POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 05 ທັນວາ 2024

ກອງພົນທີ 5 ປະກາດການຈັດຕັ້ງ ຢູ່ກອງພັນໃຫຍ່ 502
ເວລາອອກຂ່າວ: 2021-12-15 11:38:05 | ຜູ້ຂຽນ : admin2 | ຈຳນວນຄົນເຂົ້າຊົມ: 505 | ຄວາມນິຍົມ:

ໃນວັນທີ 14 ທັນວາ 2021 ນີ້, ກອງພົນທີ5 ໄດ້ປະກາດການຈັດຕັ້ງ ຂັ້ນ ບັນຊາ-ນໍາພາ ບາງຫົວໜ່ວຍກົມກອງ ທີ່ຂຶ້ນກັບກອງພັນໃຫຍ່502 ໂດຍການເປັນປະທານ ຂອງສະຫາຍ ພັນເອກ ອຸດອນ ພົມມະໄຊ ຫົວໜ້າຫ້ອງພະລາທິການກອງພົນທີ5, ມີຄະນະພັກ-ຄະນະບັນຊາ ພະແນກການ, ກົມກອງຕະຫຼອດຮອດພະນັກງານ ທີ່ໄດ້ຮັບໜ້າທີ່ໃໝ່ເຂົ້າຮ່ວມ. ໃນພິທີ ສະຫາຍ ພັນໂທ ຄໍາໄພ ປະທຸມທອງ ຫົວໜ້າພະແນກພະນັກງານ ກອງພົນທີ5 ໄດ້ຂຶ້ນຜ່ານຂໍ້ຕົກລົງ ໂດຍອີງຕາມກົດໝາຍນາຍທະຫານກອງທັບປະຊາຊົນລາວ ( ສະບັບປັບປຸງ ) ໃນພາກທີ II ໝວດທີ 4 ມາດຕາ 26 ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ ,ຂໍ້ຕົກລົງຂອງ ກົມໃຫຍ່ການ ເມືອງກອງທັບ ສະບັບເລກທີ 4861 /ກມທ ລົງວັນທີ 16 /09/2021 ກົມໃຫຍ່ການເມືອງກອງທັບຕົກລົງແຕ່ງຕັ້ງ ສະຫາຍ ພັນຕີ ບົວໄທ ໄຄລາສີ ຮັບຜິດຊອບວຽກງານພະລາທິການກອງພັນ12 ກອງພັນໃຫຍ່502 ,ຈາກນັ້ນ ກໍ່ໄດ້ຜ່ານຄໍາສັ່ງຍົກຍ້າຍ , ຂໍ້ຕົກລົງຂອງກອງພົນທີ5 ວ່າດ້ວຍການແຕ່ງຕັ້ງພະນັກງານເຮັດໜ້າທີ່ໃໝ່ ແລະ ຮັກສາການ ຢູ່ກອງພັນໃຫຍ່502 ຕົກລົງ ແຕ່ງຕັ້ງ ສະຫາຍ ພັນໂທ ສົມບູນ ຂັນທະຈັກ ຮັກສາການ ຮອງພະແນກເສນາທິການກອງພັນໃຫຍ່502 , ແຕ່ງຕັ້ງສະຫາຍ ພັນໂທ ວິເສດ ດວງສໍາພັນ ຮັກສາການ ຫົວໜ້າການທະຫານກອງພັນ11 , ຍົກຍ້າຍ ສະຫາຍ ພັນໂທ ສໍາລານ ດວງມາລາ ຮອງພະແນກເສນາທິການກອງພັນໃຫຍ່502 ໄປໃຫ້ຫ້ອງເສນາທິການກອງພົນທີ5, ຈາກນັ້ນ ຍັງໄດ້ປະກາດ ຂັ້ນຂະແໜງການ, ຂັ້ນກອງຮ້ອຍ ຕື່ມອີກ. ໂອກາດດັ່ງກ່າວ ,ສະຫາຍ ພັນເອກ ອຸດອນ ພົມມະໄຊ ໄດ້ມີຄຳເຫັນວ່າ ໂດຍອີງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານໃນສະເພາະໜ້າ ແລະ ຍາວນານ ເພື່ອເປັນການປັບປຸງສັບຊ້ອນບາງຕໍາແໜ່ງທີ່ຍັງວ່າງ ໃຫ້ມີຄວາມຮັບປະກັນເຮັດສໍາເລັດໜ້າທີ່ ຈຶ່ງໄດ້ຮຽກຮ້ອງໃຫ້ບັນດາ ສະຫາຍ ທີ່ຖືກແຕ່ງຕັ້ງໃໝ່ ຈົ່ງຍົກສູງບົດບາດການນໍາພາ-ຊີ້ນຳ ຂອງຕົນຖືເອົາວຽກງານສຶກສາອົບຮົມການເມືອງ-ນໍາພາແນວຄິດເປັນກົກ , ເພີ່ມທະວີຄວາມສາມັກຄີພາຍໃນ-ພາຍນອກ ໃຫ້ເປັນປຶກແຜ່ນ ແໜ້ນໜາ, ປະຕິບັດຫຼັກການລວມສູນປະຊາທິປະໄຕເຮັດວຽກເປັນໝູ່ຄະນະແບ່ງວຽກໃຫ້ບຸກຄົນຮັບຜິດຊອບ, ສືບຕໍ່ປັບປຸງກໍ່ສ້າງກົມກອງໃຫ້ມີທ່າກ້າວປ່ຽນແປງໃໝ່ເລື້ອຍໆ , ພ້ອມທັງສຸມໃສ່ສ້າງກອງວັດທະນະທໍາ, ນັກຮົບວັດທະນະທໍາ ແລະ ກົມກອງ3 ປອດ ໃຫ້ບັນລຸເປົ້າໝາຍຕົວຈິງ. ຂ່າວ: ສົມພອນໄຊ ພັນທ້າວ ພາບ: ພອນມີໄຊ ພົມມະວົງສາ

news to day and hot news