POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ຫ້ອງເຕັກນິກທະຫານແຂວງຫຼວງພະບາງ ສະຫຼຸບວຽກງານຮອບດ້ານປະຈໍາປີ 2021
ເວລາອອກຂ່າວ: 2021-12-17 11:32:11 | ຜູ້ຂຽນ : admin2 | ຈຳນວນຄົນເຂົ້າຊົມ: 1094 | ຄວາມນິຍົມ:

ກອງປະຊຸມສະຫຼຸບວຽກງານຮອບດ້ານປະຈໍາປີ 2021 ທິດທາງແຜນການປີ 2022 ແລະ ປະກາດການຈັດຕັ້ງຫ້ອງເຕັກນິກທະຫານແຂວງຫຼວງພະບາງ ໄດ້ຈັດຂື້ນໃນຕອນເຊົ້າຂອງວັນທີ 16 ທັນວາ ນີ້ທີ່ສະໂມສອນຂອງກົມກອງ ໂດຍການເປັນປະທານ ຂອງສະຫາຍ ພັນເອກ ຄໍາບົງ ໄຊຍະວົງສາ ຄະນະພັກກອງບັນຊາການ ຫົວໜ້າຫ້ອງເຕັກນິກ, ມີສະຫາຍ ພັນໂທ ອ່ອນສີ ຫຼວງຄູນພອນ ຮອງຫົວໜ້າຫ້ອງເຕັກນິກ, ມີຄະນະພັກ - ຄະນະບັນຊາ, ຫົວໜ້າພະແນກ, ຮອງພະແນກ, ກອງຮ້ອຍສ້ອມແປງປະສົມຕະຫຼອດຮອດພະນັກງານ - ນັກຮົບພາຍໃນກົມກອງເຂົ້າຮ່ວມ. ໃນພິທີ ສະຫາຍ ພັນໂທ ຄໍາໝັ້ນ ຈັນໄຕ ຄະນະພັກຮາກຖານ ຫົວໜ້າພະແນກແຜນການ - ເຕັກນິກໄດ້ຜ່ານບົດສະຫຼຸບວຽກງານຮອບດ້ານປີ 2021 ແລະ ທິດທາງແຜນການປີ 2022 ຂອງຫ້ອງເຕັກນິກທະຫານແຂວງຫຼວງພະບາງ ໂດຍໄດ້ຕີລາການເຄື່ອນໄຫວຈັດຕັ້ງປະຕິບັດວຽກງານໃນ 1 ປີຜ່ານມາໃນນີ້ຫ້ອງເຕັກນິກມີຄະນະຫ້ອງ 3 ສະຫາຍ, ມີ 6 ພະແນກການຂື້ນກັບເຊັ່ນ. ພະແນກແຜນການ, ພະແນກຄຸ້ມຄອງລົດ, ພະແນກຄຸ້ມຄອງອາວຸດ- ກະສູນ, ພະແນກເຕັກນິກເຫຼົ່າລົບ, ພະແນກສ້ອມແປງ, ພະແນກບໍລິຫານ, ປະກອບມີ 1 ກອງຮ້ອຍສ້ອມແປງປະສົມ ແລະ 1 ໝວດປ້ອງກັນສາງ. ວຽກງານເຮັດໃຫ້ສະພາບມີຄວາມສະຫົງບຄະນະພັກ -ຄະນະບັນຊາໄດ້ເອົາໃຈໃສ່ຊີ້ນໍາວຽກງານປະຈໍາການກຽມພ້ອມສູ້ຮົບ, ກອບກູ້ໄພພິບັດ, ມີກໍາລັງປະຈໍາການ, ມີຄະນະປະຈໍາການ, ມີວັດຖຸ ແລະ ພາຫະນະປະຈໍາການຕະຫຼອດ 24 ຊົ່ງໂມງຮັບປະກັນໄດ້ຄວາມປອດໄພ 100%, ໄດ້ເປີດຊຸດອົບຮົມ -ຫັດແອບຮໍ່າຮຽນການເມືອງ - ການທະຫານພະລາທິການ - ເຕັກນິກປະຈໍາປີ 2021 ຂອງກົມກອງ, ໄດ້ຖືເອົາວຽກງານສຶກສາອົບຮົມການເມືອງ - ນໍາແນວຄິດໃຫ້ພະນັກງານສະມາຊິກພັກ - ນັກຮົບເປັນປົກກະຕິ, ຕິດຕາມກວດການການເຄື່ອນໄຫວຂອງພະນັກງານ - ນັກຮົບໃນກົມກອງເພື່ອຕ້ານ ແລະ ສະກັດກັ້ນປະກົດການຫໍ້ຍທໍ້ຕ່າງໆ ທີ່ອາດຈະເກີດຂື້ນໃຫ້ທັນເວລາ, ຈິງໃຈຕໍານິສົ່ງຂ່າວກໍ່ສ້າງຊ່ວຍເຫຼືອເຊິ່ງກັນ ແລະ ກັນ ເພື່ອແກ້ໄຂບັນຫາຈຸດຄົງຄ້າງໃຫ້ໝົດໄປ, ຄະນະພັກ - ຄະນະບັນຊາໄດ້ຖືສໍາຄັນຕໍ່ວຽກງານກໍ່ສ້າງພັກໂດຍຖືເອົາຄຸນນະພາບເປັນກົກໄດ້ຄັດເລືອກເອົາມະຫາຊົນຜູ້ທີ່ມີຄວາມກ້າວໜ້າມີຜົນງານດີເດັ່ນເຂົ້າຮຽນສະໜັບ, ສະໜູນພັກ 11 ສະຫາຍ, ຮຽນກົດລະບຽບພັກ 4 ສະຫາຍ, ຍົກສູງຄຸນທາດການເມືອງ, ຄຸນສົມບັດສິນທໍາປະຕິວັດ, ຄວາມຮູ້, ຄວາມສາມາດຂອງສະມາຊິກພັກໃຫ້ສູງຂື້ນ, ສ້າງກົມກອງປອດໃສ, ເຂັ້ມແຂງໜັກແໜ້ນມີຄຸນນະພາບດີ, ມີການຈັດຕັ້ງນໍາພາຂອງຄະນະພັກໃນນີ້ມີສະມາຊິກພັກແຂງ 51 ສະຫາຍ, ກາງ 3 ສະຫາຍ, ຫ້ອງເຕັກນິກເປັນອົງການວິຊາສະເພາະມີການຄຸ້ມຄອງປົກປັກຮັກສາສ້ອມແປງພາຫະນະເຕັກນິກອາວຸດ - ຍຸດໂທປະກອນວຽກງານກໍ່ສ້າງພັກ - ພະນັກງານວິຊາການແມ່ນມີຄວາມຈໍາເປັນ ແລະ ຮີບດ່ວນ, ເປັນຕົ້ນແມ່ນວິຊາການສ້ອມແປງລົດຍົນ, ສ້ອມແປງປືນໃນປີ 2021 ຜ່ານມາໄດ້ສົ່ງພະນັກງານ - ນັກຮົບໄປຮຽນຢູ່ ສສ ຫວຽດນາມ 1 ສະຫາຍ, ຮຽນທິດສະດີການເມືອງ - ການປົກຄອງຢູ່ພາຍໃນແຂວງ 2 ສະຫາຍ, ຮຽນນາຍສີບ 2 ສະຫາຍ, ພ້ອມນັ້ນຍັງສົ່ງພະນັກງານ - ນັກຮົບໄປຝຶກງານນໍາກະລາເອກະຊົນ ແລະ ໂຮງງານປະສານເຫຼົ່າ 2 ຊຸດຈໍານວນ 6 ສະຫາຍ, ໄດ້ຮັບການແຕ່ງຕັ້ງຂັ້ນພະແນກ, ຮອງພະແນກ 5 ສະຫາຍໃນແຕ່ລະຂະແໜງການໃຫ້ແທດເໝາະກັບຄວາມຮູ້, ຄວາມສາມາດຕົວຈິງ. 1 ປີຜ່ານມາສ້ອມແປງລົດໄດ້ທັງໝົດ 72 ຄັນ, ສ້ອມແປງເບົາ 62 ຄັນ, ສ້ອມແປງກາງ 8 ຄັນ ແລະ ສ້ອມແປງໜັກ 8 ຄັນ, ນອກຈາກຈະເຮັດສໍາເລັດວຽກງານວິຊາສະເພາະໄດ້ເປັນຢ່າງດີແລ້ວກົມກອງຍັງໄດ້ຖືສໍາຄັນວຽກງານປູກຝັງ - ລ້ຽງສັດສ້າງພະລາທິການກັບທີ່ໃນນີ້ກົມກອງມີສວນຜັນໃນຮົ່ມ 1 ບ່ອນ, ສວນຜັກກາງແຈ້ງ 2 ບ່ອນສາມາດປູກພຶດຜັກສະນິດຕ່າງໆ ຕາມລະດູການໄດ້ທັງໝົດ 1.500 ກິໂລ,ປ້ອນເຂົ້າເຮືອນຄົວລວມໄດ້ເປັນຢ່າງດີ, ມີສັດປີກ 300 ໂຕ, ລ້ຽງໝູປ່າ 5 ໂຕ, ງົວ 23 ໂຕ, 1 ປີຜ່ານມາສາມາດສ້າງລາຍຮັບໄດ້ຈາກການປູກຝັງ - ລ້ຽງສັດ ແລະ ອື່ນໆ ໄດ້ເປັນເງີນທັງໝົດ 89.760.000 ກີບ. ສະເລ່ຍໃສຫົວຄົນໜື່ງບັນລຸໄດ້ 1.020.000 ກີບຕໍ່ຄົນ, ຕໍ່ປີ ແລະ ພ້ອມທັງວາງທິດທາງແຜນການຄາດໝາຍສູ້ຊົນໃນປີ 2022 ເພື່ອເຮັດໃຫ້ວຽກງານມີຜົນສໍາເລັດສູງຂື້ນ. ຈາກນັ້ນ ສະຫາຍ ພັນໂທ ອ່ອນສີ ຫຼວງຄູນພອນ ຮອງຫົວໜ້າຫ້ອງເຕັກນິກໄດ້ຜ່ານມະຕິຕົກລົງຂອງຄະນະພັກກອງບັນຊາການທະຫານແຂວງຫຼວງພະບາງ ວ່າດ້ວຍການບົ່ງຕົວແຕ່ງຕັ້ງເລຂາ, ຮອງເລຂາ, ກໍາມະການໜ່ວຍພັກຄຸ້ມຄອງລົດ - ສ້ອມແປງຫ້ອງເຕັກນິກໃນນີ້ໄດ້ແຕ່ຕັ້ງ ສະຫາຍ ພັນໂທ ຄໍາຫຼ້າ ຈັນທະບູລີ ເປັນເລຂາໜ່ວຍພັກ, ພັນຕີ ຄໍາພຽນ ອິນທະສອນ ເປັນຮອງເລຂາໜ່ວຍພັກ ແລະ ສະຫາຍ ຮ້ອຍເອກ ວັນທອງ ໄຊຍະວົງ ເປັນກໍາມະການ ແລະ ຂໍ້ຕົກລົງຂອງກອງບັນຊາການທະຫານແຂວງວ່າດ້ວຍການແຕ່ງຕັ້ງໜ້າທີ່ໃຫ້ນາຍທະຫານຢູ່ຫ້ອງເຕັກນິກ ຈໍານວນຈໍານວນ 14 ສະຫາຍ ,ຊ່ວຍວຽກບັນດາພະແນກການຢູ່ພາຍໃນຫ້ອງເຕັກນິກ 4 ສະຫາຍ. ໃນຕອນທ້າຍກອງປະຊຸມຍັງໄດ້ຮັບຟັງການໂອ້ລົມ ແລະ ເນັ້ນໜັກດ້ວຍຫຼາຍບັນຫາທີ່ສໍາຄັນຈາກ ສະຫາຍ ພັນເອກ ຄໍາບົງ ໄຊຍະວົງສາ ຄະນະພັກກອງບັນຊາການ ຫົວໜ້າຫ້ອງເຕັກນິກທະຫານແຂວງຫຼວງພະບາງຕື່ມອີກ. ໂດຍ: ໄຊຍະສອນ ລັດຕະນະວົງ.

news to day and hot news