ກອງທັບປະຊາຊົນລາວ

ວັນຈັນ, ວັນທີ 05 ທັນວາ 2022



ປະກາດ​ການຈັດຕັ້ງ​ຢູ່​ກອງ​ສິລະ​ປະກອນ​ກອງທັບ
ເວລາອອກຂ່າວ: 2022-09-20 08:50:30 | ຜູ້ຂຽນ : admin3 | ຈຳນວນຄົນເຂົ້າຊົມ: 40 | ຄວາມນິຍົມ:



ພິທີ​ປະກາດ​ການ​ແຕ່ງຕັ້ງ ຮອງ​ຮັບຜິດຊອບ ວຽກ​ງານ​ພະ ລາທິການ-ເຕັກນິກ ກອງ​ສິລະ​ປະກອນ​ກອງທັບ​ໄດ້​ຈັດ​ຂຶ້ນ​ໃນ​ວັນ​ທີ 19 ກັນຍາ 2022 ນີ້, ໂດຍ​ການ​ເຂົ້າ​ຮ່ວມ​ເປັນ​ປະທານ​ຂອງ​ສະຫາຍ ພົນ​ຕີ ວໍລະ​ສານ ວິລັດ​ດາ​ວົງ ກຳມະການ​ຄະນະ​ປະຈຳ​ພັກ​ກະຊວງ ຮອງ​ຫົວໜ້າ​ກົມ​ໃຫຍ່​ການເມືອງ​ກອງທັບ, ມີ​ຕາງໜ້າ​ຫ້ອງ​ການເມືອງ​ກົມ​ໃຫຍ່​ການ​ເມືອງ​ກອງທັບ, ກົມ​ກອງ​ທີ່​ເຮັດ​ວຽກ​ງານ​ສື່, ຄະນະ​ພັກ-ຄະ ນະ ​ບັນຊາກອງ​ສິລະ​ປະກອນ​ກອງ ທັບ ແລະ ພະນັກງານ​ຫຼັກ​ແຫຼ່ງ ເຂົ້າ​ຮ່ວມ. ສະຫາຍ ພັນ​ໂທ ຄອນ​ສະ ຫວັນ ແກ້ວ​ທອນ​ຈັນ ຫົວໜ້າ​ພະ​ ແນກ​ພະນັກງານ ຫ້ອງການເມືອງ ​ກົມ​ໃຫຍ່​ການເມືອງ​ກອງທັບ, ໄດ້​ຜ່ານ​ຂໍ້​ຕົກລົງ​ຂອງ​ກະຊວງ​ປ້ອງ​ກັນ​ປະເທດ ວ່າ​ດ້ວຍ​ ການ​ອະນຸມັດ​ໃຫ້​ ສະຫາຍ ພັນ​ໂທ ບຸນ​ ທະວີ ແສງ​ພະຈັນ ຮອງ​ຮັບຜິດ ຊອບ​ວຽກ​ງານພະລາທິການ- ເຕັກນິກ ກອງ​ສິລະ​ປະກອນ​ກອງ ທັບ ພັກ​ການ​ເພື່ອ​ກຽມ​ຮັບ​ບຳ ນານ, ພ້ອມ​ກັນ​ນັ້ນ, ກໍ​ໄດ້​ຜ່ານ​ຂໍ້​ຕົກລົງ​ຂອງ​ກະຊວງ​ປ້ອງ​ກັນ​ປະເທດ ວ່າ​ດ້ວຍ​ການ​ແຕ່ງຕັ້ງ​ ສະຫາຍ ພັນ​ໂທ ບົວ​ລາ ສີ​ປະເສີດ ເປັນ​ຮອງ​ຮັບຜິດຊອບ​ວຽກ​ງານ​ພະລາ​ທິ​ການ-ເຕັກນິກ​ກອງ​ສິລະ​ປະກອນ​ກອງທັບ. ທັງ​ນີ້, ກໍ​ເພື່ອ​ເປັນ​ການ​ປັບປຸງ​ການຈັດຕັ້ງ​ນຳ ພາ-ບັນຊາ​ຢູ່​ກອງ​ສິລະ​ປະກອນ​ກອງທັບ​ໃຫ້​ໜັກ​ແໜ້ນ​ເຂັ້ມແຂງ ເພື່ອ​ກຽມພ້ອມ​ເຮັດ​ສຳເລັດ​ໜ້າທີ່​ການເມືອງ​ຂອງ​ກົມ​ກອງ​ໃນ​ສະ ເພາະ​ໜ້າ ແລະ ຍາວ​ນານ​ດ້ວຍ​ໝາກຜົນ​ສູງ. ໂອກາດ​ນີ້, ສະຫາຍຮອງ​ຫົວໜ້າ​ກົມ​ໃຫຍ່​ການເມືອງ​ກອງທັບ ໄດ້​ມີ​ຄຳ​ເຫັນ​ວ່າ: ການ ​ປະກາດ​ການຈັດຕັ້ງເປັນ​ການປະ ຕິບັດ​ຕາມ​ທິດ​ທາງກ່ຽວກັບການ ​ປັບປຸງ​ບູລະນະ​ກົງຈັກ​ການຈັດ ຕັ້ງ​ນຳພາ-ບັນຊາ​ໃນ​ກຳລັງ​ປະ ກອບ​ອາວຸດ​ໃຫ້​ໜັກ​ແໜ້ນ​ເຂັ້ມ ແຂງ​ຮອບດ້ານ, ທັງ​ເປັນ​ການ​ຕອບ​ສະໜອງ​ຕາມ​ຄວາມ​ຮຽກ ຮ້ອງ​ຕ້ອງການ​ຂອງ​ໜ້າທີ່​ວຽກ​ງານ​ໃນ​ໄລຍະ​ໃໝ່, ພ້ອມ​ທັງ​ໄດ້​ເນັ້ນ​ໃຫ້​ຜູ້​ທີ່​ໄດ້​ຮັບ​ໜ້າທີ່​ໃໝ່​ຈົ່ງ​ຍົກ​ສູງ​ຄວາມ​ຮັບຜິດຊອບ​ຕໍ່ໜ້າ​ທີ່​ການເມືອງ​ຂອງ​ຕົນ, ຮັດ​ແໜ້ນ​ຄວາມ​ສາມັກຄີ​ກັບ​ໝູ່​ຄະນະ ກໍ​ຄືພະນັກງານ-ນັກຮົບ​ພາຍ​ໃນ​ກົມ​ກອງ, ມີ​ຄວາມ​ເປັນ​ເອກະ​ພາບ ​ໃນ​ທຸກ​ຂົງເຂດ​ວຽກ​ງານ, ສືບຕໍ່​ຮ່ວມ​ກັບ​ຄະນະ​ພັກ-ຄະນະ​ບັນຊາຊີ້​ນຳ-ນຳພາ​ຈັດ​ຕັ້ງ​ປະຕິ ບັດ​ວຽກ​ງານ​ວິຊາ​ສະເພາະ​ພະ ລາທິການ-ເຕັກນິກ ຂອງ​ກອງ​ສິລະ​ປະກອນ​ກອງທັບ ໃຫ້​ມີ​ການ​ຮັບປະກັນ​ດີ, ພ້ອມ​ກັນ​ນັ້ນ, ກໍ​ໄດ້​ມີ​ຄຳ​ເຫັນ​ຕໍ່​ຜູ້​ທີ່​ໄດ້​ຮັບ​ນະໂຍບາຍ​ພັກ​ການ​ຮັບ​ບຳນານ​ຈົ່ງ​ເປັນ​ຫຼັກ​ແຫຼ່ງ, ເປັນ​ແບບຢ່າງ​ທີ່​ດີ​ໃຫ້​ແກ່​ພະນັກງານ-ນັກຮົບ ກໍ​ຄື ລູກ​ຫຼານ ແລະ ເອົາໃຈໃສ່​ປັບປຸງຊີວິດການ ​ເປັນ​ຢູ່​ຂອງ​ຄອບຄົວ​ໃຫ້​ນັບມື້​ດີ​ຂຶ້ນ. ໂດຍ: ນາງ ຍ້ອມ​ເພັດ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ