ກອງພົນທີ 1 ຈັດຕັ້ງຍິງເປົ້າໝາຍດ້ານລູກປືນແທ້
ເວລາອອກຂ່າວ: 2019-01-23 09:27:19 | ຜູ້ຂຽນ : | ຈຳນວນຄົນເຂົ້າຊົມ: 40 | ຄວາມນິຍົມ:
ເນື່ອງໃນໂອກາດຂໍ່ານັບຮັບ ຕ້ອນວັນສ້າງຕັ້ງກອງທັບປະຊາ ຊົນລາວ ຄົບຮອບ 70 ປີ ກອງ ພົນທີ1 ໄດ້ຈັດກິດຈະກໍາແຂ່ງຂັນ ກີລາຍິງເປົ້າໝາຍດ້ວຍລູກປືນ ແທ້ຂຶ້ນ ໃນວັນທີ 15 ມັງກອນ 2019 ນີ້, ເຊິ່ງມີຄະນະພັກ-ຄະ
ນະບັນຊາການກອງພົນ, ອົງການ
5 ຫ້ອງ, ພະແນກການ, ແຂກຖືກ
ເຊີນມາຈາກອຳນາດການປົກ ຄອງເມືອງວັງວຽງ, ໂຮງງານຊີ ມັງລາວວັງວຽງ 3 ຫຼັງ, ແລະ
ພາກສ່ວນທຸລະກິດບໍລິສັດ, ຫ້າງ
ຮ້ານອ້ອມຂ້າງເມືອງວັງວຽງ ເຂົ້າຮ່ວມແຂ່ງຂັນ.
ການຈັດຕັ້ງປະຕິບັດຍິງລູກ ປືນແທ້ໃນຄັ້ງນີ້ແມ່ນການສ້າງ ຂະບວນການໃຫ້ມ່ວນຊື່ນຢູ່ໃນ
ທ່າມກາງບັນຍາກາດທີ່ທົ່ວພັກ, ທົ່ວລັດ, ທົ່ວກອງທັບພວມຍູ້ແຮງ ສ້າງຜົນງານຂໍ່ານັບຮັບຕ້ອນ 70 ປີ
ວັນສ້າງຕັ້ງກອງທັບປະຊາຊົນ
ລາວ. ທັງນີ້ກໍເພື່ອກວດກາຕີລາ
ຄາຄືນຄວາມຮັບຮູ້, ເຂົ້າໃຈ,
ຄວາມສາມາດທາງດ້ານທິດສະ
ດີຫຼັກການ, ສິລະປະຍຸດ-ຍຸດທະ ວິທີໃນການນໍາໃຊ້ອາວຸດຍຸດໂທ
ປະກອນການທະຫານຂອງພະ
ນັກງານ-ນັກຮົບ ໃນກອງທັບ
ລວມໄປເຖິງການຈັດຕັ້ງທຸກພາກ
ສ່ວນຕະຫຼອດຮອດພາກສ່ວນທຸ ລະກິດ, ບໍລິສັດ, ຫ້າງຮ້ານຕ່າງໆ
ຢູ່ໃນ ສປປ ລາວ, ສາມາດຮັບ
ປະກັນໄດ້ດັບສູນເປົ້າໝາຍຊັດ ເຈນ, ວ່ອງໄວ, ທັນເວລາ ແລະ ມີ
ປະສິດທິຜົນສູງເວລາເຄື່ອນໄຫວ ເຮັດໜ້າທີ່ຕົວຈິງໃນສະພາບ ການອັນໃໝ່ຂອງປະເທດຊາດ. ເຊິ່ງມີການນໍາທຸກພາກສ່ວນເຂົ້າ ຮ່ວມແຂ່ງຂັນທັງໝົດ 110 ສະ ຫາຍ, ເປົ້າໝາຍຍິງເບຍເລກ 4, ຍິງ 6 ລູກ ໄລຍະຍິງ 100 ແມັດ, ຄະແນນສູງສຸດ 60 ຄະແນນ.
ຜ່ານການແຂ່ງຂັນຍິງເປົ້າ
ໝາຍຕົວຈິງສາມາດສະຫຼຸບຜົນ ໄດ້ຮັບດັ່ງນີ້: ຊະນະເລີດໂດຍສະ ຫາຍພັນໂທ ໄກສອນ ສີດາເພັດ ຮອງຫົວໜ້າຫ້ອງເສນາທິການ ຍິງຖືກເປົ້າໝາຍ 6 ລູກ ລວມ 55
ຄະແນນ ໄດ້ຮັບຂັນ 1 ໜ່ວຍພ້ອມ
ເງິນສົດ 1 ລ້ານກີບ, ຮອງຊະນະ
ເລີດ ສະຫາຍ ພັນໂທ ບຸນແຖວ
ແກ້ວດວງດີ ຫົວໜ້າພະແນກອົບ ຮົມຍິງຖືກເປົ້າໝາຍ 6 ລູກ ລວມ 54 ຄະແນນ ໄດ້ຮັບຂັນ 1 ໜ່ວຍ
ພ້ອມເງິນສົດ 8 ແສນກີບ, ລາງວັນ
ທີ3 ໄດ້ແກ່ທ່ານ ພັນເອກ ສົມເພັດ
ແກ້ວວັນທອງ ຫົວໜhາຫ້ອງພະ ລາທິການຍິງຖືກເປົ້າໝາຍ 6 ລູກ
ລວມ 53 ຄະແນນ ໄດ້ຮັບເງິນ ສົດຈໍານວນ 6 ແສນກີບ ແລະ ໄດ້ ຈັດພິທີມອບຢ່າງສົມກຽດ.
ໂດຍ: ໂກຮັງ ພັນທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ