POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 16 ກໍລະກົດ 2025

ສຳເລັດການແຂ່ງຂັນກິລາ ແລະ ສິລະປະ ນັກຮຽນ ປະຈຳສົກຮຽນ 2022-2023 ທົ່ວເມືອງປາກອູ
ເວລາອອກຂ່າວ: 2023-01-12 08:33:45 | ຜູ້ຂຽນ : admin3 | ຈຳນວນຄົນເຂົ້າຊົມ: 460 | ຄວາມນິຍົມ:

ເມືອງປາກອູ ແຂວງຫຼວງພະບາງ ສຳເລັດການແຂ່ງຂັນກິລາ ແລະ ສິລະປະ-ວັນນະຄະດີ ລະ ດັບນັກຮຽນ ປະຈຳສົກຮຽນ 2022-2023 ທົ່ວເມືອງ ເພື່ອໃຫ້ ນ້ອງນັກຮຽນໃຊ້ເວລາຫວ່າງເປັນປະໂຫຍດຫ່າງໄກສິ່ງເສບຕິດ ແລະ ສ້າງບັນດານັກສິລະປະ-ວັນນະຄະດີ ທີ່ມີພອນສະຫວັນ ເພື່ອຕາງໜ້າໃຫ້ເມືອງໄປແຂ່ງກັບເມືອງອື່ນ ແລະ ກ້າວຂຶ້ນໄປຮັບໃຊ້ຊາດ ໃນອະນາຄົດ. ການແຂ່ງຂັນກິລາດັ່ງກ່າວ ໄດ້ ມີຂຶ້ນເມື່ອບໍ່ດົນມານີ້ ທີ່ສະໜາມ ກິລາໂຮງຮຽນມັດທະຍົມສົມບູນບ້ານຝາຍ ເມືອງປາກອູ, ໂດຍມີ ທ່ານ ຫຸມແພງ ວິລະໄຊ ຮອງເຈົ້າເມືອງປາກອູ ແລະ ທ່ານ ນາງ ບົວລອຍ ອິດທິພອນ ຮອງຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ ພ້ອມດ້ວຍຄະນະນຳຫ້ອງການສຶກສາທິການ ແລະ ກິລາເມືອງ, ຄະນະອຳນວຍການໂຮງຮຽນ, ສະມາຄົມພໍ່ແມ່ນັກຮຽນ ແລະ ນັກ ຮຽນເຂົ້າຮ່ວມຢ່າງພ້ອມພຽງ. ໂອກາດນີ້, ທ່ານ ຫຸມແພງ ວິລະໄຊ ໄດ້ກ່າວມີຄຳເຫັນວ່າ: ການຈັດການແຂ່ງຂັນກິລາຄັ້ງນີ້ ແມ່ນເພື່ອເປັນການປະຕິບັດຕາມ 3 ລັກສະນະ ແລະ 5 ຫຼັກມູນຂອງການສຶກສາ ທີ່ກະຊວງສຶກສາທິການ ແລະ ກິລາວາງອອກໃຫ້ປະກົດຜົນເປັນຈິງ ເທື່ອລະກ້າວ. ນອກຈາກນັ້ນກໍເພື່ອດຳເນີນໄປຕາມແຜນກິດຈະກຳປະຈຳປີຂອງແຕ່ລະໂຮງຮຽນໃນທົ່ວເມືອງ ແນໃສ່ເຮັດໃຫ້ນ້ອງ ນັກຮຽນມີຄວາມສາມາດໃນການສະແດງອອກເປັນຕົ້ນແມ່ນການຫຼິ້ນກິລາ, ຮ້ອງເພງ, ການຟ້ອນ ແລະ ຂັບລຳ. ຄຽງຄູ່ກັນນີ້, ກໍເພື່ອໃຫ້ນ້ອງນັກຮຽນໃຊ້ເວລາຫວ່າງໃຫ້ເປັນປະໂຫຍດ,ຫ່າງໄກ ສິ່ງເສບຕິດ ແລະ ສ້າງບັນດານັກສິລະປະ-ວັນນະຄະດີ ທີ່ມີພອນສະຫວັນເພື່ອຕາງໜ້າໃຫ້ເມືອງໄປແຂ່ງກັບເມືອງອື່ນ ແລະ ພ້ອມກັນກ້າວຂຶ້ນໄປຮັບໃຊ້ຊາດໃນອະນາຄົດ. ຜ່ານການແຂ່ງຂັນກິລາ 6 ປະເພດ ແລະ ສິລະປະ-ວັນນະຄະ ດີ 2 ລາຍການ ຜົນປະກົດວ່າ: ກິລາເຕະບານຊາຍ ຊະນະເລີດ ມສ ເມືອງປາກອູ, ຮອງຊະນະເລີດ 2 ມ. ຕົ້ນ ຫາດປາງ ແລະ ອັນດັບທີ 3 ມ. ຕົ້ນ ນາສະຫວ່າງ; ກະຕໍ້ຊາຍ ຊະນະເລີດ ມສ ບ້ານຝາຍ, ຮອງຊະນະເລີດ 2 ມ. ຕົ້ນ ຫາດປາງ ແລະ ອັນດັບທີ 3 ມສ ເມືອງປາກອູ; ກະຕໍ້ຍິງ ຊະນະເລີດ ມ. ຕົ້ນ ຫາດປາງ, ຮອງຊະນະເລີດ ມສ ໂພນສະຫວ່າງ ແລະ ອັນດັບທີ 3 ມສ ບ້ານຝາຍ; ເປຕັງຍິງ ຊະນະເລີດ ມສ ເມືອງປາກອູ, ຮອງຊະນະເລີດ ມ.ຕົ້ນ ຫ້ວຍໂອດ ແລະ ອັນດັບທີ 3 ມ.ຕົ້ນ ນາສະຫວ່າງ; ເປຕັງຊາຍ ຊະນະເລີດ ມສ ໂພນສະຫວ່າງ, ຮອງຊະນະເລີດ ມສ ບ້ານຝາຍ ແລະ ອັນດັບທີ 3 ມສ ເມືອງປາກອູ; ໝາກຂ່າງຊາຍ ຊະນະເລີດ ມສ ໂພນສະຫວ່າງ, ຮອງຊະນະເລີດ ມສ ເມືອງປາກອູ ແລະ ອັນດັບທີ 3 ມ.ຕົ້ນ ຫາດປາງ; ໜ້າເກັກຊາຍ ຊະນະເລີດ ມສ ເມືອງປາກອູ, ຮອງຊະນະເລີດ ມສ ໂພນສະຫວ່າງ ແລະ ອັນດັບທີ 3 ມ. ຕົ້ນ ຫ້ວຍໂອດ; ເຕັ້ນຍາວຍິງ ຊະນະເລີດ ມ.ຕົ້ນ ບ້ານປາກອູ 1, ຮອງຊະນະເລີດ ມສ ໂພນສະຫວ່າງ ແລະ ອັນດັບທີ 3 ມ.ຕົ້ນ ບ້ານປາກອູ 2; ເຕັ້ນຍາວຊາຍ ຊະນະເລີດ ມ.ຕົ້ນ ນາສະຫວ່າງ, ຮອງຊະນະເລີດ ບ້ານປາກອູ ແລະ ອັນດັບທີ 3 ມ.ຕົ້ນ ຫາດປາງ. ສ່ວນຜົນການແຂ່ງຂັນສິລະປະ-ວັນນະຄະດີ ປະເພດບົດເພງ ຊະນະເລີດ ມສ ໂພນສະຫວ່າງ 1, ຮອງຊະນະເລີດ ມ.ຕົ້ນ ຫ້ວຍໂອດ ແລະ ອັນດັບທີ 3 ມສ ໂພນສະຫວ່າງ 2; ປະເພດບົດຟ້ອນ ຊະນະເລີດ ມສ ບ້ານຝາຍ, ຮອງຊະນະເລີດ ມສ ເມືອງປາກອູ ແລະ ອັນດັບທີ 3 ມ.ຕົ້ນ ຫ້ວຍໂອດ.

news to day and hot news