ວັນສຸກ, ວັນທີ 06 ທັນວາ 2024
ຫຼາຍພາກສ່ວນຮ່ວມຊຸກຍູ້ ທີມເຕະບານ ຢູ 19 ລາວ
ເວລາອອກຂ່າວ: 2022-07-18 10:11:33 | ຜູ້ຂຽນ : admin2 | ຈຳນວນຄົນເຂົ້າຊົມ: 239839007 | ຄວາມນິຍົມ: 
ທະນາຄານພັດທະນາລາວ (LDB) ອັດສີດເງິນຈໍານວນ 280.000.000 ກີບ ໃຫ້ແກ່ຄະ ນະນັກກີລາ ແລະ ຄະນະຄູເຝິກ ທີມຊາດລາວທີ່ຜ່ານເຂົ້າຮອບ ຊີງຊະນະເລີດບານເຕະ AFF U19 2022 ແລະ ພ້ອມອັດ ສີດຕື່ມ ເປັນເງິນລວມທັງໝົດ 606.000.000 ກີບ ຖ້າຫາກ ສາມາດຊີງແຊັມມາໄດ້ ເພື່ອເປັນ ກໍາລັງໃຈໃຫ້ແກ່ຄະນະນັກກີລາ ແລະ ຄະນະຄູເຝິກບານເຕະທີມ ຊາດລາວ ໃນການເຂົ້າຮ່ວມແຂ່ງ ຂັນກີລາບານເຕະຊີງແຊັມອາ ຊຽນລຸ້ນອາຍຸບໍ່ເກີນ 19 ປີ (U19) ທີ່ສາມາດຜ່ານເຂົ້າສູ່ ຮອບຊີງຊະນະເລີດບານເຕະ AFF-U19 2022 ທີ່ປະເທດ ອິນໂດເນເຊຍ ໃນວັນທີ 13/ 07/2022 ທີ່ຜ່ານມາ, ທະນາ ຄານພັດທະນາລາວ ໄດ້ມອບ ເງິນສະໜັບສະໜູນຈໍານວນ 280.000.000 ກີບ ໃຫ້ແກ່ຄະ ນະນັກກີລາ ແລະ ຄະນະຄູເຝິກ ບານເຕະທີມຊາດລາວ ທີ່ສາມາດ ຍາດໄດ້ໄຊຊະນະເໜືອທີມຊາດ ໄທ ແລະ ຜ່ານເຂົ້າໄປສູ່ຮອບ ຊີງຊະນະເລີດພົບກັບທີມຊາດ ມາເລເຊຍ; ໂດຍແບ່ງເງິນສະ ໜັບສະໜູນໃຫ້ນັກກີລາຜູ້ລະ 10.000.000 ກີບ ຈໍານວນທັງ ໝົດ 23 ທ່ານ (ລວມເປັນເງິນ: 230.000.000 ກີບ) ແລະ ຄະ ນະຄູເຝິກ 50.000.000 ກີບ.
ນອກຈາກນັ້ນ, ທະນາຄານ ພັດທະນາລາວ ຍັງມີຄວາມຕັ້ງ ໃຈທີ່ຈະສືບຕໍ່ເພີ່ມຂວັນກໍາລັງ ໃຈໃຫ້ແກ່ນັກກີລາບານເຕະທີມ ຊາດລາວທຸກໆທ່ານ, ຖ້າຫາກ ສາມາດໄດ້ແຊັມມາໃຫ້ແກ່ ສປປ ລາວ ໃນການແຂ່ງຂັນຮອບຊີງ ຊະນະເລີດ ແມ່ນຈະເພີ່ມວົງເງິນ ອັດສີດຕື່ມອີກເປັນຈໍານວນລວມ ທັງໝົດ 606.000.000 ກີບ ໃຫ້ຄະນະນັກກີລາ ແລະ ຄະນະ ຄູເຝິກບານເຕະທີມຊາດລາວ; ໂດຍແບ່ງຊັດສ່ວນເງິນສະໜັບ ສະໜູນມອບໃຫ້ນັກກີລາຜູ້ລະ 22.000.000 ກີບ ຈໍານວນທັງ ໝົດ 23 ທ່ານ (ລວມເປັນເງິນ: 506.000.000 ກີບ) ແລະ ຄະນະຄູເຝິກ 100.000.000 ລ້ານກີບ.
ທະນາຄານພັດທະນາລາວ ພ້ອມທີ່ຈະເປັນສ່ວນໜຶ່ງໃນການ ຊຸກຍູ້ສົ່ງເສີມກີລາບານເຕະ ແລະ ນັກກີລາທີມຊາດລາວ ເພື່ອເປັນຕົວແທນຂອງ ສປປ ລາວ ໃນການສ້າງຊື່ສຽງອັນດີ ຢູ່ໃນເວທີສາກົນ, ເປັນນັກກີລາ ລຸ້ນສືບທອດຂອງປະເທດຊາດ ໃນຕໍ່ໜ້າ ແລະ ເປັນແບບຢ່າງ ໃນການສ້າງແຮງບັນດານໃຈ ໃຫ້ແກ່ນັກກີລາລຸ້ນໃໝ່ ໃຫ້ມີ ຄວາມມຸ່ງໝັ້ນພັດທະນາຕົນເອງ ເພື່ອໃຫ້ໄດ້ເປັນຕົວແທນຂອງກີ ລາບານເຕະທີມຊາດລາວໃນ ລຸ້ນຕໍ່ໆໄປ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
