ແບັກໄນອາ ຄວາມຝັນເປັນຈິງ ຄວ້າແຊ້ມໂລກ MotoGP ຄັ້ງທຳອິດໃນຊີວິດ
ເວລາອອກຂ່າວ: 2022-11-11 00:22:04 | ຜູ້ຂຽນ : admin3 | ຈຳນວນຄົນເຂົ້າຊົມ: 239838703 | ຄວາມນິຍົມ:
ຟຣານເຊັສໂກ້ ແບັກໄນອາ (ບານາຢ້າ) ນັກຂັບຊາວອີຕາລີ ໄວ 25 ປີ ຈາກຄ້າຍດູຄາຕິ ຄວາມຝັນເປັນຈິງແລ້ວ ເມື່ອສາ ມາດພິຊິດແຊ້ມໂລກ MotoGP ຕາມເປົ້າໝາຍ ຫຼັງຈົບສະໜາມທີ 20 ສະໜາມສຸດທ້າຍ ຂອງປີ 202 2 ລາຍການ Valencian Community Grand Prix ທີ່ສະໜາມ Circuit Ricardo Tormo, ປະເທດແອັສປາຍ ໃນທ້າຍອາທິດຜ່ານມາ ເຊິ່ງໄດ້ຄະ ແນນລວມສູງສຸດ 265 ຄະ ແນນ ເອົາຊະນະ ຟາບີໂອ ກົວຕາຣາໂຣ້ ແຊ້ມເກົ່າ ຊາວຝຣັ່ງ ຈາກຄ້າຍຢາມາຮ່າ 17 ຄະແນນ.
ສະໜາມສຸດທ້າຍ ແບັກໄນອາ ອອກໂຕເປັນຄົນທີ 8 ແຕ່ປະຄອງລົດຄູ່ໃຈ ເຂົ້າເສັ້ນໄຊເປັນຄົນທີ 9 ພຽງພໍຕໍ່ການເປັນແຊ້ມໂລກ ຕາມຫລັງທີໜຶ່ງດ້ວຍເວລາ 14 ກວ່າວິນາທີ, ສ່ວນ ຟາບີໂອ ກົວຕາຣາ ໂຣ້ ຈົບອັນດັບທີ 4, ຂະນະທີ່ ແຊ້ມ ສະໜາມນີ້ເປັນຂອງອາເລັກຣິນ ຊາວແອັສປາຍ ຈາກຄ້າຍຊູຊູກິ 27 ຮອບ ເວລາ 41 ນາທີ 22.250 ວິນາທີ, ທີສອງ ເບຣດ ໄບເດີ ຊາວ ອາຟຣິກາໃຕ້ ຈາກຄ້າຍເຄທີເອັມ ຕາມຫລັງ 0.396 ວິນາທີ, ທາງດ້ານ ຈໍເກ້ ມາຣຕິນ ເຈົ້າຂອງຕຳ ແໜ່ງໂພໂປຊີຊັ່ນສະ ໜາມນີ້ ຈົບອັນດັບທີ 3.
ສະຫຼຸບອັນດັບນັກຂັບແຂ່ງ 20 ສະໜາມປີນີ້, ໄດ້ແຊ້ມແມ່ນ ຟຣານເຊັສໂກ້ ແບັກໄນອາ ເປັນນັກຂັບຊາວອີຕາລີຄົນທຳອິດໃນຮອບ 13 ປີ, ທີສອງ ຟາບີໂອ ກົວຕາຣາໂຣ້ແຊ້ມເກົ່າ, ທີສາມ ເອເນຍ ບັສເຕຍນີນີ້.
ສ່ວນທີມຜູ້ສ້າງທີມນຳ ດູຄາຕິມີ 448 ຄະແນນ ໄດ້ແຊ້ມ 3 ສະໄໝຕິດຕໍ່ກັນ, ທີສອງ ຢາມາ ຮ່າ ມີ 256 ຄະແນນ ແລະ ທີສາມ ອາພຣີເລຍ ມີ 248 ຄະແນນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ