ກອງພັນ 233 ເຜີຍແຜ່ຄຳແນະນຳຂອງ ກະຊວງປ້ອງກັນປະເທດ ວ່າດ້ວຍການແຈ້ງຊັບສິນ
ເວລາອອກຂ່າວ: 2022-09-20 09:02:26 | ຜູ້ຂຽນ : admin3 | ຈຳນວນຄົນເຂົ້າຊົມ: 93 | ຄວາມນິຍົມ:
ໃນວັນທີ 9 ກັນຍາ 2022 ນີ້, ກອງພັນ 233 ກົມ 213 ໄດ້ຈັດຕັ້ງເປີດກອງປະຊຸມເຜີຍແຜ່ຄຳແນະນຳຂອງກະຊວງປ້ອງກັນປະເທດ ວ່າດ້ວຍ ການແຈ້ງຊັບສິນໃຫ້ພະນັກງານຢູ່ພາຍໃນກົມກອງ ໂດຍການເປັນ ປະທານຂອງເປັນປະທານຂອງ ສະຫາຍ ພັນໂທ ຄຳໄພ ສຳມະວົງ ຄະນະພັກອົງການກົມ 213 ຫົວໜ້າການເມືອງກອງພັນ 233, ມີຄະນະພັກ-ຄະນະບັນຊາ, ວິຊາ ການພະແນກກວດກາຫ້ອງການ ເມືອງ, ພ້ອມດ້ວຍພະນັກງານ ຂັ້ນຮ້ອຍຕີຂຶ້ນໄປທົ່ວກອງພັນເຂົ້າ ຮ່ວມ.
ສະຫາຍ ພັນຕີ ຄຳມ່ວນ ຄຳດີ ຊ່ວຍວຽກກວດກາກົມ 213 ໄດ້ ຜ່ານຕົກລົງຂອງກະຊວງປ້ອງ ກັນປະເທດ ວ່າດ້ວຍ ການແຈ້ງຊັບສິນ-ລາຍຮັບ ໃຫ້ບັນດາພະ ນັກງານຢູ່ກອງພັນ 233 ຈຶ່ງໄດ້ຈັດຕັ້ງເຜີຍແຜ່ເຊື່ອມຊຶມບົດແນະນຳກ່ຽວກັບການແຈ້ງຊັບສິນ-ລາຍຮັບ ເຊິ່ງບັນດາເປົ້າໝາຍທີ່ຕ້ອງແຈ້ງຊັບສິນ-ລາຍຮັບແມ່ນນາຍທະຫານຂັ້ນຮ້ອຍຕີຂຶ້ນໄປ ທັງນີ້, ກໍເພື່ອເປັນບ່ອນອີງໃຫ້ນາຍທະຫານໃນການຈັດຕັ້ງປະຕິບັດການແຈ້ງຊັບສິນ-ລາຍຮັບໃນກໍລະນີຕ່າງໆ ໄດ້ດຳເນີນໄປຖືກຕ້ອງຕາມຂັ້ນຕອນ, ລະ ບຽບການທີ່ກະຊວງປ້ອງກັນປະເທດກຳນົດໄວ້, ເພື່ອເຮັດໃຫ້ອົງການຮັບແຈ້ງຊັບສິນ-ລາຍຮັບຜູ້ທີ່ຢູ່ໃນເປົ້າໝາຍແຈ້ງຊັບສິນໄດ້ຮັບຮູ້ເຂົ້າໃຈ, ມີຄວາມເປັນເອກະພາບ ແລະ ພ້ອມກັນເປັນເຈົ້າການຈັດຕັ້ງປະຕິບັດດ້ວຍຄວາມຮັບຜິດຊອບສູງ, ແນໃສ່ເຮັດໃຫ້ການແຈ້ງຊັບສິນ-ລາຍຮັບ ໄດ້ດຳເນີນໄປຢ່າງຖືກຕ້ອງ, ຈະແຈ້ງ, ຄົບຖ້ວນ ແລະ ທັນຕາມເວລາທີ່ກຳນົດໄວ້.
ໂອກາດດຽວກັນນີ້ ຍັງໄດ້ຜ່ານຂໍ້ຕົກລົງ ວ່າດ້ວຍ ການເລື່ອນຊັ້ນໃຫ້ພະນັກງານ-ນັກຮົບທີ່ມີຜົນງານດີເດ່ັນ ຈຳນວນ 25 ສະຫາຍ ມີຄື: ເລື່ອນຊັ້ນ ວາທີ ຂຶ້ນ ຮ້ອຍຕີ ຈຳນວນ 1 ສະຫາຍ, ເລື່ອນຊັ້ນ ຮ້ອຍຕີ ຂຶ້ນ ຮ້ອຍໂທ ຈຳນວນ 7 ສະຫາຍ, ເລື່ອນຊັ້ນ ຮ້ອຍໂທ ຂຶ້ນ ຮ້ອຍເອກ ຈຳນວນ 14 ສະຫາຍ, ເລື່ອນຊັ້ນ ຮ້ອຍເອກ ຂຶ້ນຊັ້ນ ພັນຕີ ຈຳນວນ 10 ສະຫາຍ ແລະ ປະດັບຊັ້ນຮ້ອຍໂທ ໃຫ້ນັກຮຽນທີ່ຮຽນຈົບປະລິນຍາຕີ ຈາກ ສ ຣັດເຊຍ ຈຳນວນ 3 ສະຫາຍ.
ໂດຍ: ໄມບຸນຫົນ ສຸດທິບັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ