ວັນສຸກ, ວັນທີ 06 ທັນວາ 2024
ແມນຢູໄນເຕັດ ໃກ້ບັນລຸຂໍ້ຕົກລົງດຶງ 2 ນັກເຕະມາຮ່ວມທີມ
ເວລາອອກຂ່າວ: 2022-07-18 10:09:59 | ຜູ້ຂຽນ : admin2 | ຈຳນວນຄົນເຂົ້າຊົມ: 349219118 | ຄວາມນິຍົມ: 
ສະໂມສອນແມນເຊັສເຕີ ຢູໄນເຕັດ ຍັກໃຫຍ່ແຫ່ງລາຍການ ພຣີເມຍລີກ ອັງກິດໃກ້ທີ່ຈະໄດ້ຕົວ ລິຊານໂດ ມາຕິເນດ ກອງຫຼັງທີມ ຊາດ ອາກຊັງຕິນ ຈາກສະໂມ ສອນ ອາແຈັກ ອໍາສະເຕີດຳ ແລະ ແຟຣງກີ ເດີ ຢອງ ກອງ ກາງທີມຊາດ ໂຣນລັງ ຈາກບາ ເຊໂລນາ ມາສູ່ສະໂມສອນ ແມນ ເຊັສເຕີ ຢູໄນເຕັດ.
ລາຍງານລະບຸວ່າ ແມນເຊັສ ເຕີ ຢູໄນເຕັດ ຕົກລົງຄ່າຕົວ ຂອງ ເດີ ຢອງ ກັບທາງ ບາເຊໂລນາ ໄດ້ແລ້ວ ດ້ວຍຄ່າຕົວລວມ 85 ລ້ານເອີໂຣ ໂດຍຈະຈ່າຍກ່ອນ 75 ລ້ານເອີໂຣ. ສ່ວນໂບນັດຂຶ້ນ ຢູ່ກັບເງືອນໄຂຕ່າງໆທີ່ຕົກລົງກັນ ເບື້ອງຕົ້ນ, ແຕ່ຕອນນີ້ຍັງມີບັນ ຫາຢູ່ເລື່ອງດຽວຄືການເກ່ຍກ່ອມ ໃຈໃຫ້ ເດີ ຢອງ ຍ້າຍມາຮ່ວມ ທີມ ເພາະຕົວນັກເຕະຢາກຢູ່ກັບ ບາເຊໂລນາ ຕໍ່ໄປ.
ສ່ວນທາງດ້ານ ມາຕິເນດ ນັ້ນ ອາແຈັກ ຕອບຮັບຂໍ້ສະເໜີທີ່ຫຼາຍ ກວ່າ 50 ລ້ານເອີໂຣ ຈາກແມນ ເຊັສເຕີ ຢູໄນເຕັດ ໄດ້ແລ້ວ ແລະ ເລື່ອງສັນຍາສ່ວນຕົວກໍບໍ່ມີບັນ ຫາ ເພາະນັກເຕະຍາກຍ້າຍມາ ຫຼິ້ນກັບ ແມນເຊັສເຕີ ຢູໄນເຕັດ ເພື່ອຮ່ວມວຽກກັບອະດີດຄູເຝິກ ຄົນເກົ່າ ເອຣິກ ເທນຮາກ ອີກ ຄັ້ງ. ເຫຼືອພຽງແຕ່ຈັດການລາຍ ລະອຽດຂັ້ນສຸດທ້າຍ ເຊິ່ງຈະມີ ການປຶກສາຫາລືໃນທ້າຍອາທິດ ນີ້້ ແລະ ມາຕິເນດ ກໍບໍ່ໄດ້ລົງເຝິກ ຊ້ອມກັບຕົ້ນສັງກັດແລ້ວ ເພື່ອ ກຽມພ້ອມສໍາລັບການຍ້າຍທີມ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
