ເຊີນຊວນທ່ຽວຊົມງານວາງສະແດງສິນຄ້າຜະລິດຕະພັນລາວ
ເວລາອອກຂ່າວ: 2023-02-02 08:43:07 | ຜູ້ຂຽນ : admin3 | ຈຳນວນຄົນເຂົ້າຊົມ: 58 | ຄວາມນິຍົມ:
30 ມັງກອນ 2023 ນີ້, ທີ່ສະພາການຄ້າ ແລະ ອຸດສາ ຫະກຳແຫ່ງຊາດລາວໄດ້ຈັດງານພິທີຖະແຫຼ່ງຂາວງານວາງ ສະແດງຜະລິດຕະພັນລາວ ປະ ຈຳປີ 2023, ໃຫ້ກຽດການເປັນປະທານໂດຍ ທ່ານ ໄຊສົມ ເນັດ ນໍລະນີງ ຫົວໜ້າກົມສົ່ງເສີມ
ການຄ້າກະຊວງອຸດສາຫະກຳ ແລະ ການຄ້າ ມີ ທ່ານ ນາງ ຈັນ
ທະຈອນ ວົງໄຊ ຮອງປະທານ ສະພາການຄ້າ ແລະ ອຸດສາຫະ ກຳແຫ່ງຊາດລາວ (ສຄອຊ) ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ນາງ ຈັນທະຈອນ ວົງໄຊ ຮອງປະທານ ສຄອຊ ຜູ້ຊີ້ນຳວຽກງານວາງສະແດງໄດ້ ໃຫ້ຮູ້ວ່າ: ສະພາການຄ້າ ແລະ ອຸດສາຫະກຳແຫ່ງຊາດລາວ ຮ່ວມກັບສະພາການຄ້າ ແລະ ອຸດສາຫະກຳແຂວງຈຳປາສັກ ແລະ ສຄອ ແຂວງທົ່ວປະເທດ ຈະໄດ້ຈັດງານຜະລິດຕະພັນລາວ
ປະຈຳປີ 2023 ເຊິ່ງຈະຈັດຂຶ້ນໃນລະຫວ່າງວັນທີ 10-19 ກຸມ ພາ 2023 ທີ່ສູນວາງສະແດງສິນຄ້າ ລາວ-ໄອເຕັກ, ງານວາງ ສະແດງຜະລິດຕະພັນລາວໄດ້ຈັດຂຶ້ນຄັ້ງທຳອິດ ໃນປີ 2011 ຈົນເຖິງປັດຈຸບັນ ແລະ ປີນີ້ ສຄອ ແຂວງຈຳປາສັກ ເປັນເຈົ້າພາບຮ່ວມຫຼັກໃນການຈັດງານ, ເຊິ່ງສຄອ ແຂວງຈຳປາສັກ ຈະໄດ້ມີ
ການອອກແບບຕົບແຕ່ງເປັນພິ ເສດ ແລະ ສວຍງາມເພື່ອສື່ໃຫ້ ເຫັນວິທີຊີວິດການເປັນຢູ່, ຮີດ ຄອງປະເພນີ, ວັດທະນະທຳທີ່ສວຍງາມ ແລະ ບັນດາແຫຼ່ງ ທ່ອງທ່ຽວຕ່າງໆທາງດ້ານວັດ ທະນະທຳ ແລະ ທຳມະຊາດທີ່ ຕິດພັນກັບການດຳລົງຊີວິດຂອງຊາວແຂວງຈຳປາສັກ ນອກ ຈາກນັ້ນ, ຍັງໄດ້ເຫັນເຖິງການຂະຫຍາຍຕົວທາງດ້ານເສດກິດ ບໍ່ວ່າຈະເປັນເຂດເສດຖະກິດພິ ເສດ ແລະ ສະຖານທີ່ທ່ອງທ່ຽວທາງທຳມະຊາດທີ່ສວຍງາມ
ແລະ ສິນຄ້າອື່ນໆທີ່ເປັນທ່າແຮງຂອງແຂວງຈຳປາສັກ, ງານວາງສະແດງໃນຄັ້ງນີ້ ໄດ້ຮັບການສະໜັບສະໜູນຫຼັກຈາກຄູ່ຮ່ວມຍຸດທະສາດ ຈາກ 2 ບໍລິສັດຄື: ບໍລິສັດປີໂຕຣລ້ຽມເທຣດດິງ ລາວມະຫາຊົນ ແລະ ບໍລິສັດເບຍລາວ, ນອກຈາກນັ້ນ ກໍມີບັນດາບໍລິສັດ ແລະ ໂຄງການທີ່ໃຫ້ການສະໜັບສະໜູນງານອີກດ້ວຍ.
ຈຸດປະສົງຫຼັກໃນການຈັດງານ ໃນປີນີ້ ເພື່ອຊຸກຍູ້ສົ່ງເສີມໃຫ້ຄົນລາວຫັນມານຳໃຊ້ຜະລິດຕະພັນລາວໃຫ້ຫຼາຍຂຶ້ນ ພ້ອມດຽວກັນ ນັ້ນ ກໍເປັນການປຸກລະດົມຂົນ ຂວາຍເພີ່ມທະວີການຜະລິດໃນລະດັບຄອບຄົວໃຫ້ກາຍເປັນສິນ ຄ້າທີ່ສາມາດສ້າງລາຍຮັບໃຫ້ແກ່ຄອບຄົວໄດ້, ອີກທັງເພື່ອສົ່ງ ເສີມການຜະລິດຂະໜາດນ້ອຍ ໃຫ້ກ້າວສູ່ຂະໜາດກາງ ແລະ ໃຫ້ກາຍເປັນຂະໜາດໃຫຍ່ ໃຫ້ ກາຍເປັນອຸດສາຫະກຳການຜະ ລິດທາງດ້ານປະລິມານ ແລະ ຄຸນນະພາບໄດ້ມາດຕະຖານ
ທີ່ພຽບພ້ອມແຂ່ງຂັນຈຳໜ່າຍ ຕະຫຼາດພາຍໃນ ແລະ ສົ່ງມາ ຫຼື ສູ່ສາກົນໄດ້, ພ້ອມດຽວກັນ, ການຈັດງານໃນຄັ້ງນີ້ ຍັງຈະເປັນການເປີດໂອກາດໃຫ້ບັນດາຫົວ ໜ່ວຍທຸລະກິດທີ່ກຳລັງຊອກຫາຄູ່ຄ້າໃໝ່ໆ ແລະ ຕ້ອງການເປີດຕົວສິນຄ້າ ແລະ ບໍລິການໃໝ່ໆຂອງບໍລິສັດໃຫ້ບັນດາແຂກທີ່ມາຊົມງານທັງພາຍໃນ ແລະ ສາ ກົນໄດ້ຮັບຊາບ, ອີກທັງຍັງເປັນການແລກປ່ຽນຄວາມຮູ້, ເຕັກນິກດ້ານວິຊາການ, ວິທີການຜະລິດ ເພື່ອນຳມາພັດທະນາການຜະລິດສິນຄ້າຂອງຕົນ. ພ້ອມທັງເປັນການໂຄສະນາຄວາມອຸດົມສົມ ບູນທາງດ້ານຮີດຄອງປະເພນີ-ວັດທະນະທຳ, ການຄ້າ-ການລົງທຶນ, ສະຖານທີ່ທ່ອງທ່ຽວ ແລະ ອື່ນໆ ທີ່ເປັນເອກະລັກຂອງແຂວງທີ່ເປັນເຈົ້າພາບຮ່ວມຈັດງານຕະຫຼອດເຖິງທຸກແຂວງທີ່ເຂົ້າຮ່ວມງານໃນຄັ້ງນີ້ອີກດ້ວຍ.
ງານວາງສະແດງໃນຄັ້ງນີ້ ມີຫຼາກຫຼາຍຜະລິດຕະພັນ, ຜະລິດ ແລະ ປະກອບຢູ່ ສປປ ລາວ, ເຂົ້າຮ່ວມຫຼາຍກວ່າ 200 ຫ້ອງວາງສະແດງຈາກຫຼາຍກວ່າ 130 ຜູ້ປະກອບການ ແລະ ຫົວ ໜ່ວຍທຸລະກິດ ແລະ ມີຫຼາກຫຼາຍຂະແໜງການ ເຊັ່ນ:1. ຂະແໜງ ຜະລິດຕະພັນສິນຄ້າໜຶ່ງເມືອງໜຶ່ງຜະລິດຕະພັນ (ໂອດັອບ) 2. ຂະແໜງ ຜະລິດຕະພັນ ເມດອີນລາວ 3. ຂະແໜງຜະລິດຕະພັນຫັດຖະກຳ 4. ຂະແໜງຜະ ລິດຕະພັນອາຫານ ແລະ ເຄື່ອງດື່ມ 5. ຂະແໜງຜະລິດຕະພັນອຸດສາຫະກຳ 6. ຂະແໜງຜະລິດຕະພັນໄອທີ, ຂົນສົ່ງ, ທະນາຄານ ແລະ ການບໍລິການ 7. ຂະແໜງ ຜະລິດຕະພັນລາວ ຫັດຖະກຳໄມ້ ປ່ອງ 8. ຂະແໜງຜະລິດຕະພັນ ເຟີ້ນີເຈີ 9. ຂະແໜງ ຜະລິດຕະພັນກະສິກຳ.
ນອກຈາກນີ້ ພາຍໃນງານມີ ຫຼາກຫຼາຍກິດຈະກຳເຊັ່ນໃຫ້ຄວາມຮູ້, ງານພົບປະທຸລະກິດ, ກິດຈະກຳແຈກຂອງລາງວັນ ແລະ ກິດຈະກຳບັນເທີງອື່ນໆຕະ ຫຼອດໄລຍະການຈັດງານ.
ໂດຍ: ບຸນຊ້ອຍ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ