ວັນເສົາ, ວັນທີ 07 ທັນວາ 2024
ກອງພັນ 565 ປິດຊຸດອົບຮົມຫັດແອບເຝິກຝົນຫຼໍ່ຫຼອມກຳລັງກາຍປະຈຳປີ 2021
ເວລາອອກຂ່າວ: 2021-12-15 12:13:04 | ຜູ້ຂຽນ : admin2 | ຈຳນວນຄົນເຂົ້າຊົມ: 509 | ຄວາມນິຍົມ: 
ໃນວັນທີ 10 ທັນວາ 2021 , ຢູ່ກອງພັນ 565 ທີ່ຂຶ້ນກັບກອງພົນທີ 5 ໄດ້ຈັດພິທີປິດຊຸດອົບຮົມ-ຫັດແອບເຝິກຝົນຫຼໍ່ຫຼອມກຳລັງກາຍຂຶ້ນ ,ໂດຍການເປັນປະທານຂອງສະຫາຍ ພັນໂທ ລຳໄຍ ວັນພັກດີ ຫົວໜ້າພະແນກຊ່າງແສງກອງພົນທີ 5, ມີສະຫາຍ ພັນໂທ ສົມປອງ ວົງສີທອງ ຫົວໜ້າການທະຫານກອງພັນ 565 ພ້ອມດ້ວຍຄະນະພັກ-ຄະນະບັນຊາ, ພະນັກງານ-ນັກຮົບ ທົ່ວກົມກອງເຂົ້າຮ່ວມ.
ໃນພິທີ ສະຫາຍ ພັນໂທ ສົມປອງ ວົງສີທອງ ຫົວໜ້າການທະຫານກອງພັນ 565 ກໍ່ໄດ້ຂຶ້ນຜ່ານບົດສະຫຼຸບ ການຈັດຕັ້ງປະຕິບັດອົບຮົມ-ຫັດແອບໃນປີ 2021 ທີ່ຜ່ານມາ. ເຊິ່ງຍົກໃຫ້ເຫັນຂໍ້ສະດວກ, ຂໍ້ຫຍຸ້ງຍາກ ແລະ ບົດຮຽນທີ່ຖອດຖອນໄດ້ ໂດຍປະຕິບັດຕາມທິດທາງແຜນການປັບປຸງກຳລັງປະກອບອາວຸດໃຫ້ມີແບບແຜນທັນສະໄໝ, ມີການເຕີບໃຫຍ່ເຂັ້ມແຂງຮອບດ້ານ ທັງນີ້ກໍ່ເພື່ອໃຫ້ພະນັກງານ-ນັກຮົບໄດ້ຫັດແອບຮ່ຳຮຽນເປັນປົກກະຕິຕໍ່ເນື່ອງ, ມີຄວາມຊິນເຄີຍ, ຄ່ອງແຄ້ວສາມາດຮັບປະກັນໄດ້ ການເຮັດສຳເລັດທຸກໜ້າທີ່ວຽກງານທີ່ຂັ້ນເທິງມອບໝາຍໃຫ້ ເພື່ອປະກອບເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ. ຜ່ານການອົບຮົມ-ຫັດແອບສາມາດຕີລາຄາຜົນໄດ້ຮັບທັງໝົດທຽບໃສ່ແຜນການໄດ້ຄື: ດ້ານເວລາປະຕິບັດໄດ້: 93,75%, ດ້ານຈຳນວນພົນປະຕິບັດໄດ້: 91,18%, ຜົນໄດ້ຮັບຂອງການຮ່ຳຮຽນປະຕິບັດໄດ້: 93,33%, ດ້ານການປະຕິບັດຍິງລູກປືນແທ້ໄດ້: 86,66%, ສະເລ່ຍຜົນໄດ້ຮັບການຮຽນປະຈຳປີ 2021 ບັນລຸໄດ້: 91,23%. ຈາກນັ້ນ ສະຫາຍ ປະທານ ກໍ່ໄດ້ໂອ້ລົມ ເຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກ-ຄະນະບັນຊາ, ຕະຫຼອດຮອດພະນັກງານນັກຮົບທີ່ໄດ້ສຸມສະຕິໃນການຫັດແອບຮ່ຳຮຽນໃນຄັ້ງນີ້ໄດ້ຮັບຜົນສຳເລັດດ້ວຍດີ ແລະ ກໍ່ໄດ້ຮຽກຮ້ອງໃຫ້ຄະນະພັກ-ຄະນະບັນຊາ ຈົ່ງສືບຕໍ່ສຶກສາອົບຮົມການເມືອງ-ນຳພາແນວຄິດໃຫ້ແກ່ພະນັກງານ-ນັກຮົບ, ເພີ່ມທະວີຄວາມສາມັກຄີພາຍໃນ, ເອົາໃຈໃສ່ປະຕິບັດຂໍ້ກຳນົດ, ກົດລະບຽບ ພ້ອມທັງ ສືບຕໍ່ປະກອບສ່ວນເຂົ້າໃນຂະບວນການຕ່າງໆຂອງກົມກອງຢ່າງຟົດຟື້ນ ແລະ ແຂງແຮງ.
ໂດຍ: ໄຊຍະພອນ ທິບພະຈັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
