ກອງທັບປະຊາຊົນລາວ
 
ວັນພະຫັດ, ວັນທີ 13 ມິຖຸນາ 2024

  

ຮອງປະທານປະເທດເຄື່ອນໄຫວຢ້ຽມຢາມ ແລະ ຊຸກຍູ້ວຽກງານກະກຽມດຳເນີນກອງປະຊຸມໃຫຍ່ 3 ຂັ້ນຢູ່ແຂວງຄຳມ່ວນ
ເວລາອອກຂ່າວ: 2019-02-22 09:01:49 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 196 | ຄວາມນິຍົມ:



ສະຫາຍ ປອ ພັນຄຳ ວິພາ ວັນ ກຳມະການກົມການເມືອງ ສູນກາງພັກ, ຜູ້ປະຈຳການຄະນະ ເລຂາທິການສູນກາງພັກ, ຮອງ ປະທານປະເທດແຫ່ງ ສປປ ລາວ ພ້ອມດ້ວຍຄະນະລົງເຄື່ອນໄຫວ ເຮັດວຽກຢູ່ແຂວງຄຳມ່ວນໃນ ລະຫວ່າງວັນທີ 19-20 ກຸມ ພາ 2019 ນີ້, ໂດຍເປັນກຽດ ຕ້ອນຮັບຂອງ ສະຫາຍ ໂອໄດ ສຸດາພອນ ກຳມະການສູນກາງ ພັກ, ເລຂາພັກແຂວງ ເຈົ້າແຂວງໆ ຄຳມ່ວນ, ມີບັນດາສະຫາຍໃນຄະ ນະບໍລິຫານງານພັກແຂວງ, ເລຂາພັກເມືອງ, ພະແນກການ, ຂະແໜງການຕ່າງໆອ້ອມຂ້າງ ແຂວງເຂົ້າຮ່ວມ. ໃນໂອກາດດັ່ງກ່າວ ສະຫາຍ ໂອໄດ ສຸດາພອນ ໄດ້ລາຍງານ ສະພາບຈຸດພິເສດ ແລະ ການພັດ ທະນາເສດຖະກິດ-ສັງຄົມພາຍ ໃນແຂວງໃຫ້ຊາບວ່າ: ໃນທົ່ວ ແຂວງຄຳມ່ວນແມ່ນມີສະຖຽນ ລະພາບທາງດ້ານການເມືອງ ແລະ ມີຄວາມສະຫງົບໂດຍພື້ນ ຖານ, ທາງດ້ານເສດຖະກິດແມ່ນ ມີການຂະຫຍາຍຕົວຢູ່ໃນລະດັບ 6,56%, ລວມຍອດ ຜະລິດຕະ ພັນພາຍໃນ (GDP) ບັນລຸ 7.437 ຕື້ກີບ, ສະເລ່ຍໃສ່ຫົວ ຄົນໄດ້ 17.883.473 ກີບຕໍ່ຄົນ ຕໍ່ປີ ຫຼື ເທົ່າກັບ 2.121 ໂດລາ ສະຫະລັດ, ທຽບໃສ່ປີຜ່ານມາ ເພີ່ມຂຶ້ນ 23 ໂດລາ, ດ້ານການ ລົງທຶນຂອງລັດມີໂຄງການລົງ ທຶນຂອງລັດທັງໝົດ 310 ໂຄງ ການ, ລວມມູນຄ່າ 122,62 ຕື້ ກີບ. ໃນນັ້ນທຶນພາຍໃນ 84,15 ຕື້ກີບ, ທຶນຕ່າງປະເທດ 38,47 ຕື້ກີບ, ສາມາດຈັດຕັ້ງປະຕິບັດໄດ້ 301 ໂຄງການ ລວມມູນຄ່າ 121. 902 ຕື້ກີບ ເທົ່າກັບ 99% ດ້ານ ວຽກງານການເງິນໄດ້ຮັບຕົວເລກ ສູ້ຊົນທັງໝົດ 709,56 ຕື້ກີບ, ໃນ ນັ້ນພູດຂອງສູນກາງ 387,42 ຕື້ ກີບ, ພູດທ້ອງຖິ່ນ 322,14 ຕື້ ກີບ, ສາມາດຈັດຕັ້ງປະຕິບັດໄດ້ 716,87 ຕື້ກີບ ເທົ່າກັບ 101,02% ຂອງແຜນການປີ ເຊິ່ງໃນນັ້ນພູດ ຂອງສູນກາງປະຕິບັດໄດ້ 383,80 ຕື້ກີບ ເທົ່າກັບ 99,06% ແລະ ພູດ ຂອງທ້ອງຖິ່ນປະຕິບັດໄດ້ 333,06 ຕື້ກີບ ເທົ່າກັບ 103,27% ຂອງ ແຜນການ. ສຳລັບການກະກຽມ ກອງປະຊຸມ ໃຫຍ່ 3 ຂັ້ນຂອງພັກ ແມ່ນໄດ້ຈັດຕັ້ງເຊື່ອມຊຶມ ແລະ ຜັນຂະຫຍາຍເປັນຄຳສັ່ງແນະນຳ ແລະ ອອກເປັນມະຕິຕົກລົງຂອງ ຄະນະປະຈຳພັກແຂວງ ວ່າດ້ວຍ ການຫັນເອົາພະນັກງານລົງ ແຕ່ລະຮາກຖານຕິດພັນກັບ ວຽກງານຕິດຕາມ, ກວດກາ ແລະ ແກ້ໄຂກໍລະນີພົບເຫັນໃນ ບັ້ນດຳເນີນຊີວິດການເມືອງປັບ ປຸງປົວແປງພັກໃນທົ່ວອົງຄະ ນະພັກແຂວງ ເຊິ່ງໃນປັດຈຸບັນ ແມ່ນໄດ້ສຳເລັດກອງປະຊຸມ ໃຫຍ່ຢູ່ໃນຂັ້ນຮາກຖານບ້ານ ແລະ ອົງການຈັດຕັ້ງມະຫາຊົນ ຂັ້ນເມືອງກໍໄດ້ສຳເລັດກອງປະ ຊຸມໃຫຍ່ຂອງຕົນເປັນສ່ວນໃຫຍ່. ສຳລັບບັນດາຮາກຖານຂັ້ນ ເມືອງ, ພະແນກການ ແລະ ຂັ້ນ ແຂວງແມ່ນໄດ້ເລັ່ງໃສ່ວຽກ ງານຂະບວນການຕ່າງໃຫ້ເປັນ ຂະບວນການຟົດຟື້ນ. ສະຫາຍ ປອ ພັນຄຳ ວິພາວັນ ກໍໄດ້ມີຄຳເຫັນໂອ້ລົມ ແລະ ໃຫ້ ທິດຊີ້ນຳຕໍ່ຄະນະພັກ, ອຳນາດ ການປົກຄອງຂອງແຂວງຄຳ ມ່ວນ. ເຊິ່ງທ່ານໄດ້ຍ້ອງຍໍຊົມ ເຊີຍ ແລະ ເຊີດຊູບັນດາຜົນສຳເລັດ ທີ່ອົງຄະນະພັກແຂວງຍາດມາໄດ້ໃນໄລຍະຜ່ານມາ. ພ້ອມທັງຊີ້ນຳ ໃຫ້ອົງຄະນະພັກແຂວງຄຳມ່ວນ ຕໍ່ກັບການກະກຽມການດຳເນີນ ກອງປະຊຸມໃຫຍ່ 3 ຂັ້ນ ແມ່ນຕ້ອງ ໄດ້ກຳແໜ້ນຄວາມສຳຄັນ ແລະ ທັດສະນະຊີ້ນຳຂອງກົມການ ເມືອງສູນກາງພັກຕໍ່ກັບການດຳເນີນກອງປະຊຸມໃຫຍ່ ຄັ້ງທີ XI ຂອງສູນກາງພັກໃນຕໍ່ໜ້າ ບົນ ພື້ນຖານນຳເອົາເນື້ອໃນຈິດໃຈດັ່ງ ກ່າວໄປສົມທົບກັບການກະກຽມ ດຳເນີນກອງປະຊຸມ 3 ຂັ້ນຂອງ ຄະນະພັກຕົນ, ສ້າງຂະບວນ ການເຄື່ອນໄຫວວຽກງານການ ເມືອງຢ່າງກ້ວາງຂວາງ, ຟົດ ຟື້ນ ແລະ ເລິກເຊິ່ງໃນທົ່ວພັກ, ທົ່ວສັງຄົມ ເພື່ອເປັນໂອກາດນຳ ພາເສີມຂະຫຍາຍປະຊາທິປະໄຕ, ສ້າງ, ປັບປຸງຄວາມເຂັ້ມແຂງ ຂອງລະບອບປະຊາທິປະໄຕປະ ຊາຊົນ, ມີການສົມທົບແໜ້ນ ເພື່ອສ້າງຄວາມເປັນເອກະພາບ ບັນດາທິດທາງຕົ້ນຕໍ, ຄາດໝາຍ ທີ່ສຳຄັນໃນການພັດທະນາເສດ ຖະກິດ-ສັງຄົມ ກໍຄືວຽກພັກ-ພະນັກງານເຮັດແນວໃດໃຫ້ມະ ຕິຂອງອົງຄະນະພັກຂັ້ນແຂວງ, ຂັ້ນເມືອງໃຫ້ສອດຄ່ອງກັນ ເພື່ອ ຜັນຂະຫຍາຍທິດທາງຍຸດທະ ສາດລວມຂອງພັກ ແລະ ເຮັດໃຫ້ ການກະກຽມກອງປະຊຸມ 3 ຂັ້ນ ຕິດພັນກັບການປັບປຸງປົວແປງ ພາຍໃນພັກ ເພື່ອຍົກສູງມານະ ຈິດການປະຕິວັດໃນຖັນແຖວສະ ມາ ຊິກພັກ, ພະນັກງານໃຫ້ສູງຂຶ້ນ, ພ້ອມທັງຮັບປະກັນຄວາມສະ ຫງົບ, ຄວາມເປັນລະບຽບຮຽບ ຮ້ອຍໃນສັງຄົມນັບທັງການປ້ອງກັນບັ້ນດຳເນີນກອງປະຊຸມໃຫຍ່ແຕ່ລະຂັ້ນ ແລະ ການເຄື່ອນໄຫວ ແກ້ໄຂປາກົດການຫຍໍ້ທໍ້ໃນສັງ ຄົມ ເພື່ອຮັບປະກັນເຮັດໃຫ້ການ ດຳເນີນກອງປະຊຸມ 3 ຂັ້ນ ໄດ້ ບັນລຸຕາມຄາດໝາຍທີ່ວາງໄວ້. ໃນໂອກາດເຄື່ອນໄຫວຢ້ຽມຢາມ ແຂວງຄຳມ່ວນທ່ານຮອງປະ ທານປະເທດ ພ້ອມຄະນະການ ນຳຂອງແຂວງ ຍັງໄດ້ຢ້ຽມຊົມ ການຜະລິດເຂົ້ານາໄຮ່ໃຫຍ່ຢູ່ ເມືອງໜອງບົກ ແລະ ໂຮງງານ ຜະລິດ-ປຸງແຕ່ງເກືອກາລີບໍລິ ສັດ ຊີໂນ-ອາກຣີ ໂປຕາສ ຕັ້ງຢູ່ ບ້ານດົງໃຕ້ ເມືອງທ່າແຂກ ເພື່ອຊຸກຍູ້ໃຫ້ຫົວໜ່ວຍທຸລະກິດໄດ້ມີ ຄວາມເຂັ້ມແຂງ ແລະ ປະກອບ ສ່ວນສ້າງສາພັດທະນາປະເທດຊາດໃຫ້ຮັ່ງມີເຂັ້ມແຂງຢ່າງບໍ່ ຢຸດຢັ້ງ. ຂ່າວ: ກອງຄຳ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ