ວັນສຸກ, ວັນທີ 16 ຕຸລາ 2026
ກອງພັນໃຫຍ່ 11 ເອກະພາບແຜນການກະກຽມການເຄື່ອນໄຫວຫັດແອບຊ້ອມຮົບກຳປັ້ນເຫຼັກ 02
ເວລາອອກຂ່າວ: 2021-11-04 11:19:00 | ຜູ້ຂຽນ : admin1 | ຈຳນວນຄົນເຂົ້າຊົມ: 3179 | ຄວາມນິຍົມ: 
ວັນທີ 3 ພະຈິກ 2021 ນີ້, ກອງພັນໃຫຍ່ 11 ໄດ້ເອກະພາບແຜນການກະກຽມການເຄື່ອນ ໄຫວຫັດແອບຊ້ອມຮົບກຳປັ້ນເຫຼັກ 02 ຂອງແຕ່ລະກົມກອງວິຊາສະເພາະທີ່ຂຶ້ນກັບ ໂດຍການເຂົ້າຮ່ວມຮ່ວມຂອງ ສະຫາຍ ພັນເອກ ກົງທອງ ສຸຂະວົງ ຫົວໜ້າການທະຫານ ແລະ ສະຫາຍ ພັນເອກ ພອນມີໄຊ ສີວົງຊຳ ຫົວໜ້າການເມືອງ ກອງພັນໃຫຍ່ 11, ມີບັນດາສະຫາຍຄະນະພັກ-ຄະນະບັນຊາ, ພະແນກການ, ກອງພັນນ້ອຍ, ກອງຮ້ອຍເອກະລາດທີ່ຂຶ້ນກັບເຂົ້າຮ່ວມ.
ໃນພິທີ ຄະນະພັກ-ຄະນະບັນຊາ ແຕ່ລະກອງພັນ ໄດ້ຜັດປ່ຽນກັນຂຶ້ນລາຍງານກ່ຽວກັບການກະ ກຽມແຜນການ ເຄື່ອນໄຫວສູ້ຮົບຕ່າງໆຂອງຕົນ. ພາຍຫຼັງທີ່ໄດ້ຮັບຄຳສັ່ງສູ້ຣົບ ຈາກຂັ້ນເທິງແຕ່ລະກອງພັນກໍໄດ້ ຈັດຕັ້ງຊາບຊຶມ, ຄິດໄລ່ເວລາ, ກຳນົດວຽກທີ່ຕ້ອງເຮັດ; ຕີລາຄາສະພາບ, ຄາດກະແຜນການສູ້ຮົບ, ສ້າງມະຕິນຳພາ, ແຜນການຮັບປະກັນສູ້ຮົບ, ແຜນການສືບສະະໜາມ ແລະ ຈັດຕັ້ງເຜີຍແຜ່, ຈັດຕັ້ງສືບສະໝາມ ແລະ ດັດແປງແຜນການ ຜ່ານແຜນການຕໍ່ຂັ້ນເທິງ ແລະ ຫັດແອບແກ້ໄຂກໍລະນີເທິງແຜນທີ່; ມອບໝາຍໜ້າທີ່ ແລະ ຈັດຕັ້ງປະສານໃຫ້ກົມກອງຂັ້ນລຸ່ມ ເພື່ອຄວາມກຽມພ້ອມໃນການປະຕິບັດສູ້ຮົບຢູ່ພູມີປະເທດຕົວຈິງໃຫ້ສຳເລັດຕາມແຜນການທີ່ວາງໄວ້.
ໂດຍ: ເພັດ ສົມນໍວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
