ກອງທັບປະຊາຊົນລາວ

ວັນເສົາ, ວັນທີ 03 ທັນວາ 2022



ທະຫານ​ແຂວງ​ສາລະ​ວັນ ມອບ​ລົດ​ນຳ​ສົ່ງ​ຄົນ​ເຈັບ​ໃຫ້​ໂຮງໝໍ​ທະຫານ​ແຂວງ
ເວລາອອກຂ່າວ: 2022-09-22 10:54:52 | ຜູ້ຂຽນ : admin3 | ຈຳນວນຄົນເຂົ້າຊົມ: 187 | ຄວາມນິຍົມ:



ໃນ​ຕົ້ນເດືອນກັນຍາ 2022, ກອງ​ບັນຊາ​ການ​ທະຫານ​ແຂວງ​ສາລະ​ວັນ ໄດ້​ມອບ​ລົດ​ນຳ​ສົ່ງ​ຄົນ​ເຈັບ​ໃຫ້​ໂຮງໝໍ​ທະຫານ​ແຂວງ ຈຳນວນ 1 ຄັນ, ທີ່​ຫ້ອງ​ປະຊຸມ​ຂອງ​ຫ້ອງ​ເຕັກນິກ​ກອງ​ບັນຊາ​ການ​ທະຫານ​ແຂວງ​ສາລະ​ວັນ, ໂດຍ​ການ​ກ່າວ​ມອບ​ຂອງ ສະຫາຍ ພັນ​ເອກ ຄຳ​ປະ​ໄມ ໄຊ​ພູບານ ຫົວໜ້າ​ຫ້ອງ​ເຕັກນິກ ແລະ ກ່າວ​ຮັບ​ຂອງ​ສະຫາຍ ພັນ​ໂທ ສຸ​ກັນ ດວງ​ຜາ​ສຸກ ຫົວໜ້າ​ພະ​ແນກ​ເສນາ​ຮັກ ກອງ​ບັນຊາ​ການ​ທະຫານ​ແຂວງ​ສາລະ​ວັນ. ສະຫາຍ ພັນ​ໂທ ສຸບັນ ສຸລິຍະ​ໄຊ ຮອງ​ຫົວໜ້າ​ຫ້ອງ​ເຕັກນິກ ໄດ້​ຜ່ານ​ຂໍ້​ຕົກລົງ​ຂອງ​ກອງ​ບັນຊາ​ການ​ວ່າ​ດ້ວຍ​ການ​ມອບ​ພາຫະນະ​ລົດ​ໃຫ້​ແກ່​ໂຮງໝໍ​ທະຫານ​ແຂວງ​ສາລະ​ວັນ ອີງ​ຕາມ​ການ​ປະກອບ​ຂອງ​ກະຊວງ​ປ້ອງ​ກັນ​ປະເທດ ວ່າ​ດ້ວຍ ການ​ປະກອບ​ພາຫະ​ນະ​ໃຫ້​ກຳລັງ​ປະກອບ​ອາວຸດ​ທົ່ວ​ກອງທັບ. ເພື່ອ​ຄວາມ​ເປັນ​ເອກະ​ພາບ​ຂອງ​ກອງ​ປະຊຸມ​ຄະນະ​ພັກ-ຄະນະ​ບັນ ຊາກອງບັນຊາການທະຫານ​ແຂວງ​ສາລະ​ວັນ ຈຶ່ງ​ຕົກລົງ​ເຫັນ​ດີ​ເປັນ​ເອກະ​ພາບ ມອບ​ລົດ​ຄັນ​ດັ່ງກ່າວໃຫ້​ແກ່​ໂຮງໝໍ​ທະຫານ​ແຂວງ ເປັນ​ລົດ​ຕູ້​ແພດ ແລະ ອຸປະກອນ​ຮັບ​ໃຊ້​ພາຍ​ໃນ​ລົດ​ທີ່​ນຳ​ໃຊ້​ເຂົ້າ​ໃນ​ການ​ແພດ ໂດຍ​ສະເພາະ​ແມ່ນ​ວຽກ​ງານ​ບໍລິການ​ຮັບ-ສົ່ງ​ຄົນ​ເຈັບ​ໄປ​ສູ່​ໂຮງໝໍ​ແຫ່ງ​ຕ່າງໆ​ໃຫ້​ທ່ວງ​ທັນ​ກັບ​ການ​ປິ່ນປົວ​ຮັກສາ ໃຫ້​ມີ​ຄວາມ​ປອດ​ໄພ. ລົດ​ຄັນ​ດັ່ງກ່າວ​ ​ໄດ້​ມາ​ຈາກ​ການ​ມອບ​ຂອງ​ກະຊວງ​ປ້ອງ​ກັນ​ປະເທດ ເຊິ່ງ​ມີ​ມູນ​ຄ່າ​ທັງ​ໝົດ 112.500.000 ກີບ. ໂດຍ: ບຸນ​ກອງ ຄຳ​ປະສົງ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ