POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ປະກາດການຈັດຕັ້ງສູນອົງຄະທຽມ ແລະ ພື້ນຟູສະມັດຕະພາບ 686
ເວລາອອກຂ່າວ: 2021-12-16 12:33:06 | ຜູ້ຂຽນ : admin1 | ຈຳນວນຄົນເຂົ້າຊົມ: 1770 | ຄວາມນິຍົມ:

ໃນຕອນເຊົ້າຂອງວັນທີ 16 ທັນວາ 2021 ນີ້, ທີ່ສູນອົງຄະທຽມ ແລະ ພື້ນຟູສະມັດຕະພາບ 686 ໄດ້ຈັດພິທີປະກາດການຈັດຕັ້ງຄະນະພັກຮາກຖານ ໂດຍການເປັນປະທານຂອງສະຫາຍ ພົນຈັດຕະວາ ບຸນເຫລືອ ໄຊຍະເພັນ ຫົວໜ້າຫ້ອງການເມືອງ ນອກນັ້ນຍັງມີຄະນະສູນ, ພະນັກງານຫລັກແຫລ່ງໃນກົມກອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ໃນພິທີດັ່ງກ່າວ ສະຫາຍ ພັນໂທ ຄອນສະຫວັນ ແກ້ວທອນຈັນ ຫົວໜ້າພະແນກພະນັກງານ ຫ້ອງການເມືອງໄດ້ຂຶ້ນຜ່ານຂໍ້ຕົກລົງວ່າດ້ວຍ ການແຕ່ງຕັ້ງຊັບຊ້ອນຄະນະພັກສູນອົງຄະທຽມ 686 ຕາກົດໝາຍນາຍທະຫານກອງທັບປະຊາຊົນລາວ ສະບັບປັບປຸງໃນພາກທີ II ໝວດທີ 4 ມາດຕາ 26 ວ່າດ້ວຍການແຕ່ງຕັ້ງຍົກຍ້າຍນາຍທະຫານສະບັບເລກທີ 1155 ມາດຕາ 1: ແຕ່ງຕັ້ງບັນດາຫົວໜ້າ ແລະ ຮອງສູນອົງຄະທຽມ ແລະ ພື້ນຟູສະັດຕະພາບ 686 ລະອຽດຄື: 1.ແຕ່ງຕັ້ງ ພັນໂທ ດວງໃຈ ສີສົງຄາ ເປັນຫົວໜ້າການເມືອງ, 2.ພັນໂທ ໄຊຍະສັກ ບຸນສະຫວາດ ເປັນຫົວໜ້າການທະຫານ, 3. ພັນໂທ ບົວລະພັນ ລາດສະວົງ ເປັນຮອງການເມືອງ ທັງເປັນຫົວໜ້າພະແນກການເມືອງ, 4. ພັນຕີ ອຸ່ນຄໍາ ພົມມະຈັນ ເປັນຮອງການທະຫານ ທັງເປັນຫົວໜ້າພະແນກເຕັກນິກ. ໃນໂອກາດນີ້, ສະຫາຍພົນຈັດຕະວາ ບຸນເຫລືອ ໄຊຍະເພັນ ຍັງໄດ້ຍ້ອງຍໍຊົມເຊີຍຄະນະພັກຊຸດເກົ່າທີ່ມີຜົນງານດີເດັ່ນໃນໄລຍະທີ່ຜ່ານມາ ພ້ອມທັງໂອ້ລົມຊີ້ທິດເຍືອງທາງຄະນະພັກຊຸດໃໝ່ ໃຫ້ເພີ່ມທະວີຍົກສູງຄວາມຮັບຜິດຊອບຕໍ່ວຽກງານພາຍໃນກົມກອງ ເປັນຕົ້ນແມ່ນຮັບປະກັນວຽກງານການເມືອງ ແລະ ພາລາເຕັກນິກ, ປະ ສານສົມທົບກັບກົມກອງທີ່ກ່ຽວຂ້ອງ ເພື່ອຮັບປະກັນສໍາເລັດທຸກວຽກງານພາຍໃນກົມກອງ. ພ້ອມທັງເນັ້ນນັກໃຫ້ຄະນະຊຸດໃຫມ່ ພ້ອມກັນເຊື່ອມຊຶມກຳແໜ້ນແນວທາງປ່ຽນແປງໃຫມ່ຂອງພັກ ນະໂຍບາຍຂອງລັດ, ເອົາໃຈໃສ່ວຽກງານກວດກາພື້ນຖານໂຄງລ່າງ ເພື່ອເຮັດໃຫ້ກົມກອງມີຄວາມສະອາດຈົບງາມປອດໄສ, ປອດໄພ, ປອດຄະດີ, ຈັດຕັ້ງເປັນໝູ່ຄະນະທົບທວນຄືນວຽກງານວິຊາສະເພາະ ຕາມສິດ ແລະ ໜ້າທີ່ຂອງພະນັກງານໃນກົມກອງ ພ້ອມທັງກຳແໜ້ນວຽກງານການພົວພັນທັງພາຍໃນ ແລະ ຕ່າງປະເທດ, ເອົາໃຈໃສ່ເຝິກຝົນຫລໍ່ຫລອມຄຸນທາດການເມືອງ ເປັນແບບຢ່າງໃຫ້ພະນັກງານໃນກົມກອງ, ຮັບປະກັນຄວາມສາມັກຄີໃຫ້ເປັນປຶກແຜ່ນ ພ້ອມກັນຜັນຂະຫຍາຍແນວ ທາງຕາມທິດຊີ້ນຳຂອງຂັ້ນເທິງໃຫ້ມີບາດກ້າວໃຫມ່.

news to day and hot news