົງແມ່ນສາມາດຮັບ ປະກັນໄດ້ 100%, ດ້ານວຽກ ງານການແກ້ໄຂຊີວິດການເປັນ ຢູ່ແມ່ນໄດ້ຖືເອົາການປູກຝັງ-ລ້ຽງສັດໃນການຮັບປະກັນແກ້ ໄຂຊີວິດການເປັນຢູ່ຂອງພະນັກ ງານ-ນັກຮົບ ເຊິ່ງໃນໄລຍະຜ່ານ ມາໄດ້ບຸກເບີກດິນຈຳນວນ 30 ເຮັກຕາ ແລະ ປູກຫຍ້າ, ອ້ອມ ຮົ້ວ, ເຮັດຄອກງົວ 24 x 10 ແມັດ, ເອົາງົວເຂົ້າລ້ຽງຈຳນວນ 56 ໂຕ, ມີໜອງປາ 3 ໜອງ ປ່ອຍປາ 3.000 ກິໂລ, ປູກຕົ້ນ ໝາກມ່ວງ 2 ເຮັກຕາ, ປູກຕົ້ນ ໄມ້ວິກໄດ້ 700 ກວ່າຕົ້ນ ນອກ ນີ້ຍັງໄດ້ຊອກແຫຼ່ງລາຍຮັບ ຈາກການບໍລິການເຊົ່າສາງບໍລິ ສັດຂອງສະກາຍໂທລະຄົມຕື່ມ ອີກ ເຊິ່ງສາມາດສ້າງລາຍຮັບ ເຂົ້າຄັງລວມໄດ້ທັງໝົດ 650 ລ້ານກີບ ສະເລ່ຍໃສ່ຫົວຄົນໄດ້ 26 ລ້ານກີບຕໍ່ຄົນຕໍ່ປີ . ໂອກາດນີ້ກໍໄດ້ຈັດຕັ້ງມອບ ໃບຍ້ອງຍໍ ແລະ ປະດັບເລື່ອນ ຊັ້ນໃຫ້ພະນັກງານຜູ້ທີ່ມີຜົນງານ ດີເດັ່ນໃນງານປະຕິບັດໜ້າທີ່ ຊອກຄົ້ນກອບກູ້ໄພພິບັດເຂື່ອນ ເຊປຽນເຊນໍ້ານ້ອຍແຕກທີ່ເມືອງ ສະໜາມໄຊ ແຂວງອັດຕະປື ເຊິ່ງ ໃນນັ້ນໄດ້ຍ້ອງຍໍປະເພດຫຼຽນໄຊ ພິລາດອາດຫານຊັ້ນ II ກົມກອງ ລວມໝູ່ 1 ກົມກອງ, ບຸກຄົນ 15 ສະຫາຍ, ຫຼຽນໄຊພິລາດອາດ ຫານຊັ້ນ III 17 ສະຫາຍ ແລະ ໄດ້ເລື່ອນຊັ້ນວາທີ ຂຶ້ນ ຮ້ອຍຕີ 5 ສະຫາຍ, ເລື່ອນຊັ້ນ ຮ້ອຍຕີ ຂຶ້ນ ຮ້ອຍໂທ 3 ສະຫາຍ ແລະ ເລື່ອນ ຊັ້ນ ຮ້ອຍໂທ ຂຶ້ນ ຮ້ອຍເອກ 5 ສະຫາຍ. ພ້ອມກັນນັ້ນໃນກອງ ປະຊຸມຍັງໄດ້ປາຖະກະຖາຫວນ ຄືນມູນເຊື້ອວັນສ້າງຕັ້ງເຫຼົ່າຮົບສື່ສາສານ ຄົບຮອບ 64 ປີ 15/12/ 1954-15/12/2018) ຕື່ມອີກ.




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ