POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ທະຫານແຂວງຄຳມ່ວນ ປາຖະກະຖາ ວັນຊາດທີ 2 ທັນວາ ແລະ ວັນຄ້າຍວັນເກີດ ປະທານ ໄກສອນ ພົມວິຫານ
ເວລາອອກຂ່າວ: 2021-12-16 12:01:48 | ຜູ້ຂຽນ : admin1 | ຈຳນວນຄົນເຂົ້າຊົມ: 1716 | ຄວາມນິຍົມ:

ໃນວັນທີ 15 ທັນວາ 2021 ນີ້, ກອງບັນຊາການທະຫານແຂວງຄຳມ່ວນ ໄດ້ຈັດພິທີປາຖະກະຖາຫວນຄືນມູນເຊື້ອ ວັນຊາດ ທີ 2 ທັນວາ ຄົບຮອບ 46 ປີ (2 ທັນວາ 1975–2 ທັນວາ 2021) ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 101 ປີ (13 ທັນວາ 1920–13 ທັນວາ 2021), ໂດຍພາຍໃຕ້ການເປັນປະທານຂອງສະຫາຍ ພັນເອກ ຄຳສາຍ ເພັດນວນສີ, ຫົວໜ້າຫ້ອງການເມືອງ ກອງບັນຊາການທະຫານແຂວງຄຳມ່ວນ, ມີ ສະຫາຍ ອຸດອນ ສຸດທິລາດ, ຮອງຄະນະໂຄສະນາ-ອົບຮົມແຂວງ ພ້ອມດ້ວຍ ຄະນະພັກ-ຄະນະບັນຊາ ອົງການ 5 ຫ້ອງ, ພະແນກການ, ພະນັກງານ-ນັກຮົບ ກົມກອງອ້ອມຂ້າງເຂົ້າຮ່ວມ. ໃນພິທີ ສະຫາຍ ພັນເອກ ຄຳສາຍ ເພັດນວນສີ ແລະ ສະຫາຍ ອຸດອນ ສຸດທິລາດ ກໍ່ໄດ້ຜັດປ່ຽນກັນຂື້ນຜ່ານເນື້ອໃນເອກະສານມູນເຊື້ອ ວັນຊາດທີ 2 ທັນວາ ຄົບຮອບ 46 ປີ, ເຊິ່ງເປັນວັນແຫ່ງໄຊຊະນະ ຂອງການຕໍ່ສູ້ທີ່ຍືດເຍື້ອຍາວນານ, ລະອິດລະອ້ຽວ ຢ່າງພິລະອາດຫານ ຂອງປະຊາຊົນລາວບັນດາເຜົ່າ,ໂດຍພາຍໃຕ້ການຊີ້ນຳ - ນຳພາ ຂອງພັກປະຊາຊົນປະຕິວັດລາວ ທີ່ສະຫຼາດຫຼັກແຫຼມ, ເຊິ່ງພັກໄດ້ເຕົ້າໂຮມຄວາມສາມັກຄີຂອງປະຊາຊົນລາວບັນດາເຜົ່າ ລຸກຮື້ຂື້ນຕໍ່ສູ້ຕ້ານກັບພວກຈັກກະພັດລ່າເມືອງຂື້ນແບບເກົ່າ ແລະ ແບບໃໝ່ ຢ່າງອົງອາດກ້າຫານ, ຈົນສາມາດປົດປ່ອຍປະເທດຊາດໄດ້ຢ່າງມີໄຊ ແລະ ສະຖາປານາເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ຢ່າງສະຫງ່າຜ່າເຜີຍ ໃນວັນທີ 2 ທັນວາ 1975. ຫຼັງຈາກນັ້ນມາ ປະເທດຊາດເຮົາກໍ່ເລີ່ມມີຄວາມມັ່ງຄັ່ງ ເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມສີວິໄລຂື້ນເທື່ອລະກ້າວ ວັນຊາດທີ 2 ທັນວາ ແມ່ນວັນທີ່ມີຄວາມໝາຍ-ຄວາມສຳຄັນ ສຳລັບທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ, ແມ່ນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດ ແຫ່ງການຕໍ່ສູ້ກູ້ຊາດ ແມ່ນວັນທີ່ປະຊາຊົນລາວບັນດາເຜົ່າໄດ້ມີອິດສະຫຼະພາບ ແລະ ໄດ້ເປັນເຈົ້າຂອງປະເທດຊາດຢ່າງແທ້ຈິງ, ແມ່ນວັນທີ່ປະເທດລາວໄດ້ມີເອກະລາດຢ່າງສົມບູນ ແລະ ມີອະທິປະໄຕຢ່າງຄົບຖ້ວນ, ມີທີ່ຕັ້ງອັນສົມກຽດ ແລະ ມີຖານະເທົ່າທຽມກັບປະເທດອື່ນໆໃນເວທີປະຊາຄົມໂລກ, ແມ່ນວັນແຫ່ງສັນຕິພາບກ້າວສູ້ຍຸກສະໄໝໃໝ່ ແຫ່ງການສ້າງປະເທດໃຫ້ມີສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ, ພ້ອມນັ້ນ ຍັງໄດ້ຍົກໃຫ້ເຫັນຊີວິດ ແລະ ການເຄື່ອນໄຫວຂອງປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ ເຊິ່ງແມ່ນລູກຮັກຫຼານແພງຂອງປະຊາຊົນລາວບັນດາເຜົ່າ, ແມ່ນຜູ້ຮັກຊາດ, ນັກປະຕິວັດຢ່າງຍິ່ງໃຫຍ່ຂອງຊາດ ແມ່ນວິລະບູລຸດ ແລະ ເປັນຜູ້ນຳຂອງພັກ-ລັດ ທີ່ປີຊາສາມາດ, ສະຫຼາດສ່ອງໃສ ແລະ ສະດຸ້ງໄວ, ເພີ່ນຍັງເປັນນັກທິດສະດີ ແລະ ພຶດຕິກຳ, ເປັນນັກປຸກລະດົມຂົນຂວາຍໂຄສະນາ, ທັງເປັນນັກຍຸດທະສາດ, ນັກອອກແບບຍຸດໂທບາຍ ແລະ ວິທີຈັດຕັ້ງປະຕິບັດອັນສະຫຼາດ ຄ່ອງແຄ່ວ, ເປັນແກ່ນສານຂອງຄວາມສາມັກຄີພາຍໃນພັກ ແລະ ໃນຊາດ, ເປັນຜູ້ທີ່ມີຄຸນສົມບັດ-ສິນທຳປະຕິວັດສູງສົ່ງ, ມີທັດສະນະມະຫາຊົນຢ່າງກ້ວາງຂວາງ, ເປັນຜູ້ທີ່ດຸໝັ້ນໃນການດຳລົງຊີວິດແບບງ່າຍດາຍ, ປະຢັດ ແລະ ບໍລິສຸດປອດໃສ, ທັງເປັນຜູ້ວາງແນວທາງ ແລະ ເປັນແບບຢ່າງປະຕິບັດແນວທາງການຕ່າງປະເທດຢ່າງຖືກຕ້ອງ, ເຮັດໃຫ້ ສປປ ລາວ ມີບົດບາດໃນເວທີສາກົນ, ພ້ອມດຽວກັນນັ້ນ ຍັງໄດ້ເຜີຍແຜ່ເອກະສານ ຜົນສຳເລັດການກໍ່ສ້າງເສັ້ນທາງລົດໄຟ ລາວ-ຈີນ ອີກດ້ວຍ, ເຊິ່ງໂຄງການດັ່ງກ່າວ ເປັນໂຄງການຕົວແບບຂອງນະໂຍບາຍ, ໜຶ່ງແລວ ໜຶ່ງເສັ້ນທາງ ແມ່ນໂຄງການຮ່ວມມືຂອງສອງລັດຖະບານ ລາວ-ຈີນ, ໂຄງການກໍ່ສ້າງທາງລົດໄຟ ລາວ-ຈີນ ແມ່ນໂຄງການທີ່ມີຄວາມໝາຍທາງປະຫວັດສາດ ແລະ ຍຸດທະສາດຂອງປະເທດເຮົາ, ເຊິ່ງຈະເປັນພື້ນຖານໂຄງລ່າງທາງດ້ານເສດຖະ ກິດທີ່ໜັກແໜ້ນ ແລະ ຍືນຍົງຂອງປະເທດເຮົາ, ໃນການຂັບເຄື່ອນການພັດທະນາເສດຖະກິດ-ສັງຄົມ ຂອງຊາດ, ກໍ່ຄື ການຈັດຕັ້ງປະຕິບັດນະໂຍບາຍ ຫັນປະເທດເຮົາຈາກສະຖານະພາບດ້ອຍພັດທະນາ ທີ່ບໍ່ມີຊາຍແດນຕິດກັບທະເລ ໃຫ້ກາຍເປັນປະເທດທີ່ເຊື່ອມຈອດກັບພາກພື້ນ ແລະ ສາກົນ. ໂດຍ : ວິໄລວອນ ພົມມະວົງສາ

news to day and hot news