ປິດການເຝິກແອບກຳລັງເຄື່ອນທີ່ໄວຂອງກອງພັນໃຫຍ່ 11
ເວລາອອກຂ່າວ: 2022-09-26 08:45:25 | ຜູ້ຂຽນ : admin3 | ຈຳນວນຄົນເຂົ້າຊົມ: 307 | ຄວາມນິຍົມ:
ພິທີປິດການເຝິກກຳລັງເຄື່ອນທີ່ໄວຂອງກອງພັນໃຫຍ່ 11 ປະຈຳປີ 2022 ໄດ້ຈັດຂຶ້ນໃນວັນທີ 22 ກັນຍາ 2022 ຢູ່ທີ່ ສະ ໜາມເຝິກແອບວິທະຍາຄານນາຍທະຫານບົກ ກົມມະດຳ, ໂດຍການເຂົ້າຮ່ວມຂອງ ສະຫາຍ ພົນ ເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດຖະ ມົນຕີກະຊວງປ້ອງກັນປະເທດ, ມີ ຮອງລັດຖະມົນຕີ, ບັນດາກົມ, ຫ້ອງການ, ກົມກອງ, ຄະນະພັກ- ຄະນະບັນຊາກອງພັນໃຫຍ່ 11, ຄະນະຮັບຜິດຊອບການເຝິກແອບ ແລະ ແຂກທີ່ຖືກເຊີນ ເຂົ້າຮ່ວມ.
ສະຫາຍ ພັນເອກ ກົງທອງ ສຸຂະວົງ ຫົວໜ້າການທະຫານ ຫົວໜ້າຮັບຜິດຊອບພາກສະໝາມກຳ ລັງເຄື່ອນທີໄວ ກອງພັນໃຫຍ່11 ກ່າວວ່າ: ການຈັດຕັ້ງປະຕິບັດ ການເຝິກແອບກຳລັງເຄື່ອນທີ່ໄວຄັ້ງນີ້ໂດຍອີງໃສ່ເນື້ອໃນ ແລະ ກຳນົດເວລາ ເຊິ່ງເປັນ ການເຝິກແອບໄລຍະສັ້ນໃນການ ເຝິກແອບຮ່ຳຮຽນຕົວຈິງໃນແຕ່ລະວິຊາເປັນຕົ້ນແມ່ນສິນລະປະຍຸດ-ຍຸດທະວິທີ, ມວຍປ້ອງກັນຕົວ, ມວຍຕໍ່ສູ້ປະຈັນບານ ແລະ ວິຊາອື່ນໆ ຕະຫລອດໄລຍະການ ເຝິກແອບເຖິງຈະພົບຄວາມຫຍຸ້ງ ຍາກຫຼາຍດ້ານ ເປັນຕົ້ນແມ່ນດ້ານງົບປະມານ ແລະ ວັດຖຸຮັບໃຊ້ການອົບຮົມ-ຫັດແອບ ແຕ່ ຄະນະຮັບຜິດຊອບທຸກພາກສ່ວນ ກໍຄື ຄະນະພັກ-ຄະນະບັນຊາກອງ ພັນໃຫຍ່11 ລວມທັງກຳລັງອ້າຍ ນ້ອງກອງພັນເຄື່ອນທີ່ໄວ ໄດ້ມີ ຄວາມຮັບຜິດຊອບສູງຜ່ານຜ່າ ຄວາມຫຍຸ້ງຍາກດັ່ງກ່າວເຮັດໃຫ້ ການຈັດຕັ້ງປະຕິບັດການເຝິກ ແອບຄັ້ງນີ້ ບັນລຸຕາມເປົ້າໝາຍ ທັງຮັບປະກັນຄວາມປອດໄພ ແລະ ມີຜົນສຳເລັດຢ່າງຈົບງາມ.
ສະຫາຍ ພົນຈັດຕະວາ ພັນ ແສງ ບຸນພັນ ຮອງຫົວໜ້າກົມ ໃຫຍ່ເສນາທິການກອງທັບ ຫົວ ໜ້າຄະນະຊີ້ນຳບັ້ນເຝິກແອບກຳລັງເຄື່ອນທີ່ໄວຂອງກອງພັນໃຫຍ່ 11 ກ່າວວ່າ: ການຈັດຕັ້ງປະຕິ ບັດການເຝິກແອບກຳລັງເຄື່ອນທີ່ໄວແມ່ນໄດ້ບົດຮຽນຫລາຍຢ່າງເພື່ອປັບປຸງກຳລັງປະກອບອາວຸດພວກເຮົາໃຫ້ມີຄວາມເຂັ້ມແຂງ ເວົ້າລວມເວົ້າສະເພາະ ກອງພັນໃຫຍ່ 11 ແລະ ກົມກອງອື່ນໆ ແນໃສ່ຮັບປະກັນຕອບສະໝອງໃນວຽກງານວິຊາສະເພາະ ໃນໄລຍະໃໝ່.
ສະຫາຍ ພົນເອກ ຈັນສະໝອນ ຈັນຍາລາດ ໄດ້ສະແດງຄວາມຊົມເຊີຍ ຕໍ່ຄະນະຮັບຜິດຊອບ ການເຝິກແອບ ແລະ ພະນັກງານ-ນັກຮົບທຸກສະຫາຍທີ່ໄດ້ເອົາ ໃຈໃສ່ເຂົ້າໃນການເຝິກແອບຄັ້ງນີ້ ເຊິ່ງເປັນການເຝິກແອບດ້ານວິຊາສະເພາະໃຫ້ມີຄວາມຊຳນິຊຳນານ ພ້ອມທັງຮຽກຮ້ອງໃຫ້ຈົ່ງສືບຕໍ່ເຝິກຝົນຮ່ຳຮຽນ ແລະ ນຳເອົາຜົນສຳເລັດການເຝິກແອບ ດັ່ງກ່າວນີ້ໄປຈັດຕັ້ງປະຕິບັດໃຫ້ມີປະສິດທິພາບສູງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ