ວັນພຸດ, ວັນທີ 04 ທັນວາ 2024
ເປີດກອງປະຊຸມຄະນະກຳມະການເສດຖະກິດ, ແຜນການ ແລະ ການເງິນສະພາປະຊາຊົນແຂວງໄຊຍະບູລີ ປະຈຳປີ 2018
ເວລາອອກຂ່າວ: 2019-01-11 10:25:47 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 298 | ຄວາມນິຍົມ: 
ກອງປະຊຸມຄົບຄະນະຂອງ ຄະນະກຳມະການເສດຖະກິດ, ແຜນການ ແລະ ການເງິນ ສະພາ ປະຊາຊົນແຂວງໄຊຍະບູລີ, ໄດ້ໄຂ ຂຶ້ນໃນຕອນບ່າຍຂອງວັນທີ 8 ມັງກອນ 2019, ທີ່ຫ້ອງປະ ຊຸມພະແນກສຶກສາທິການ ແລະ ກີລາແຂວງ, ໂດຍການເຂົ້າຮ່ວມ ຂອງທ່ານ ບຸນທຽມ ນັນທະກອນ ກຳມະການພັກແຂວງ ຮອງປະ ທານສະພາປະຊາຊົນແຂວງ, ມີ ທ່ານ ຈັດຕະວາ ແກ້ວຄຳ ເພັດ ປະທານຄະນະກຳມະການ ເສດຖະກິດ, ແຜນການ ແລະ ການ ເງິນ, ສະມາຊິກສະພາແຫ່ງຊາດ, ມີສະມາຊິກສະພາປະຊາຊົນຂັ້ນ ແຂວງ, ຫົວໜ້າ, ຮອງຫົວໜ້າ ຂົງເຂດວຽກງານເສດຖະກິດຕະ ຫຼອດຮອດພະນັກງານທີ່ກ່ຽວ ຂ້ອງເຂົ້າຮ່ວມ.
ໃນກອງປະຊຸມ ທ່ານ ຈັດຕະວາ ແກ້ວຄຳເພັດ ໄດ້ຂຶ້ນລາຍງານ ການຈັດຕັ້ງປະຕິບັດແຜນພັດ ທະນາດ້ານເສດຖະກິດ-ສັງ ຄົມປີ 2018 ແມ່ນຂະຫຍາຍຕົວ ໃນລະດັບ 8,7% ປະຕິບັດໄດ້ຕາມ
ແຜນ, ມູນຄ່າຜະລິດຕະພັນພາຍ ໃນ GDP ບັນລຸໄດ້ 9.555 ຕື້ກີບ, ສະເລ່ຍໃສ່ຫົວຄົນໄດ້ 3,012 ໂດລາສະຫະລັດ, GNI ໄດ້ 2.186 ໂດລາ, ເກັບລາຍຮັບ
ເຂົ້າງົບປະມານໄດ້ 853,31 ຕື້ ກີບ, ເທົ່າກັບ 98,68%ຂອງແຜນ ການປີ, ດ້ານງົບປະມານທີ່ຜ່ານ ມາຍັງເປັນແຜນຂາດດຸນສູງລາຍ ຮັບບໍ່ກຸ້ມລາຍຈ່າຍ, ຕ້ອງໄດ້ຮັບ ການດຸນດ່ຽງຈາກງົບປະມານ ສູນກາງຫຼາຍກວ່າ 50% ຂອງ ແຜນລາຍຈ່າຍໃນທົ່ວແຂວງ, ດ້ານແຜນລາຍຮັບງົບປະມານ ເປັນແຜນແບບກ້າວກະໂດດ ທີ່ມີຈັງຫວະເພີ່ມຂຶ້ນສູງ, ຖ້າທຽບ
ໃສ່ແຜນປີຜ່ານມາເພີ່ມຂຶ້ນເຖິງ 23,67% ຫຼື ເທົ່າກັບ 50,45 ຕື້
ກີບ, ລວມຍອດລາຍຮັບແຜນທັງ
ໝົດ 864,72 ຕື້ກີບ ປະຕິບັດໄດ້ 853,86 ຕື້ກີບ, ເທົ່າກັບ 98,74% ຂອງແຜນປີ, ທຽບ ໃສ່ໄລຍະດຽວກັນຂອງ ປີ ຜ່ານມາເທົ່າກັບ 110,65% ໃນນີ້ແຜນລາຍຮັບສູນກາງປະ
ຕິບັດຢູ່ແຂວງ 598,48 ຕື້ກີບ,
ປະຕິບັດໄດ້ 617,38 ຕື້ກີບ,
ເທົ່າກັບ 103,16% ຂອງແຜນ
ການປີ, ທຽບໃສ່ໄລຍະດຽວ ກັນຂອງປີຜ່ານມາເທົ່າກັບ 102,58% ແລະ ລາຍຮັບ ພາຍໃນແຂວງ 266,24 ຕື້ກີບ ປະຕິບັດໄດ້ 236,47 ຕື້ກີບ, ເທົ່າ
ກັບ 88,82% ຂອງແຜນການປີ, ທຽບໃສ່ໄລຍະດຽວກັນຂອງ ປີຜ່ານມາເທົ່າກັບ 105,90%.
ກອງປະຊຸມຄົບຄະນະຂອງ ຄະນະກຳມະການເສດຖະກິດ, ແຜນການ ແລະ ການເງິນໄດ້ ສຸມໃສ່ວຽກງານທີ່ສຳຄັນເປັນ ຕົ້ນແມ່ນໄດ້ຮັບຟັງບົດລາຍ ງານການຈັດຕັ້ງປະຕິບັດແຜນ ພັດທະນາເສດຖະກິດ-ສັງຄົມ ຂອງແຂວງ ປະຈຳປີ 2018 ແລະ ແຜນການປະຈຳປີ 2019, ການ
ຈັດຕັ້ງປະຕິບັດແຜນງົບປະມານ ຂອງແຂວງປະຈຳປີ 2018 ແລະ ທິດທາງແຜນການປີ 2019, ສະພາບການເຄື່ອນໄຫວວຽກງານກວດກາປະຈໍາປີ 2018 ແລະ ທິດທາງແຜນການປະຈຳປີ 2019, ການປັບປຸງແກ້ໄຂຜົນການກວດສອບປະຈຳປີ 2018 ແລະ ທິດທາງແຜນການປະຈຳປີ 2019, ການເຄື່ອນໄຫວວຽກ ງານປະຈໍາ ປີ 2018 ແລະ ແຜນທິດທາງເຄື່ອນໄຫວວຽກ ງານປະຈຳປີ 2019 ຂອງຄະ ນະກຳມະການເສດຖະກິດ,ແຜນ ການ ແລະ ການເງິນ, ກອງປະຊຸມ
ຄັ້ງນີ້ຜູ້ເຂົ້າຮ່ວມຍັງໄດ້ພ້ອມ ກັນພິຈາລະນາ, ປະກອບຄຳ ຄິດຄຳເຫັນໃສ່ບັນດາບົດ ແລະ ຮັບຮອງ, ທຽບໃສ່ມະຕິກອງປະຊຸມສະພາສະໄໝສາມັນເທື່ອທີ 4 ແລະ ທີ 5 ຂອງສະພາປະຊາຊົນ ແຂວງ.
ໂດຍ: ທອງຈັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
