POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ແຄນລາວມໍລະດົກລາວມໍລະດົກໂລກ
ເວລາອອກຂ່າວ: 2019-01-08 10:18:37 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 309 | ຄວາມນິຍົມ:

ໃນເດືອນ ມັງກອນ ປີ 2008 ຢູ່ເມືອງວິລະບຸລີ ແຂວງສະຫວັນ ນະເຂດ, ບໍລິເວນຂຸດຄົ້ນຄຳ ຂອງ ບໍລິສັດລ້ານຊ້າງເມເນໂຣນ, ຮ່ວມກັບກົມມໍລະດົກ, ກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ພ້ອມກັນກອບ ກູ້ເອົາຄ້ອງບ້າງ ທີ່ມີຂະຫນາດ ໃຫຍ່ ແລະ ມີອາຍຸເກົ່າແກ່ເກືອບ ສອງພັນປີຂຶ້ນມາໄດ້, ບັນດານັກບູ ຮານວິທະຍາ ທັງພາຍໃນ ແລະ ຕ່າງປະເທດ ຕ່າງກໍຕົກຕະລຶງ ທີ່ ເຫັນຢູ່ໃນຄ້ອງບ້າງໜ່ວຍດັ່ງກ່າວ ໄດ້ມີຮູບຄົນເປົ່າແຄນ ດ້ວຍທ່າທີ ລີລາທີ່ເບີກບານມ່ວນຊື່ນ, ອັນນີ້ ສະແດງໃຫ້ເຫັນວ່າສຽງແຄນໄດ້ ເກີດມີມາຄຽງຄູ່ກັບເຊື້ອຊາດ ລາວມາແຕ່ບູຮານນະການ. ແຄນເປັນເຄື່ອງດົນຕີຍອດນິ ຍົມ ແລະ ຕິດພັນກັບວິຖີຊີວິດຂອງ ຄົນລາວເຮົາ, ມີບາງຄັ້ງອ້າຍ ບ່າວໄດ້ເປົ່າແຄນເລາະບ້ານ ເພື່ອ ລົມສາວ ຍ້ອນຕິດອົກຕິດໃຈ ແລະ ຫລົງສະເນມົນຂັງຂອງສຽງ ແຄນຈົນເຮັດໃຫ້ຜູ້ສາວຫລາຍ ຄົນມີຄວາມຫລົງໄຫລ ແລະ ມັກ ຮັກອ້າຍບ່າວໝໍແຄນ, ຈົນມີຫຼາຍ ຄົນກໍໄດ້ກາຍເປັນຄູ່ຜົວ-ເມຍ ແລະ ຮ່ວມຊີວິດນຳກັນ, ໃນຍາມ ມີພິທີກຳບຸນສິນກິນທານ ແລະ ຄົບງັນ, ສຽງແຄນກໍໄດ້ກ້ອງກ່ອມ ແລະ ສ້າງສັນບັນຍາກາດໃຫ້ແກ່ ງານນັ້ນໆ. ໃນສະໄໝຕໍ່ສູ້ກູ້ຊາດຕ້ານພວກ ລ່າເມືອງຂຶ້ນຜູ້ຮຸກຮານທັງເກົ່າ ແລະ ໃໝ່ ເພື່ອຍາດເອົາເອກະລາດ ຈົນສາມາດປົດປ່ອຍໄດ້ຢ່າງສົມ ບູນ, ສຽງແຄນກໍໄດ້ປຸກລະດົມ ນຳ້ໃຈປະຕິວັດຂອງອ້າຍນ້ອງ ກອງທັບ ແລະ ປະຊາຊົນລາວ ເຮົາໃຫ້ມີຄວາມຮັກເຊື້ອແພງ ຊາດ, ມີຄວາມຄຽດແຄ້ນຕໍ່ສັດຕູ ຜູ້ຮຸກຮານ, ປຸກລະດົມນຳ້ໃຈຕໍ່ສູ້ ຢ່າງອົງອາດກ້າຫານຕໍ່ສູ້ບໍ່ຍອມ ຈຳນົນເດັດດ່ຽວອາດຫານກ້າວ ຂຶ້ນ, ເຖິງແມ່ນວ່າຈະຢູ່ບ່ອນໃດ, ຂຸມຄອງໃດ, ເທິງປ້ອມພູໜ່ວຍໃດ ມີນັກຮົບຜູ້ຮັກຊາດຢູ່ບ່ອນນັ້ນ ກໍ ລ້ວນແຕ່ມີສຽງແຄນ ເພື່ອສ້າງ ຄວາມເບີກບານມ່ວນຊື່ນດ້ວຍຈິດ ໃຈທີ່ວ່າ “ສັດຕູມາເຮົາຕີ ສັດຕູໜີ ເຮົາເປົ່າແຄນສະຫລອງໄຊ”. ເພິ່ນໄດ້ແບ່ງແຄນອອກເປັນ 5 ປະເພດຄື: ແຄນສີ່, ແຄນຫ້າ, ແຄນຫົກ, ແຄນເຈັດ ແລະ ແຄນ ແປດ ສຳລັບແຄນເຈັດ ແລະ ແຄນແປດແມ່ນໃຊ້ສຳລັບເປົ່າໃສ່ ຮ້ອງເພງ, ຂັບລຳເຊັ່ນ: ຂັບຊຳ ເໜືອ, ຊຽງຂວາງ, ງື່ມ, ເມີ້ຍ ແລະ ຂັບທຸ່ມຫລວງພະບາງ ສຳລັບລຳ ແມ່ນລຳມະຫາໄຊ, ຜູ້ ໄທ, ຄອນສະ ຫວັນ, ບ້ານຊອກ, ຕັ່ງຫວາຍ, ສີພັນ ດອນ, ສາລະວັນ, ໂສມ, ລຳທາງ ສັ້ນ, ຍາວ, ລ່ອງ, ລຳເຕີ້ຍ, ລຳເພີນ, ລຳເດີນ ແລະ ອື່ນໆ. ນອກນັ້ນຍັງມີແຄນຂອງຊົນ ເຜົ່າມົ້ງ, ເຜົ່າກຶມມຸ ແລະ ຍັງມີຢູ່ ຫລາຍປະເທດ ໂດຍສະເພາະແມ່ນ ຢູ່ທາງພາກອີສານຂອງໄທ, ພາກ ຕາເວັນຕົກສ່ຽງເຫນືອຂອງ ສສ ຫວຽດນາມ, ພາກເໜືອຂອງກຳ ປູເຈຍ, ພາກໃຕ້ຂອງ ສປ ຈີນ ແລະ ຢູ່ທາງພາກຕາເວັນອອກ ສ່ຽງເໜືອຂອງປະເທດມຽນມາ. ດັ່ງນັ້ນນັບແຕ່ປີ 2012 ເປັນ ຕົ້ນມາ ລັດຖະບານໂດຍແມ່ນກະ ຊວງຖະແຫລງຂ່າວວັດທະນະ ທຳ ແລະ ທ່ອງທ່ຽວ ໄດ້ເປັນເຈົ້າ ການຄົ້ນຄວ້າ ແລະ ເກັບກຳຂໍ້ມູນ ຕ່າງໆກ່ຽວກັບແຄນ ເພື່ອນຳສະ ເໜີຕໍ່ອົງການອຸຍເນສໂກ ເຊິ່ງໄດ້ ຜ່ານຫລາຍຂັ້ນຕອນ, ທັງໄດ້ ຕອບບັນຫາຂໍ້ສອບຖາມຕ່າງໆ ຫລາຍຫລົບຫລາຍຕ່າວ, ອົງ ການດັ່ງກ່າວກໍໄດ້ມາກວດກາ ຕົວຈິງ ກ່ຽວກັບສຽງແຄນກັບວິ ຖີຊີວິດຂອງຄົນລາວຫລາຍຄັ້ງ ເພື່ອຢັ້ງຢືນຄວາມຖືກຕ້ອງຊັດ ເຈນ ແລະ ຈະແຈ້ງວ່າແຄນເປັນ ຂອງຊົນເຊື້ອຊາດລາວຢ່າງແທ້ ຈິງ ຫລື ບໍ່ ຈົນມາເຖິງວັນທີ 8 ທັນວາ 2018 ຄະນະຜູ້ແທນລາວ ນຳໂດຍທ່ານນາງ ມະນີວອນ ທຸມ ມະບຸດ ຮອງຫົວຫນ້າກົມມໍລະດົກ ພ້ອມດ້ວຍຄະນະໄດ້ໄປປ້ອງກັນ ກ່ຽວກັບສຽງແຄນລາວດັ່ງກ່າວ ຕໍ່ອົງການອຸຍເນສໂກ ທີ່ກອງປະ ຊຸມຢູ່ເມືອງ ເຈຈູ ສາທາລະນະລັດ ເກົາຫລີ ເພື່ອພິຈາລະນາ ແລະ ຮັບຮອງເອົາມໍລະດົກທາງດ້ານ ວັດທະນະທຳນາມມະທຳຂອງບັນ ດາປະເທດຕ່າງໆໃນໂລກ ແລະ ກໍຢູ່ໃນກອງປະຊຸມຄັ້ງນີ້ເອງອົງ ການອຸຍເນສໂກ ໄດ້ຕົກລົງຢ່າງ ເປັນເອກະສັນຮັບຮອງເອົາສຽງ ແຄນຂອງຄົນເຊື້ອຊາດລາວ ເປັນ ມໍລະດົກທາງດ້ານວັດທະນະທຳ ນາມມະທຳຂອງໂລກຢ່າງເປັນ ທາງການ. ຈາກນັ້ນມາໃນວັນທີ 14 ມິຖຸນາ 2018 ຢູ່ທີ່ນະຄອນຫຼວງປາຣີ ປະເທດຝຣັ່ງ ຜູ້ອຳນວຍການ ອົງການອຸຍເນສໂກ ໄດ້ຈັດພິທີ ມອບໃບຮັບຮອງໃຫ້ແກ່ ສປປ ລາວ ຢ່າງເປັນທາງການ ໂດຍມີ ທ່ານ ສອນໄຊ ສີພັນດອນ ຮອງ ນາຍົກລັດຖະມົນຕີ, ທ່ານ ບໍ່ແສງ ຄຳ ວົງດາລາ ລັດຖະມົນຕີກະ ຊວງຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ ຕາງຫນ້າ ໃຫ້ແກ່ລັດຖະບານ ແລະ ປະຊາ ຊົນລາວທຸກຖ້ວນຫນ້າ ເປັນຜູ້ ກ່າວຮັບຢ່າງສົມກຽດ, ເປັນອັນ ວ່ານັບແຕ່ນັ້ນເປັນຕົ້ນມາ ແລະ ຕໍ່ໆໄປສຽງແຄນຂອງຄົນເຊື້ອ ຊາດລາວໄດ້ກາຍເປັນມໍລະດົກ ທາງດ້ານວັດທະນະທຳ ນາມມະ ທຳ ຄຽງຄູ່ກັບເຊື້ອຊາດລາວ ແລະ ມວນມະນຸດໂລກຢ່າງສະ ຫງ່າຜ່າເຜີຍ. ໂດຍ: ຈັນທະວົງ ອຸ່ນວິໄລຫົງ

news to day and hot news