POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 21 ມັງກອນ 2026

ເປີດການຮ່ວມມືກວດກູ້ ແລະ ທຳລາຍລະເບີດບໍ່ທັນແຕກເພື່ອມະນຸດສະທຳ ສອງກອງທັບ ລາວ-ຣັດເຊຍ
ເວລາອອກຂ່າວ: 2022-11-22 09:30:25 | ຜູ້ຂຽນ : admin2 | ຈຳນວນຄົນເຂົ້າຊົມ: 1194 | ຄວາມນິຍົມ:

ວັນທີ 21 ພະຈິກ 2022, ຢູ່ ສະໂມສອນເມືອງນາກາຍແຂວງຄຳມ່ວນ ໄດ້ຈັດພິທີເປີດການຮ່ວມມືກວດກູ້ ແລະ ທຳລາຍລະ ເບີດບໍ່ທັນແຕກ ເພື່ອມະນຸດສະທຳລະຫວ່າງກະຊວງປ້ອງກັນປະເທດແຫ່ງ ສປປ ລາວ ແລະ ກະຊວງປ້ອງກັນປະເທດແຫ່ງ ສ ຣັດເຊຍ ສົກປີ 2022-2023 ໂດຍການເປັນປະທານຂອງ ສະຫາຍ ພົນຕີ ຈັນທອງ ສອນຕະອາດ ຮອງລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ, ມີ ສະຫາຍ ແກ້ວອຸດອນ ບຸດສິງຂອນ ຮອງເຈົ້າແຂວງ ແຂວງຄຳມ່ວນ, ສະຫາຍ ພັນເອກ ອາບຣາມົບ ເຊຣເກ ຫົວໜ້າວິຊາການໃຫຍ່ ຂອງກົມຊ່າງແສງກຳ ລັງປະກອບອາວຸດ ແຫ່ງ ສ ຣັດເຊຍ, ຄະນະນຳກະຊວງປ້ອງກັນ ປະເທດ ແຫ່ງ ສປປ ລາວ, ຫົວ ໜ້າຫ້ອງການຜູ້ຕາງໜ້າກະຊວງ ປ້ອງກັນປະເທດ ແຫ່ງ ສ ຣັດເຊຍ ປະຈຳ ສປປ ລາວ, ຫົວໜ້າຫ້ອງ ການທີ່ປຶກສາທູດຝ່າຍທະຫານ ແຫ່ງ ສ ຣັດເຊຍ ປະຈຳ ສປປ ລາວ, ອຳນາດການປົກຄອງເມືອງນາກາຍ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ. ສະຫາຍ ນາງ ບົວກາ ແກ້ວມະນີ ເຈົ້າເມືອງ ເມືອງ ນາກາຍ ໄດ້ຜ່ານຂໍ້ຕົກລົງ ຂອງເຈົ້າເມືອງນາກາຍ ວ່າດ້ວຍການມອບຕອນດິນຂອງເມືອງ(ຊົ່ວຄາວ) ໃຫ້ກຳລັງກະຊວງປ້ອງກັນປະເທດ ແຫ່ງ ສປປ ລາວ ເພື່ອປະຕິບັດວຽກງານເກັບກູ້ລະເບີດບໍ່ທັນແຕກຢູ່ພາຍໃນເມືອງນາກາຍ. ເຈົ້າເມືອງ ເມືອງນາກາຍຕົກລົງ ມອບຕອນດິນ ຈຳນວນ 4 ຕອນ ໃຫ້ຄະນະຮັບຜິດຊອບວຽກງານຮອບດ້ານໃນການສຳຫຼວດ ແລະ ເກັບກຳຂໍ້ມູນລະເບີດບໍ່ທັນແຕກ ທີ່ຖືກແຕ່ງຕັ້ງຈາກກະຊວງປ້ອງກັນປະເທດ ແຫ່ງ ສປປ ລາວ ສົມ ທົບກັບຄະນະຮັບຜິດຊອບການກວດກູ້ມິນສາກົນຂອງກະຊວງປ້ອງກັນປະເທດ ແຫ່ງ ສ ຣັດເຊຍ ເພື່ອຮ່ວມມືກັນໃນການກວດກູ້ລະເບີດບໍ່ທັນແຕກ ໃຫ້ສຳເລັດຕາມເປົ້າໝາຍ ໃນເນື້ອທີ່ທັງໝົດ 56,3 ເຮັກຕາ ປະກອບມີ: ສາລາເຈົ້າເພັດສະຣາດ ຢູ່ບ້ານນາກາຍ (ຈຸດທີ່ກວດກູ້ໃນປີຜ່ານມາແຕ່ຍັງບໍ່ທັນສຳເລັດ), ຜັງເມືອງໃໝ່ ເຂດໂຮງເລື່ອຍແນນຊິເກົ່າ, ດິນປຸກສ້າງຫ້ອງການເຂດໂຮງງານຊີບອດເກົ່າ ແລະ ໂຮງຮຽນມັດ ທະຍົມຕົ້ນ ຫຼັງໃໝ່. ສະຫາຍ ພົນຕີ ຈັນທອງ ສອນຕະອາດ ໄດ້ກ່າວໃຫ້ຮູ້ວ່າ: ສປປ ລາວ ເປັນປະເທດໜຶ່ງທີ່ໄດ້ຮັບຜົນກະທົບຈາກລະເບີດບໍ່ ທັນແຕກທີ່ຕົກຄ້າງມາແຕ່ສະໄໝສົງຄາມອິນດູຈີນ ໃນລະຫວ່າງປີ 1964-1973 ເຮືອບິນຂອງ ຈັກກະພັດຜູ້ຮຸກຮານຫຼາຍກວ່າ 580.000 ຖ້ຽວ, ໄດ້ນຳເອົາລະເບີດຊະນິດຕ່າງໆ ປະມານ 3.000.000 ໂຕນ ໃນນັ້ນ, ມີລະເບີດລູກຫວ່ານ (ບົມບີ) ປະມານ 270 ລ້ານໜ່ວຍ ແລະ ບົມໃຫຍ່ ປະມານ 4 ລ້ານໜ່ວຍ ມາຖີ້ມໃສ່ປະເທດເຮົາ, ເຊິ່ງນັກຄົ້ນຄວ້າການທະ ຫານໄດ້ວິເຄາະວ່າ ມາຮອດປັດຈຸບັນ ລະເບີດດັ່ງກ່າວປະມານ 30% ຫຼື 80 ລ້ານໜ່ວຍຍັງບໍ່ທັນແຕກ ແລະ ຕົກຄ້າງໃນເນື້ອ ທີ່ 2 ສ່ວນ 3 ຂອງປະເທດລາວ, ເຖິງວ່າສົງຄາມໄດ້ຢຸດຕິລົງແລ້ວ ໃນຫຼາຍປີຜ່ານມາ. ແຕ່ລະເບີດດັ່ງກ່າວນັ້ນຍັງສືບຕໍ່ທຳລາຍຊີ ວິດຂອງປະຊາຊົນລາວຕະຫຼອດມາ. ແຕ່ລະປີມີຜູ້ທີ່ໄດ້ຮັບເຄາະ ຮ້າຍ ແລະ ເສຍຊີວິດເປັນຈຳ ນວນຫຼາຍລວມທັງເດັກນ້ອຍ, ແມ່ຍິງ ແລະ ຜູ້ເຖົ້າ. ພ້ອມນັ້ນ, ລະເບີດທີ່ຕົກຄ້າງຍັງບໍ່ທັນແຕກຈາກສົງຄາມໄດ້ເປັນອຸປະສັກອັນໃຫຍ່ຫຼວງຕໍ່ການພັດທະນາເສດຖະກິດ-ສັງຄົມ, ການດຳລົງຊີວິດຂອງປະຊາຊົນລາວ ເວົ້າສະເພາະ ແມ່ນຢູ່ແຂວງຄຳມ່ວນ. ໃນຊຸມປີຜ່ານມາ, ພັກ-ລັດຖະບານເຮົາ ກໍໄດ້ເອົາໃຈໃສ່ແກ້ໄຂບັນຫາລະ ເບີດບໍ່ທັນແຕກ ໂດຍຈັດເຂົ້າໃນເປົ້າໝາຍສະຫັດສະຫວັດຂອງການພັດທະນາ, ໂດຍຖືເອົາການສຶກສາຄວາມສ່ຽງ, ການເກັບກູ້ ແລະ ການຊ່ວຍເຫຼືອຜູ້ຖືກເຄາະ ຮ້າຍ, ປັບປຸງລະບົບຄຸ້ມຄອງຂໍ້ມູນຂ່າວສານ, ຈັດຕັ້ງປະຕິບັດໂຄງ ການສຳຫຼວດຜູ້ຖືກເຄາະຮ້າຍຈາກລະເບີດບໍ່ທັນແຕກໃນທົ່ວປະເທດ, ຄົ້ນຄວ້າ-ພິຈາລະນາຮັບເອົາໂຄງການຊ່ວຍເຫຼືອຈາກເພື່ອນມິດ ແລະ ສາກົນ ໃນນີ້, ກະ ຊວງປອ້ງກັນປະເທດພວກເຮົາ ກໍໄດ້ເປັນເຈົ້າການຮ່ວມມືກັບກະຊວງປ້ອງກັນປະເທດ ແຫ່ງ ສ ຣັດເຊຍ ແກ້ໄຂບັນຫາລະເບີດບໍ່ທັນແຕກຢູ່ເມືອງຄຳເກີດ, ແຂວງບໍລິຄຳໄຊ ໃນສົກປີ 2018-2019, ຢູ່ເມືອງແປກແຂວງຊຽງຂວາງ ໃນສົກປີ 2019-2020, 2020-2021 ແລະ ຢູ່ເມືອງ ນາກາຍ ແຂວງຄຳມ່ວນ ສົກປີ 2021-2022 ສາມາດປົດປ່ອຍພື້ນທີ່ດິນອອກຈາກບັນຫາລະເບີດ ບໍ່ທັນແຕກໄດ້ 141 ເຮັກຕາ, ທຳລາຍລະເບີດອອກຈາກຜືນແຜ່ນດິນລາວໄດ້ 2.270 ໜ່ວຍ. ພ້ອມກັນນັ້ນ, ສູນກວດກູ້ມິນສາກົນ ແຫ່ງ ສ ຣັດເຊຍ ກໍໄດ້ສົ່ງຊ່ຽວຊານມາເຝິກອົບຮົມຍົກລະດັບດ້ານການແກ້ໄຂລະເບີດບໍ່ທັນແຕກ ເພື່ອມະນຸດສະທຳໃຫ້ພະນັກງານກອງທັບປະຊາຊົນລາວ ໄດ້ 99 ສະຫາຍ. ຜ່ານການປະຕິບັດແຜນການຮ່ວມມືລະ ຫວ່າງ ສອງກະຊວງປ້ອງກັນປະເທດລາວ ແລະ ຣັດເຊຍ ເຫັນວ່າປະສົບຜົນສຳເລັດດີ ແລະ ໄດ້ນຳເອົາຜົນປະໂຫຍດມາໃຫ້ປະເທດຊາດ ແລະ ປະຊາຊົນລາວຢ່າງໜ້າພາກພູມໃຈ. ສຳລັບສົກປີ 2022-2023 ນີ້, ສອງກຳລັງພວກເຮົາ ຈຶ່ງໄດ້ຂໍອະນຸມັດຈາກ ລັດຖະບານຂອງສອງປະເທດລາວ ແລະ ຣັດເຊຍ ມາສືບຕໍ່ກວດກູ້ ແລະ ທຳລາຍລະເບີດບໍ່ທັນແຕກຕົກຄ້າງ ຢູ່ເມືອງນາກາຍ ແຂວງຄຳມ່ວນ ເພື່ອປະກອບສ່ວນແກ້ໄຂບັນຫາລະເບີດບໍ່ທັນແຕກ ເພື່ອປົດປ່ອຍເນື້ອທີ່ທຳການຜະລິດໃຫ້ປະຊາຊົນບັນດາເຜົ່າ, ເພື່ອເຮັດໃຫ້ການດຳລົງຊີວິດຂອງປະຊາຊົນ ປາສະຈາກຄວາມອັນຕະລາຍຈາກລູກລະເບີດບໍ່ທັນແຕກຕົກຄ້າງ ຄຽງຄູ່ກັນນັ້ນ, ຍັງເປັນການປະກອບສ່ວນສຳຄັນເຂົ້າໃນການຈັດຕັ້ງປະຕິບັດເປົ້າໝາຍ ສະຫັດສະຫວັດແຫ່ງການພັດທະນາຂອງລັດຖະບານ ແນໃສ່ລົບລ້າງຄວາມທຸກຍາກຂອງປະຊາຊົນບັນດາເຜົ່າໃຫ້ໄດ້ໃນປີ 2030. ໂດຍ: ອານຸສອນ ສິມວົງສາ

news to day and hot news