POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 03 ທັນວາ 2024

ປີຜ່ານມາ ເມືອງ ຫົງສາ ມີລາຍຮັບ ຈາກການທ່ອງທ່ຽວ 2 ແສນກວ່າ ໂດລາ
ເວລາອອກຂ່າວ: 2019-01-04 09:19:42 | ຜູ້ຂຽນ : ພິດສະໄໝ ສອນວິໄລ | ຈຳນວນຄົນເຂົ້າຊົມ: 349219166 | ຄວາມນິຍົມ:

ໃນໜຶ່ງປີຜ່ານມານີ້ມີນັກທ່ອງ ທ່ຽວເຂົ້າມາທ່ຽວເມືອງຫົງສາ ຫຼາຍກວ່າ 3.600 ເທື່ອຄົນ, ສາມາດສ້າງລາຍຮັບຈາກການ ທ່ອງທ່ຽວໄດ້ທັງໝົດ 2 ແສນ ກວ່າໂດລາ. ທ່ານ ສົມຍົດ ອານຸວົງ ຫົວ ໜ້າຫ້ອງການຖະແຫຼງຂ່າວວັດ ທະນະທຳ ແລະ ທ່ອງທ່ຽວເມືອງ ຫົງສາ, ໄດ້ເປີດເຜີຍຕໍ່ທີມງານ ຂ່າວແຂວງໃນຫວ່າງບໍ່ດົນມາ ນີ້ວ່າ: ເມືອງຫົງສາຕັ້ງຢູ່ທິດ ເໜືອຂອງແຂວງໄຊຍະບູລີ ຫ່າງ ຈາກເທສະບານແຂວງ 90 ກິ ໂລແມັດ, ປະກອບມີ 34 ບ້ານ, ມີ 5.737 ຄອບຄົວ, ມີພົນ ລະ ເມືອງທັງໝົດ 28.721 ຄົນ, ມີ 8 ເຜົ່າ, ໃນໄລຍະ 1 ປີມານີ້ ເມືອງຫົງສາໄດ້ຖືເອົາວຽກງານ ການທ່ອງທ່ຽວເປັນບັນຫາສຳ ຄັນ, ເພື່ອດຶງດູດເອົານັກທ່ອງ ທ່ຽວທັງພາຍໃນ ແລະ ຕ່າງ ປະເທດເຂົ້າມາທ່ອງທ່ຽວເມືອງ ຫົງສາ ນັບມື້ນັບຫຼາຍຂຶ້ນ ເຊິ່ງ ພວກເຮົາໄດ້ມີຄວາມ ພ້ອມເຊັ່ນ: ສະຖານທີ່ທ່ອງທ່ຽວ, ດ້ານສິ່ງ ຮອງຮັບ ແລະ ສິ່ງອຳນວຍ ຄວາມສະດວກ ດ້ານຕ່າງໆດັ່ງ ຄຳຂວັນຂອງເມືອງຫົງສາທີ່ວ່າ: ເມືອງອຸດສາຫະກຳພະລັງານໄຟ ຟ້າພັດທະນາຫັດຖະກຳຕໍ່າແຜ່ນ ແພຝ້າຍສາຍທາງທ່ອງທ່ຽວຂີ່ ຊ້າງຊົມເມືອງມີຊື່ສຽງຜັກທຽມ ຫອມຫົວງາມເຂົ້າຫລາມແຊບ, ປັດຈຸບັນເມືອງຫົງສາ ມີສະຖານ ທີ່ທ່ອງທ່ຽວ 20 ກວ່າແຫ່ງ, ໃນ ນີ້ແຫຼ່ງທ່ອງທ່ຽວທາງດ້ານວັດ ທະນະທຳ 7 ແຫ່ງ, ແຫຼ່ງທ່ອງ ທ່ຽວທາງດ້ານທຳມະຊາດ 11 ແຫ່ງ ແລະ ທ່ອງທ່ຽວປະຫວັດ ສາດ 2 ແຫ່ງ, ນອກຈາກສະຖານ ທີ່ທ່ອງທ່ຽວແລ້ວເມືອງຫົງສາ ຍັງມີເຮືອນພັກ 18 ແຫ່ງ, ໂຮງ ແຮມ 2 ແຫ່ງ, ຣີສອດ 1 ແຫ່ງ, ປີຜ່ານມາມີນັກທ່ອງທ່ຽວເຂົ້າ ມາທ່ຽວເມືອງຫົງສາ 3.600 ກວ່າເທື່ອຄົນ, ສາມາດສ້າງລາຍ ຮັບໄດ້ກວ່າ 2 ແສນໂດລາ, ສ່ວນ ຫຼາຍນັກທ່ອງທ່ຽວຈະເປັນຄົນ ໄທ, ເຂົ້າມາທາງດ່ານສາກົນນ້ຳ ເງິນເມືອງເງິນ. ທ່ານ ສົມຍົດ ອານຸວົງ ຍັງ ໄດ້ກ່າວຕື່ມວ່າ: ໃນປີ 2019ນີ້ ຄາດວ່າຈະມີນັກທ່ອງທ່ຽວເຂົ້າ ມາທ່ຽວເມືອງຫົງສາບໍ່ຫຼຸດ 4-5 ພັນກວ່າຄົນ, ຈະສ້າງ ລາຍຮັບໄດ້ກວ່າ 3 ແສນ ໂດລາ, ພ້ອມນີ້ທາງເມືອງຫົງສາ ໄດ້ມີ ການປັບປຸງ, ບູລະນະແຫຼ່ງທ່ອງ ທ່ຽວຕາດເຍືອງ, ເພື່ອຮອງຮັບ ນັກທ່ອງທ່ຽວເຂົ້າມາທ່ຽວຊົມ ຕາດເຍືອງ ຕັ້ງຢູ່ບ້ານປາກຫ້ວຍ ຍາງ ເປັນນ້ຳຕົກຕາດທີ່ງົດງາມ, ອ້ອມຮອບເຕັມໄປດ້ວຍທຳມະ ຊາດຕົ້ນໄມ້ໃຫຍ່ ແລະ ພຶດພັນ ນາໆຊະນິດຫ່າງຈາກເທດສະ ບານເມືອງ 35 Km ນອກຈາກ ຊົມທຳມະຊາດທີ່ ງົດງາມແລ້ວຢູ່ສະຖານທີ່ດັ່ງກ່າວຈະມີການບໍລິການຂີ່ຊ້າງທ່ຽວຊົມທິວທັດທຳມະຊາດທີ່ອຸດົມສົມບູນອີກດ້ວຍ. ໂດຍ: ບຸນທີ

news to day and hot news