ວັນພຸດ, ວັນທີ 04 ທັນວາ 2024
ສະຫະພັນແມ່ຍິງ ວ ພ ທ ສະຫຼຸບວຽກງານກອງທຶນເງິນຝາກ ປະຈໍາປີ 2021
ເວລາອອກຂ່າວ: 2021-12-17 10:51:50 | ຜູ້ຂຽນ : admin2 | ຈຳນວນຄົນເຂົ້າຊົມ: 929 | ຄວາມນິຍົມ: 
ວັນທີ 15 ທັນວາ 2021 ພະແນກສະຫະພັນແມ່ຍິງ ວິທະຍາຄານການແພດກອງທັບ ໄດ້ເປີດກອງປະຊຸມສະຫຼຸບວຽກງານກອງທຶນເງິນຝາກ ປະຈໍາປີ 2021 ແລະ ທິດທາງແຜນການ ປີ 2022, ໂດຍພາຍໃຕ້ການເປັນປະທານຂອງສະຫາຍ ພັອ ດຣ ສຸລິວົງ ລັດວິໄລ ຄະນະປະຈໍາພັກ ຫົວໜ້າການເມືອງ ວິທະຍາຄານການແພດກອງທັບ, ມີ: ຄະນະພັກ-ຄະນະບັນຊາ, ຫ້ອງການ, ຊາວໜຸ່ມ-ແມ່ຍິງ ເຂົ້າຮ່ວມ.
ສະຫາຍ ພັທ ນ. ສີນັນທອງ ສົມມະນີ ຫົວໜ້າພະແນກສະຫະພັນແມ່ຍິງ ວິທະຍາຄານການແພດກອງທັບ ໄດ້ຜ່ານບົດສະຫຼຸບວຽກງານກຸ່ມກອງທຶນເງິນຝາກ ປະຈຳປີ 2021, ກຸ່ມກອງທຶນເງິນຝາກຂອງພະແນກສະຫະພັນ ແມ່ຍິງ ວິທະຍາຄານການແພດກອງທັບ ໄດ້ສ້າງຕັ້ງຂຶ້ນວັນທີ 01 ມັງກອນ 2004 ເປັນຕົ້ນມາ,ໂດຍພາຍໃຕ້ການ ຊີ້ນຳຂອງພະແນກສະຫະພັນແມ່ຍິງ ກົມໃຫຍ່ພະລາທິການກອງທັບ ແລະ ຄະນະພັກ-ຄະນະບັນຊາ ວິທະຍາຄານ ການແພດກອງທັບ, ຈຸດປະສົງເພື່ອສ້າງກອງທຶນເງິນຝາກຊ່ວຍເຫຼືອ ແລະ ແກ້ໄຂຊີວິດການເປັນຢູ່ຂອງພະນັກງານ, ນາຍ ແລະ ພົນທະຫານຂອງກົມກອງໃນຍາມຂາດເຂີນ, ກອງທຶນເງິນຝາກປີ 2021 ຂອງສະຫະພັນແມ່ຍິງ ວິທະ ຍາຄານການແພດກອງທັບ ໄດ້ຮັບຝາກມາແຕ່ເດືອນ ມັງກອນ ຫາ ເດືອນ ພະຈິກ ປີ 2021, ມີຈຳນວນສະມາ ຊິກກອງທຶນ 503 ສະຫາຍ, ມີຈຳນວນທຶນໝູນວຽນທັງໝົດ 1.182.424.000 ກີບ, ດອກເບ້ຍປີ 2021 ມີທັງໝົດ ຈຳນວນ 159.660.000 ກີບ, ການແບ່ງປັນຜົນກຳໄລດອກເບ້ຍແມ່ນປະຕິບັດຕາມຂໍ້ຕົກລົງຂອງຄະນະພັກ ອົງການກົມໃຫຍ່ພະລາທິການກອງທັບ ສະບັບເລກທີ 67/ກພລ, ລົງວັນທີ 02/02/2018 ວ່າດ້ວຍລະບຽບ, ຫຼັກການໃນການປັນຜົນກຳໄລດອກເບ້ຍຂອງວຽກງານກອງທຶນເງິນຝາກສະຫະພັນແມ່ຍິງໃນກອງທັບ, ໃນພິທີ ກໍໄດ້ແລກປ່ຽນຄວາມຄິດເຫັນ,ຖອດຖອນບົດຮຽນການເຄື່ອນໄຫວວຽກງານກອງທຶນເງິນຝາກ ໃນໄລຍະ 1 ປີຜ່ານ ມາ ແລະ ວາງທິດທາງແຜນການປີ 2022.
ໂອກາດນີ້ ສະຫາຍ ພັອ ດຣ ສຸລິວົງ ລັດວິໄລ ຄະນະປະຈໍາພັກ ຫົວໜ້າການເມືອງ ວິທະຍາຄານການແພດກອງທັບ ໄດ້ໂອ້ລົມຕໍ່ພະນັກງານ-ນັກຮົບໃນພິທີດັ່ງກ່າວໃຫ້ສືບຕໍ່ປະຕິບັດແຜນການເຄື່ອນໄຫວວຽກງານກອງທຶນຝາກເງິນໃນປີຕໍ່ໄປ, ຮັບປະກັນບໍ່ໃຫ້ຕົກເຮ່ຍເສຍຫາຍ, ເອົາໃຈໃສ່ປຸກລະດົມການເມືອງແນວຄິດພະນັກງານ-ນັກ ຮົບ,ນັກສຶກສາ ປະກອບສ່ວນເຂົ້າຮ່ວມຂະບວນການວຽກງານກອງທຶນເງິນຝາກໃຫ້ເປັນຂະບວນຟົດຟື້ນ ເພື່ອເຮັດໃຫ້ວຽກງານກອງທຶນເງິນຝາກຂອງພະແນກສະຫະພັນແມ່ຍິງ ວິທະຍາຄານການແພດກອງທັບ ນັບມື້ເຕີບໃຫຍ່ຂຶ້ນເລື້ອຍໆ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
