ໂຄງການກໍ່ສ້າງ ຫ້ອງພະລາທິການ ທະຫານແຂວງຫຼວງພະບາງ ສຳເລັດ 85%
ເວລາອອກຂ່າວ: 2022-09-16 10:03:59 | ຜູ້ຂຽນ : admin2 | ຈຳນວນຄົນເຂົ້າຊົມ: 39 | ຄວາມນິຍົມ:
ປັດຈຸບັນ, ການກໍ່ສ້າງພື້ນ ຖານໂຄງລ່າງ, ລະບົບຄ້າຍຄູທີ່ຢູ່ອາໄສ, ສຳນັກງານອົງການ, ເຮືອນຄົວລວມ, ເຮືອນນອນ, ເສັ້ນທາງເຂົ້າ-ອອກຄ້າຍຢູ່ບັນດາກຳລັງຫຼວງ-ກຳລັງທ້ອງຖິ່ນນັບ ມື້ແໜ້ນໜາຖາວອນຂຶ້ນເປັນກ້າວໆຕາມແບບແຜນສ້າງກອງ ທັບປະຕິວັດທັນສະໄໝ. ໃນນີ້,ເວົ້າສະເພາະຢູ່ກອງບັນຊາການທະຫານແຂວງຫຼວງພະບາງເຫັນວ່າມີທ່າກ້າວກະໂດດໃນການປັບປຸງກໍ່ສ້າງລະບົບຄ້າຍຄູ, ຖ້າທຽບໃສ່ 10 ປີກ່ອນໜ້ານີ້, ຍ້ອນຄະນະພັກ-ຄະນະບັນຊາທຸກຂັ້ນຍາມໃດກໍມີຄວາມສະດຸ້ງໄວໃນການປະຕິບັດນ້ຳໃຈເພິ່ງຕົນເອງ, ກຸ້ມຕົນເອງ ແລະສ້າງຄວາມເຂັ້ມແຂງດ້ວຍຕົນເອງ ທີ່ຂັ້ນເທິງວາງອອກກໍຄືທິດຊີ້ນຳຂອງຄະ ນະບໍລິຫານງານພັກແຂວງກຳ ນົດ ໂດຍປິ່ນອ້ອມ 4 ໜ້າທີ່ໃຫຍ່
26 ແຜນງານທີ່ຄະນະພັກກະ ຊວງປ້ອງກະຊວງປະເທດວາງອອກ. ໃນນັ້ນ, ສຸມໃສ່ 4 ປູກ 4 ລ້ຽງຂອງກົມໃຫຍ່ພະລາ ທິການກອງທັບເປັນພື້ນຖານສຳຄັນ
ສະຫາຍ ພັນໂທ ຈັນເພັງ ວົງ
ແສງຮັກ ຫົວໜ້າພະແນກກໍ່ສ້າງ ຫ້ອງພະລາທິການທະຫານແຂວງຫຼວງພະບາງ ໃຫ້ຮູ້ວ່າ: ປັດຈຸບັນນີ້, ໄດ້ສຸມໃສ່ໂຄງການກໍ່ສ້າງຫ້ອງການພະລາທິການທະຫານແຂວງຫຼວງພະບາງ ໄດ້ເລີ່ມລົງມືກໍ່ສ້າງນັບແຕ່ເດືອນ ກໍລະກົດ 2021 ເປັນອາຄານ 3 ຊັ້ນ, ມີ 23 ຫ້ອງ, ໃນນັ້ນປະກອບ
ມີຫ້ອງປະຊຸມ 1 ຫ້ອງ, ຫ້ອງຮັບ
ແຂກ 1 ຫ້ອງ, ຫ້ອງເຮັດວຽກ 21 ຫ້ອງ ແລະ ຫ້ອງນ້ຳ 5 ຫ້ອງ ມູນຄ່າ ໃນການກໍ່ສ້າງທັງໝົດ 11,65 ຕື້ກວ່າກີບ. ໃນນີ້, ກະ ຊວງປ້ອງກັນປະເທດຊ່ວຍເຫຼືອຈຳນວນ 5 ຕື້ກີບ. ນອກນັ້ນ, ແມ່ນທຶນຂອງກອງບັນຊາການທະຫານແຂວງຫຼວງພະບາງ ໂດຍມອບໃຫ້ບໍລິສັດ ວິລະໄຊ ກໍ່ສ້າງເຄຫາສະຖານ ແລະ ສ້ອມແປງ ຈຳກັດຜູ້ດຽວ ເປັນຜູ້ຮັບເໝົາກໍ່ສ້າງ, ມາຮອດປັດຈຸ ບັນ ໂຄງການກໍ່ສ້າງດັ່ງກ່າວໄດ້ສຳເລັດ 85% ແລະ ສ່ວນທີ່ຍັງເຫຼືອ 15% ພວມສືບ ຕໍ່ຕົບແຕ່ງເຄື່ອງເຟີນີເຈີ, ລະບົບໄຟ້ຟ້າ-ນ້ຳ ປະປາ ແລະ ເຄື່ອງສຸຂະພັນ ຕ່າງໆ ເຊິ່ງຄາດຄະເນວ່າ: ການກໍ່ສ້າງຈະສຳເລັດໃນເດືອນກໍລະ ກົດ 2023 ເພື່ອຂ່ຳນັບຮັບຕ້ອນ
ວັນປະຫວັດສາດທີ່ສຳຄັນຂອງຊາດ, ຂອງພັກ ແລະ ຂອງກອງ ທັບ ໂດຍສະເພາະແມ່ນວັນສ້າງ ຕັ້ງກອງທັບປະຊາຊົນລາວ ຄົບ ຮອບ 75 ປີ, ທັງເປັນການພັດທະ ນາກົມກອງໃຫ້ນັບມື້ແໜ້ນໜາຖາວອນ.
ໂດຍ: ສົມພອນ ສຸວັນທອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ