POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 17 ຕຸລາ 2026

ປະທານຄະນະກວດກາສູນກາງພັກ ເຄື່ອນໄຫວຢ້ຽມຢາມ ແລະ ເຮັດວຽກຢູ່ບໍ່ຄຳ - ທອງເຊໂປນ
ເວລາອອກຂ່າວ: 2021-07-20 08:51:04 | ຜູ້ຂຽນ : admin2 | ຈຳນວນຄົນເຂົ້າຊົມ: 2874 | ຄວາມນິຍົມ:

ວັນທີ 16 ກໍລະກົດ 2021 ນີ້, ທ່ານ ຄຳພັນ ພົມມະທັດ, ກຳ ມະການກົມການເມືອງສູນກາງ ພັກ, ເລຂາທິການສູນກາງພັກ, ປະທານຄະນະກວດກາສູນກາງ ພັກ, ປະທານອົງການກວດກາ ແຫ່ງລັດ ແລະ ຫົວໜ້າອົງການ ຕ້ານການສໍ້ລາດບັງຫຼວງຂັ້ນ ສູນກາງ ພ້ອມດ້ວຍຄະນະ ແລະ ການນຳແຂວງສະຫວັນນະເຂດ ໄດ້ໃຫ້ກຽດຢ້ຽມຢາມ ບໍ່ຄຳ-ທອງ ເຊໂປນ ເພື່ອຊົມການຜະລິດຄຳ ທີ່ເພີ່ມຂຶ້ນ ກໍຄືແຜນການກ່ຽວກັບ ໂຄງການຄຳ, ພ້ອມທັງຮັບຟັງ ການລາຍງານ ກ່ຽວກັບ ຜົນສຳ ເລັດດ້ານການປະຕິບັດວຽກງານ ສິ່ງແວດລ້ອມ, ຄວາມປອດໄພ, ມາດຕະການປ້ອງກັນ ໂຄວິດ-19, ການພັດທະນາຊຸມຊົນຂອງ ບໍລິສັດ ແລະ ການຮ່ວມມືທີ່ດີກັບ ອຳນາດການປົກຄອງທ້ອງຖິ່ນ. ບໍລິສັດ ລ້ານຊ້າງ ມີເນໂຣນສ໌ ລິມິເຕັດ (LXML) ເປັນວິສາ ຫະກິດ ແບບຢ່າງໃນ ສປປ ລາວ ແລະ ໄດ້ຮັບລາງວັນຍ້ອງຍໍລະ ດັບ ດີເລີດ (A+) ຢ່າງສະເໝີມາ ເຊິ່ງມອບໂດຍກະຊວງພະລັງ ງານ ແລະ ບໍ່ແຮ່ ສຳລັບການປະ ຕິບັດໄດ້ມາດຕະຖານສາກົນ ດ້ານ ການຂຸດຄົ້ນບໍ່ແຮ່. ທ່ານ ສະໝານ ອະເນກາ, ຜູ້ອຳນວຍການໃຫຍ່ LXML ໄດ້ກ່າວວ່າ: “LXML ມີຄວາມມຸ່ງໝັ້ນຕໍ່ການຮ່ວມມື ແລະ ເຮັດວຽກຮ່ວມກັນຢ່າງຕັ້ງ ໜ້າກັບລັດຖະບານ ໃນນາມຄູ່ ຮ່ວມພັດທະນາ. LXML ມີຄວາມ ພາກພູມໃຈສຳລັບການປະກອບ ສ່ວນຕໍ່ການພັດທະນາເສດຖະ ກິດ-ສັງຄົມໃນ ສປປ ລາວ.” ຕັ້ງແຕ່ເລີ່ມດຳເນີນການຂຸດຄົ້ນ-ຜະລິດຄຳ-ທອງໃນປີ 2003, ໂຄງການຄຳ-ທອງ ເຊໂປນ ໄດ້ ຜະລິດແທ່ງຄຳຫຼາຍກວ່າ 1,2 ລ້ານ ອອນສ໌ ແລະ ຜະລິດແຜ່ນ ທອງຫຼາຍກວ່າ 1 ລ້ານໂຕນ; ໄດ້ ສ້າງຜົນປະໂຫຍດໂດຍກົງຫຼາຍ ກວ່າ US$1,5 ຕື້ ໃຫ້ແກ່ ສປປ ລາວ ໂດຍຜ່ານການຈ່າຍພາສີ-ອາກອນ, ພາສີຊັບພະຍາກອນແຮ່ ທາດ ແລະ ເງິນປັນຜົນ. ນອກຈາກນັ້ນ ໂຄງການຄຳ-ທອງເຊໂປນຍັງໄດ້ສ້າງຜົນປະ ໂຫຍດທາງອ້ອມດ້ວຍການສ້າງ ວຽກເຮັດງານທຳ, ຜ່ານການ ເຝິກອົບຮົມຕ່າງໆ, ການພັດທະ ນາຊຸມຊົນ ແລະ ສ້າງລາຍໄດ້ໃຫ້ ແກ່ບັນດາຜູ້ຮັບເໝົາທ້ອງຖິ່ນ (ລວມທັງລັດວິສາຫະກິດໄຟຟ້າ ລາວ, ລັດວິສາຫະກິດນ້ຳມັນ ເຊື້ອໄຟລາວ, ບໍລິສັດສະຫວັນໂລ ຈິສຕິກ) ອັນໄດ້ສ້າງຜົນປະ ໂຫຍດທາງບວກຢ່າງມະຫາສານ ໃຫ້ແກ່ການພັດທະນາເສດຖະ ກິດ-ສັງຄົມ. LXML ໄດ້ລົງທຶນຫຼາຍຮ້ອຍ ລ້ານໂດລາສະຫະລັດ ເຂົ້າໃສ່ ການພັດທະນາ ແລະ ການເຝິກອົບ ຮົມພະນັກງານ ກໍຄືຊັບພະຍາ ກອນມະນຸດ. ໃນຊຸມຊົນເມືອງວິ ລະບູລີ ໄດ້ມີປະຊາຊົນກວ່າ 40.000 ຄົນ ໄດ້ຮັບຜົນປະ ໂຫຍດຈາກໂຄງການພັດທະນາ ຊຸມຊົນຂອງໂຄງການຄຳ-ທອງ ເຊໂປນລວມມູນຄ່າ US$13 ລ້ານ (ຜ່ານກອງທຶນປະຈຳປີ ແລະ ໂຄງການປັບປຸງຊີວິດການ ເປັນຢູ່ສຳລັບຜູ້ທີ່ດ້ອຍໂອກາດ ທີ່ສຸດຢູ່ອ້ອມຂ້າງບໍ່ຄຳ-ທອງເຊ ໂປນ) ແລະ ລາຍໄດ້ຂອງກຸ່ມທຸ ລະກິດທ້ອງ ຖິ່ນ ກໍໄດ້ທະວີຄູນ ຂຶ້ນເປັນ US$33 ລ້ານ. ໃນປັດຈຸບັນ, LXML ມີພະນັກ ງານປະມານ 5.000 ຄົນ ເພື່ອສະ ໜັບໜູນໄລຍະການພັດທະນາ ໂຮງງານ ແລະ ອຸປະກອນໃໝ່ ເພື່ອເພີ່ມການຜະລິດຄຳ ແລະ ຍືດ ອາຍຸຂອງບໍ່ຄຳ-ທອງ ເຊໂປນ. ໃນ ຖານະຄູ່ຮ່ວມພັດທະນາ ແລະ ຜູ້ຈ່າຍພາສີອາກອນສຳຄັນໃນ ສປປ ລາວ, LXML ມີຄວາມມຸ່ງ ໝັ້ນເປັນບໍລິສັດຂຸດຄົ້ນບໍ່ແຮ່ທີ່ດີ ເລີດ ແລະ ສ້າງຄວາມອຸດົມຮັ່ງ ມີໃຫ້ແກ່ສັງຄົມ.

news to day and hot news