POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ປະກາດການເລື່ອນຊັ້ນໃຫ້ນາຍທະຫານ ພັນຕີ ຂື້ນ ພັນໂທ
ເວລາອອກຂ່າວ: 2021-12-17 13:36:10 | ຜູ້ຂຽນ : admin2 | ຈຳນວນຄົນເຂົ້າຊົມ: 1182 | ຄວາມນິຍົມ:

ປະກາດການເລື່ອນຊັ້ນໃຫ້ນາຍທະຫານ ພັນຕີ ຂຶ້ນ ພັນໂທ ຢູ່ເຂດພາກເໜືອ ( 1 ) ໄດ້ຈັດຂຶ້ນໃນວັນທີ 16 ທັນວາ 2021 ນີ້, ຢູ່ທີ່ສະໂມສອນກອງບັນຊາການທະຫານແຂວງຫຼວງນໍ້າທາ, ໂດຍການເປັນປະທານຂອງ ສະຫາຍ ພົນຕີ ວໍລະສານ ວິລັດດາວົງ ກໍາມະການປະຈໍາພັກ ກະຊວງປ້ອງກັນປະເທດ ຮອງຫົວໜ້າກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ, ນາຍທະຫານທີ່ໄດ້ຮັບການເລື່ອນຊັ້ນໃໝ່ ມາຈາກກອງບັນຊາການທະຫານແຂວງຜົ້ງສາລີ, ອຸດົມໄຊ, ບໍ່ແກ້ວ, ກອງພົນທະຫານຮາບທີ 3 ແລະ ກອງບັນຊາການທະຫານແຂວງຫຼວງນໍ້າທາເຈົ້າພາບເຂົ້າຮ່ວມ. ໃນພິທີສະຫາຍ ພັນໂທ ຄໍາເອ້ຍ ສຸກແສງເໜືອ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຜ່ານຂໍໍ້ຕົກລົງຂອງກະຊວງປ້ອງກັນປະເທດ ວ່າດ້ວຍ ການເລື່ອນຊັ້ນໃຫ້ນາຍທະຫານ ຢູ່ເຂດພາກເໜືອ (1), ອີງຕາມກົດໝາຍນາຍທະຫານກອງທັບປະຊາຊົນລາວ (ສະບັບປັບປຸງ) ພາກທີ II ໝວດ 3 ມາດຕາ 22 ແລະ ມາດ ຕາ 23 ວ່າດ້ວຍການເລື່ອນຊັ້ນນາຍທະຫານ, ອີງຕາມການຄົ້ນ ຄວ້ານໍາສະເໜີຂອງກົມໃຫຍ່ ການເມືອງກອງທັບ, ກະຊວງປ້ອງກັນປະເທດຕົກລົງເລື່ອນຊັ້ນ ພັນຕີ ຂຶ້ນພັນໂທ ໃຫ້ນາຍທະຫານຢູ່ບັນດາກົມກອງເຂດພາກເໜືອ (1) ຈໍານວນ 53 ສະຫາຍ. ຈາກນັ້ນ, ສະຫາຍ ພົນຕີ ວໍລະສານ ວິລັດດາວົງ ໄດ້ມີຄໍາເຫັນໂອ້ລົມ ເຊິ່ງບາງຕອນສະຫາຍ ໄດ້ກ່າວວ່າ: ການເລື່ອນຊັ້ນ ເປັນການປະຕິບັດຕາມກົດໝາຍນາຍທະຫານກອງທັບປະຊາຊົນລາວ, ເພື່ອຕອບສະ ໜອງຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນກອງທັບ ຕາມທິດປັບປຸງກອງທັບໃຫ້ນັບມື້ເຕີບໃຫຍ່ຂະຫຍາຍຕົວໄປຄຽງຄູ່ກັບການປົກປັກຮັກສາປະເທດຊາດ ແລະ ການກຽມພ້ອມສູ້ຮົບຂອງ ແຕ່ລະໄລຍະ, ທັງເປັນການມອບໝາຍໜ້າທີ່ ແລະ ຄວາມຮັບຜິດຊອບໃຫ້ນາຍທະຫານສູງຂຶ້ນຕື່ມອີກບາດກ້າວໜຶ່ງ ສະນັ້ນ, ຈຶ່ງຮຽກຮ້ອງໃຫ້ຜູ້ທີ່ໄດ້ຮັບການເລື່ອນຊັ້ນໃໝ່ ຈົ່ງພ້ອມກັນຄົ້ນຄວ້າເຊື່ອມຊຶມກໍາແໜ້ນແນວທາງແຜນນະໂຍບາຍຂອງພັກ, ລະບຽບກົດໝາຍຂອງລັດ, ບັນດາມະຕິຄໍາສັ່ງຕ່າງໆຂອງພັກ- ລັດ ແລະ ໜ້າທີ່ການເມືອງຂອງກົມກອງຢ່າງເລິກເຊິ່ງ, ເອົາໃຈໃສ່ເຮັດວຽກງານສຶກສາອົບຮົມ ການເມືອງ-ນໍາພາແນວຄິດ ຕິດພັນກັບຂະບວນການວຽກງານຕົວຈິງ, ສືບຕໍ່ຍົກສູງຄວາມຮັບຜິດຊອບ ຕໍ່ໜ້າທີ່ການເມືອງທີ່ໄດ້ຮັບການມອບໝາຍ, ເພີ່ມທະວີຄວາມສາມັກຄີຢູ່ພາຍໃນໃຫ້ເປັນປຶກແຜ່ນແໜ້ນໜາ ຕິດພັນກັບການປັບປຸງແບບແຜນນໍາພາ ວິທີເຮັດວຽກໃຫ້ສອດຄ່ອງ, ມີວິທະຍາ ສາດ, ຕັ້ງໜ້າປະກອບສ່ວນເຂົ້າໃນການປັບປຸງກໍ່ສ້າງກົມກອງ ໃຫ້ມີຄວາມໜັກແໜ້ນເຂັ້ມແຂງ ແລະ ພັດທະນາທຸກດ້ານ, ພ້ອມກັນສ້າງຂະບວນການສ້າງຜົນງານໄວ້ຄໍານັບຮັບຕ້ອນບັນດາວັນສໍາຄັນທາງປະຫວັດສາດຂອງຊາດ, ຂອງພັກ, ຂອງກອງທັບ ແລະ ຂອງສາກົນ ໃຫ້ເປັນຂະບວນຟົດຟື້ນ ແລະຕໍ່ເນື່ອງ. ໂດຍ: ສົມສະນຸກ

news to day and hot news