POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 15 ເມສາ 2026

ແຂວງອຸດົມໄຊ ເປີດກອງປະຊຸມສະຫຼຸບວຽກງານປ້ອງກັນຊາດ-ປ້ອງກັນຄວາມສະຫງົບ ປະຈຳປີ 2018
ເວລາອອກຂ່າວ: 2019-02-04 09:28:18 | ຜູ້ຂຽນ : | ຈຳນວນຄົນເຂົ້າຊົມ: 239840270 | ຄວາມນິຍົມ:

ກອງປະຊຸມສະຫຼຸບຖອດຖອນ ບົດຮຽນວຽກງານປ້ອງກັນຊາດ-ປ້ອງກັນຄວາມສະຫງົບ ປະຈຳປີ 2018 ແລະ ແຜນການປີ 2019 ຂອງແຂວງອຸດົມໄຊ ໄດ້ສຳເລັດ ລົງຢ່າງຈົບງາມ ໃນວັນທີ 29 ມັງ ກອນນີ້ພາຍຫຼັງດຳເນີນມາເປັນ ເວລາ 1 ວັນ ຢູ່ທີ່ຫ້ອງປະຊຸມຫ້ອງ ວ່າການປົກຄອງແຂວງ, ໂດຍ ການເປັນປະທານຂອງ ສະຫາຍ ປອ ຄຳພັນ ເຜີຍຍະວົງ ກຳມະ ການສູນກາງພັກ, ເລຂາພັກ ແຂວງ, ເຈົ້າແຂວງໆອຸດົມໄຊ ປະ ທານປ້ອງກັນຊາດ-ປ້ອງກັນ ຄວາມສະຫງົບແຂວງ, ເປັນກຽດເຂົ້າຮ່ວມໂດຍ ມີສະຫາຍ ພົນ ຈັດຕະວາ ຈັນທະວອນ ໄຊຍະຜົງ ກຳມະການປະຈຳພັກແຂວງ, ເລຂາພັກ, ຫົວໜ້າການທະຫານ ກອງບັນຊາການທະຫານແຂວງ ອຸດົມໄຊ, ສະຫາຍ ພົນຈັດຕະວາ ນິລະວົງ ເຈືອງຕະວະລາດ ກຳມະ ການປະຈຳພັກແຂວງ, ຫົວໜ້າ ກອງບັນຊາການປ້ອງກັນຄວາມ ສະຫງົບແຂວງ, ມີການນຳ ແຂວງ, ເມືອງ, ການນຳກອງພົນ ທີ 3 ແລະ ພາກສ່ວນກ່ຽວຂ້ອງ ເຂົ້າຮ່ວມ. ກອງປະຊຸມຄັ້ງນີ້ໄດ້ສະຫຼຸບຕີ ລາຄາຄືນສະພາບການຈັດຕັ້ງປະ ຕິບັດວຽກງານ ປກຊ-ປກສ ໃນ ໄລຍະປີ 1 ຜ່ານມາ ໃນນີ້ໄດ້ຕີລາ ຄາສະພາບລວມຂອງໂລກ, ພາກ ພື້ນ ແລະ ສະພາບລວມພາຍໃນ ແຂວງ, ບັນດາກຸ່ມຄົນທີ່ບໍ່ຫວັງ ດີຍັງສືບຕໍ່ເຄື່ອນໄຫວປັ່ນປ່ວນ ມ້າງເພທຳລາຍ, ແຕ່ກໍາລັງປະ ກອບອາວຸດ ແລະ ປະຊາຊົນລາວ ບັນດາເຜົ່າໄດ້ຕັ້ງໜ້າປະຕິບັດ ສອງໜ້າທີ່ຍຸດທະສາດ, ສືບຕໍ່ຮັກ ສາໄດ້ສະຖຽນລະພາບທາງດ້ານ ການເມືອງ ສັງຄົມມີຄວາມສະ ຫງົບ, ລະບົບການເມືອງຢູ່ຂັ້ນ ຮາກຖານໄດ້ຮັບການປັບປຸງໃຫ້ ໜັກແໜ້ນ, ກຳລັງ ປກຊ-ປກສ ນັບມື້ເຕີບໃຫຍ່ເຂັ້ມແຂງ ນອກນັ້ນ ຍັງມີບາງດ້ານທີ່ຈະຕ້ອງສືບຕໍ່ເອົາໃຈໃສ່ແກ້ໄຂເປັນຕົ້ນແມ່ນ ການສຶກສາອົບຮົມນໍ້າໃຈຮັກ ຊາດ, ການກໍ່ສ້າງຮາກຖານການ ເມືອງຕິດພັນກັບການກໍ່ສ້າງຕາ ນ່າງ ປກຊ-ປກສ, ການຮັກສາ ຄວາມສະຫງົບ, ຄວາມເປັນລະ ບຽບຮຽບຮ້ອຍໃນສັງຄົມ, ການ ເກັບກຳສະພາບການຂໍ້ມູນຂ່າວ ສານໃຫ້ວ່ອງໄວຊັດເຈນຕອບ ສະໜອງກັບຄວາມຮຽກຮ້ອງ ຕ້ອງການໃນສະເພາະໜ້າ ແລະ ຍາວນານ, ກອງປະຊຸມໄດ້ເອ ກະພາບທິດທາງແຜນການໃນປີ ຕໍ່ໜ້າ ໂດຍສະເພາະແມ່ນສຸມໃສ່ສືບຕໍ່ວຽກງານກໍ່ສ້າງຮາກຖານການເມືອງຢ່າງແຂງແຮງເຮັດ ຢ່າງມີຈຸດສຸມ ແລະ ຕໍ່ເນື່ອງຕາມ 4 ເນື້ອໃນ 4 ຄາດໝາຍ, ເປັນເຈົ້າ ການເກັບກຳສະພາບຮອບດ້ານ, ເອົາໃຈໃສ່ແກ້ໄຂປາກົດການຫຍໍ້ທໍ້ໃນສັງຄົມຢ່າງຕັ້ງໜ້າ, ປົກປັກ ຮັກສາຄວາມເປັນລະບຽບຮຽບ ຮ້ອຍບໍລິເວນຊາຍແດນ ແລະ ບັນ ຫາອື່ນໆ. ກອງປະຊຸມຍັງໄດ້ປະ ກອບຄຳຄິດຄຳເຫັນໃສ່ວຽກງານ ປກຊ-ປກສ ໃນປີ 2020 ບັນລຸ ຕາມຄາດໝາຍ. ຕອນທ້າຍຂອງກອງປະຊຸມ ສະຫາຍ ປອ ຄຳພັນ ເຜີຍຍະວົງ ເຈົ້າແຂວງໆອຸດົມໄຊ ປະທານ ປ້ອງກັນຊາດ-ປ້ອງກັນຄວາມສະ ຫງົບແຂວງ ໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນຳໃນການຈັດຕັ້ງປະຕິບັດວຽກງານ ປກຊ-ປກສ ເອົາໃຈໃສ່ແກ້ໄຂຂໍ້ຄົງຄ້າງໃຫ້ ທັນເວລາ.

news to day and hot news