ກອງທັບປະຊາຊົນລາວ

ວັນຈັນ, ວັນທີ 05 ທັນວາ 2022



ເປີດ​ອົບຮົມ​ວຽກ​ງານ​ມາດຕະຖານ-ວັດແທກ-ຄຸນ​ນະ​ພາບ ໃຫ້​ໂຮງງານ​ປະສານ​ເຫຼົ່າ​ພາກ​ກາງ ແລະ ກອງ​ພົນ​ທີ 4
ເວລາອອກຂ່າວ: 2022-09-22 09:32:31 | ຜູ້ຂຽນ : admin3 | ຈຳນວນຄົນເຂົ້າຊົມ: 239 | ຄວາມນິຍົມ:



ໃນ​ລະຫວ່າງວັນ​ທີ 12-13 ກັນຍາ 2022 ນີ້, ສະຫາຍ ພັນ​ໂທ ຄຳ​ສົດ ລາດ​ຊະ​ພົງ ຮອງ​ຫົວໜ້າ​ກົມ​ມາດຕະຖານ-ວັດແທກ-ຄຸນ ນະ​ພາບ ກົມ​ໃຫຍ່​ເຕັກນິກກອງ ທັບ ພ້ອມ​ດ້ວຍ​ຄະນະ​ໄດ້ເຄື່ອນ ໄຫວເປີດ​ຊຸດ​ອົບຮົມ​ວຽກ​ງານ​ມາດຕະຖານ-ວັດແທກ-ຄຸນ​ນະ​ພາບ​ຢູ່​ໂຮງງານ​ປະສານ​ເຫຼົ່າ ພາກ​ກາງ ແລະ ກອງ​ພົນ​ທີ4 ເຊິ່ງ​ມີ​ ສະຫາຍ ພັນ​ເອກ ທອງ​ເດືອນ ໄຊ​ຍະ​ລາດ ຫົວໜ້າ​ຫ້ອງ​ເຕັກນິກ​ກອງ​ພົນ​ທີ4, ສະຫາຍ ພັນ​ໂທ ສອນ​ວິໄລ ປັນຍາ​ສິດ ຫົວໜ້າ​ອຳນວຍ​ການ​ໂຮງງານ​ປະສານ​ເຫຼົ່າ​ພາກ​ກາງ ພ້ອມ​ດ້ວຍ​ຄະນະ ແລະ ພະນັກງານ​ວິຊາການ​ກ່ຽວ ຂ້ອງ​ເຂົ້າ​ຮ່ວມ. ການ​ອົບຮົມ​ຄັ້ງ​ນີ້, ເພື່ອ​ເປັນ​ການ​ຍົກ​ລະດັບ​ຄວາມ​ຮູ້, ຄວາມ​ສາມາດ​ກ່ຽວ​ກັບ​ວຽກ​ງານ​ມາດຕະຖານ-ວັດແທກ-ຄຸນ​ນະ​ພາບ ໃຫ້​ແກ່​ພະນັກງານ​ວິຊາ​ການ​ເຕັກນິກ ຢູ່​ໂຮງງານ​ປະສານ​ເຫຼົ່າ​ພາກ​ກາງ ແລະ ກອງ​ພົນ​ທີ 4 ໃຫ້​ມີ​ຄວາມ​ຊຳນິ​ຊຳນານ ເພື່ອ​ຮັບປະກັນ​ໃຫ້​ແກ່​ການ​ປົກ​ປັກ ຮັກສາ​ພາຫະນະ, ອາວຸດ-ຍຸດ​ໂທ​ປະກອນ​ເຕັກນິກ ໃຫ້​ມີ​ຄຸນ ນະ​ພາບ​ສູງ ຮັບປະກັນ​ນຳ​ໃຊ້​ເຂົ້າ​ໃນ​ການເຝິກແອບ​ຮໍ່າຮຽນ, ກຽມພ້ອມ​ສູ້​ຮົບ ແລະ ສູ້​ຮົບ​ມີ​ໄຊ ຂອງ​ກອງທັບ. ໃນ​ພິທີ ສະຫາຍ ພັນ​ໂທ ຄຳ​ສົດ ລາດ​ຊະ​ພົງ ໄດ້​ມອບ​ເຄື່ອງ-ອຸປະກອນ​ການ​ວັດແທກ​ຄຸນ​ນະ​ພາບ ທີ່​ນຳ​ໃຊ້​ເຂົ້າ​ໃນການ ​ປະຕິບັດ​ໜ້າທີ່​ວຽກ​ງານ​ການ​​ສ້ອມ​ແປງ​ອາວຸດ-ຍຸດ​ໂທ​ປະກອນ​ເຕັກນິກ​ການ​ທະຫານ​ໃຫ້​ແກ່ໂຮງ ງານ​ປະສານ​ເຫຼົ່າ​ພາກ​ກາງ ຈຳ ນວນ 46 ລາຍການ ແລະ ປຶ້ມ​ຄູ່​ມື 12 ຫົວ. ຂ່າວ​ແຈ້ງ​ຕື່ມ​ວ່າ: ໃນລະ ຫວ່າງວັນ​ທີ 14-15 ກັນຍານີ້, ສະຫາຍ ພັນ​ໂທ ຄຳ​ສົດ ລາດ​ຊະ​ພົງ ຮອງຫົວໜ້າ​ກົມ​ມາດຕະ ຖານວັດແທກ​ຄຸນ​ນະ​ພາບກົມ​ ໃຫຍ່​ເຕັກນິກ​ກອງທັບ ​ໄດ້ເຄື່ອນ ໄຫວ​ເປີດ​ອົບຮົມ​ວຽກງານ​ມາດ ຕະຖານ​ວັດແທກ-ຄຸນ​ນະ​ພາບຢູ່ ກອງ​ພົນ​ທີ 5 ແລະ ໂຮງງານປະ ສານ​ເຫຼົ່າ​ພາກ​ໃຕ້ ເຊັ່ນ​ດຽວ​ກັນ ໂດຍ​ມີ ສະຫາຍ ພັນ​ໂທ ສົມບູນ ໄຊ​ສົງຄາມ ຫົວໜ້າ​ຫ້ອງ​ເຕັກນິກ ກອງ​ພົນ​ທີ 5 ແລະ ສະຫາຍ ພັນ​ໂທ ສັກ​ສີ ຈັນທະ​ບັນດິດ ຫົວໜ້າ​ການ​ທະຫານ ໂຮງງານ​ປະສານ​ເຫຼົ່າ​ພາກ​ໃຕ້​ເຂົ້າ​ຮ່ວມ. ໂອກາດ​ດັ່ງກ່າວ ຍັງ​ໄດ້​ມອບ​ເຄື່ອງ-ອຸ ປະກອນ​ການ​ວັດແທກ​ຄຸນ​ນະ​ພາບ ສ້ອມແປງ​ອາວຸດ-ຍຸດ​ໂທ​ປະກອນເຕັກນິກ​ການ​ທະຫານ​ໃຫ້ ກອງ​ພົນ​ທີ 5 ແລະ ໂຮງງານ​ປະສານ​ເຫຼົ່າ​ພາກ​ໃຕ້ ເພື່ອ​ນຳ​ໃຊ້​ເຂົ້າ​ໃນ​ວຽກ​ງານ​ກວດກາ​ມາດຕະຖານ-ວັດແທກ-ຄຸນ​ນະ​ພາບ ຂອງ​ກົມ​ກອງ​ຕື່ມ​ອີກ.




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ