ຫວຽດນາມ ຢູ່ອັນດັບ 3 ດ້ານການລົງທຶນຢູ່ລາວ
ເວລາອອກຂ່າວ: 2022-06-17 09:43:17 | ຜູ້ຂຽນ : admin2 | ຈຳນວນຄົນເຂົ້າຊົມ: 233 | ຄວາມນິຍົມ:
ໃນຫຼາຍປີຜ່ານມາ, ດ້ວຍ
ຄວາມເອົາໃຈໃສ່ຂອງລັດຖະ
ບານ ທັງສອງປະເທດ ລາວ ແລະ
ຫວຽດນາມ ກໍຄື ກະຊວງອຸດສາ ຫະກຳ ແລະ ການຄ້າ ລາວ-ຫວຽດ
ນາມ ເຮັດໃຫ້ການພົວພັນຮ່ວມ ມືດ້ານການຄ້າມີການເຕີບໂຕເປັນ
ຢ່າງດີ ໂດຍສະເພາະ ໃນປີ 2021
ມູນຄ່າການຄ້າສອງຝ່າຍສາມາດ
ບັນລຸໄດ້ຫຼາຍກວ່າ 1,37 ຕື້ໂດລາ
ເພີ່ມຂຶ້ນ 33,32% ທຽບໃສ່
ປີ 2020 ເຊິ່ງເປັນມູນຄ່າການ ຄ້າສອງຝ່າຍສູງທີ່ສຸດໃນຮອບ 10 ປີ.
ທ່ານ ຄໍາແພງ ໄຊສົມແພງ
ລັດຖະມົນຕີ ກະຊວງອຸດສາຫະກຳ ແລະ ການຄ້າ ໄດ້ໃຫ້ຮູ້ວ່າ: ໃນໂອ
ກາດການສະເຫຼີມສະຫຼອງປີສາ ມັກຄີມິດຕະພາບ ລາວ-ຫວຽດ ນາມ ປີ 2022, ສອງລັດຖະບານ ກໍຄື ສອງກະຊວງອຸດສາຫະກຳ ແລະ ການຄ້າ ລາວ-ຫວຽດນາມ
ໄດ້ສືບຕໍ່ເອົາໃຈໃສ່ຊຸກຍູ້ວຽກ ງານການຄ້າ ແລະ ການລົງທຶນ ລະຫວ່າງສອງຝ່າຍ ເພື່ອໃຫ້ມີ ການເຕີບໃຫຍ່ຂະຫຍາຍຕົວໄປ ຕາມຄາດໝາຍທີ່ສອງພັກ-ສອງ ລັດຖະບານວາງອອກ ກໍຄືສາ ມາດບັນລຸເປົ້າໝາຍອັດຕາການຂະຫຍາຍຕົວຂອງມູນຄ່າການ
ຄ້າຢ່າງໜ້ອຍ 10% ຕໍ່ປີ. ສະ
ເພາະ ປີ 2021 ຜ່ານມາ ເຖິງ
ວ່າທັງສອງປະເທດລາວ ແລະ
ຫວຽດນາມ ພົບບັນຫາຫຍຸ້ງຍາກ ຫຼາຍດ້ານ ໂດຍສະເພາະການລະ ບາດຂອງພະຍາດ ໂຄວິດ-19,
ແຕ່ຍ້ອນທັງສອງລັດຖະບານມີ ຄວາມສະດຸ້ງໄວ ແລະ ສາມາດ ແກ້ໄຂບັນຫາໄດ້ຢ່າງທັນການ ຈົນສາມາດແກ້ໄຂບັນຫາເສດ ຖະກິດ-ສັງຄົມ ແລະ ຮັກສາມູນຄ່າການຄ້າສອງຝ່າຍໃຫ້ເຕີບໂຕເປັນຢ່າງດີ. ດ້ວຍເຫດນັ້ນໃນປີ 2021 ມູນຄ່າການຄ້າສອງຝ່າຍ ສາມາດບັນລຸໄດ້ຫລາຍກວ່າ 1,37 ຕື້ໂດລາສະຫະລັດ ເພີ່ມ ຂຶ້ນ 33,32% ທຽບໃສ່ ປີ 2020
ເຊິ່ງເປັນມູນຄ່າການຄ້າສອງຝ່າຍສູງທີ່ສຸດໃນຮອບ 10 ປີ
ແລະ ຈັດຢູ່ອັນດັບທີ 3 ຂອງຕ່າງ
ປະເທດທີ່ມາລົງທຶນຢູ່ລາວ.
ທ່ານ ຄໍາແພງ ໄຊສົມແພງ ໃຫ້ຮູ້ອີກວ່າ: ສໍາລັບບັນດາກິດ ຈະກໍາທີ່ປິ່ນອ້ອມການສະເຫຼີມ ສະຫຼອງປີສາມັກຄີມິດຕະພາບ ລາວ-ຫວຽດນາມ ກໍຄືສອງວັນ
ປະຫວັດສາດ: ວັນສ້າງຕັ້ງສາຍ ພົວພັນການທູດ ລາວ-ຫວຽດ ນາມ ຄົບຮອບ 60 ປີ ແລະ ວັນ
ເຊັນສົນທິສັນຍາມິດຕະພາບ ແລະ
ການຮ່ວມມືຮອບດ້ານ ຄົບຮອບ
45 ປີ, ສອງກະຊວງອຸດສາຫະກຳ ແລະ ການຄ້າ ລາວ-ຫວຽດນາມ
ໄດ້ຮ່ວມກັນຈັດຕັ້ງປະຕິບັດໃນ
ໄລຍະຜ່ານມາ ແລະ ກຳລັງຈັດ
ຕັ້ງປະຕິບັດ ມີຄື: ໄດ້ສໍາເລັດການ ຈັດກອງປະຊຸມການຮ່ວມມືພັດ ທະນາການຄ້າຊາຍແດນ ລາວ-
ຫວຽດນາມ ຄັ້ງທີ XII, ການພົບ
ປະ 3 ກະຊວງອຸດສາຫະກຳ ແລະ
ການຄ້າ, ພະລັງງານ ແລະ ບໍ່
ແຮ່ ສປປ ລາວ ແລະ ກະຊວງອຸດ ສາຫະກຳ ແລະ ການຄ້າ ສສ
ຫວຽດນາມ ຢູ່ ສສ ຫວຽດນາມ (ຄາດວ່າຈະຈັດຂຶ້ນໃນລະຫວ່າງ
ເດືອນ ກໍລະກົດ ຫຼື ເດືອນສິງ
ຫາ 2022), ງານວາງສະແດງ ສິນຄ້າປະຈຳປີ ລາວ-ຫວຽດນາມ (ຄາດວ່າຈະຈັດຂຶ້ນໃນລະຫວ່າງ
ວັນທີ 25 - 29 ສິງຫາ 2022
ທີ່ນະຄອນຫຼວງວຽງຈັນ); ການ
ຮ່ວມມືໃນການສ້າງຕຶກໃໝ່ຂອງ ກົມສົ່ງເສີມວິສາຫະກິດຂະໜາດ ນ້ອຍ ແລະ ກາງ; ຈັດສຳມະນາ, ປາຖະກະຖາ, ເຜີຍແຜ່ ແລະ ສ້າງ
ກິດຈະກຳສົ່ງເສີມມູນເຊື້ອສາຍ ພົວພັນມິດຕະພາບ, ຄວາມສາ ມັກຄີແບບພິເສດ ແລະ ການຮ່ວມ
ມືຮອບດ້ານ ລາວ-ຫວຽດນາມ (ຄາດວ່າຈະຈັດຂຶ້ນໃນເດືອນ ມິຖຸນາ 2022), ກິດຈະກຳສະ
ແດງຄວາມຮູ້ບຸນຄຸນຕໍ່ພັກ, ລັດຖະ
ບານ ແລະ ປະຊາຊົນບັນດາເຜົ່າ ຂອງສອງປະເທດ ພ້ອມທັງສ້າງ
ຂະບວນການແຂ່ງຂັນຍ້ອງຍໍຜູ້ ທີ່ມີຜົນງານດີເດັ່ນໃນການຊຸກຍູ້-ສົ່ງເສີມການຮ່ວມມື ລາວ-ຫວຽດ
ນາມ ໃນຂະແໜງອຸດສາຫະກຳ ແລະ ການຄ້າ (ຄາດວ່າຈະຈັດຂຶ້ນ ໃນເດືອນມິຖຸນາ ຫຼື ເດືອນກໍລະກົດ 2022).
ໂດຍ: ຈັນທະວົງ ອຸ່ນວິໄລຫົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ