ຄະນະອຳນວຍການວິທະຍາຄານ ນາຍທະຫານບົກກົມມະດຳ ເຂົ້າອວຍພອນ ຄະນະນຳກະຊວງປ້ອງກັນປະເທດ
ເວລາອອກຂ່າວ: 2023-01-25 09:24:33 | ຜູ້ຂຽນ : admin2 | ຈຳນວນຄົນເຂົ້າຊົມ: 192 | ຄວາມນິຍົມ:
ໃນວັນທີ 18 ມັງກອນ 2023 ນີ້, ສະຫາຍ ພົນຈັດຕະວາ ຖາວອນ ແກ້ວອິນທະວົງ ເລຂາຄະນະພັກ ຫົວໜ້າການເມືອງ ວິທະຍາຄານ ນາຍທະຫານບົກ ກົມມະດຳ ພ້ອມດ້ວຍຄະນະ ໄດ້ນຳເອົາກະຕ່າຂອງຂວັນ ເຂົ້າອວຍພອນ ຄະນະນຳກະຊວງປ້ອງກັນປະເທດ, ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີ (20 ມັງກອນ 1949-20 ມັງກອນ 2023), ໂດຍການຕ້ອນຮັບຂອງ ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດພ້ອມດ້ວຍຄະນະ.
ໃນໂອກາດນີ້, ສະຫາຍຫົວໜ້າການເມືອງວິທະຍາຄານນາຍ ທະຫານບົກ ກົມມະດຳ ກໍໄດ້ກ່າວຄຳອວຍພອນໄຊອັນປະປະເສີດມາຍັງຄະນະນຳກະຊວງປ້ອງກັນປະເທດ ພ້ອມດ້ວຍຄອບຄົວຈົ່ງມີສຸຂະພາບແຂງແຮງ, ມີອາຍຸໝັ້ນຂັວນຍືນ, ສືບຕໍ່ນຳພາ-ຊີ້ນໍາກອງທັບປະຊາຊົນລາວໃຫ້ ກ້າວຂຶ້ນຢ່າງບໍ່ຢຸດຢັ້ງ, ພ້ອມກັນນັ້ນ, ສະຫາຍ ຍັງໄດ້ລາຍງານໃຫ້ຊາບການປະຕິບັດໜ້າທີ່ການເມືອງຂອງກອງທັບ ກໍຄືວິທະຍາຄານ ຕະຫຼອດໄລຍະຜ່ານມາ, ເຊິ່ງຍາມໃດກໍມີຄວາມຈົງຮັກພັກດີ, ມີຄວາມຕັ້ງຕໍ່ບໍລິສຸດຕໍ່ພັກ ແລະ ຕໍ່ປະເທດຊາດ, ຕັ້ງໜ້າປະຕິບັດສອງໜ້າທີ່ຍຸດທະສາດຕາມການ ມອບໝາຍຂອງພັກ ແລະ ຂອງກອງທັບ, ໂດຍສຸມໃສ່ປະຕິບັດ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ, ໄດ້ສຸມໃສ່ເຮັດໃຫ້ວິທະຍາຄານ ແລະ ບ້ານອ້ອມຂ້າງ ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບປອດໄພ ແລະ ໄດ້ປະຕິບັດໜ້າທີ່ຕາມການມອບໝາຍຂອງຂັ້ນເທີງຢ່າງເຂັ້ມງວດ, ນອກຈາກນີ້, ຍັງໄດ້ເອົາໃຈໃສ່ປັບປຸງກໍ່ສ້າງກຳລັງ, ສຸມໃສ່ສຶກສາອົບຮົມການເມືອງ-ແນວຄິດໃຫ້ນາຍ ແລະ ພົນທະຫານ, ນັກຮຽນ-ນັກສຶກສາທົ່ວວິທະຍາຄານ ໃຫ້ມີຄວາມຈົງຮັກພັກດີ ແລະ ຕັ້ງຕໍ່ບໍລິສຸດຕໍ່ພັກ-ລັດ, ສືບຕໍ່ປະຕິບັດໜ້າທີ່ການເມືອງຂອງກອງທັບ, ເອົາໃຈໃສ່ເຝິກອົບຮົມ-ຫັດແອບຍົກສູງລະດັບຄວາມສາມາດໃນການກຽມພ້ອມສູ້ຮົບ, ແລະ ຍັງໄດ້ເອົາໃຈໃສ່ປັບປຸງກໍ່ສ້າງກົມກອງໃຫ້ນັບມື້ເຕີບໃຫຍ່ຂະຫຍາຍຕົວ ແລະ ມີແບບແຜນທັນສະໄໝຂຶ້ນເປັນກ້າວ.
ຂ່າວ-ພາບ: ລຸນທອງ ສີບຸນເຮືອງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ