ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ທະຫານແຂວງອັດຕະປື ສຳເລັດການຕັ້ງເຮືອນພັກຊົ່ວຄາວ ໃຫ້ແກ່ປະຊາຊົນທີ່ຖືກອຸທົກກະໄພຢູ່ເມືອງສະໜາມໄຊ
ເວລາອອກຂ່າວ: 2019-03-04 09:36:32 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 21 | ຄວາມນິຍົມ:



ໃນວັນທີ 24 ກຸມພາ 2019 ຜ່ານມານີ້, ກອງບັນຊາການທະຫານ ແຂວງອັດຕະປື. ໄດ້ຈັດພິທີປິດສະໜາມການປະກອບເຮືອນພັກຊົ່ວ ຄາວໃຫ້ແກ່ປະຊາຊົນທີ່ຖືກອຸທົກກະໄພທີ່ເກີດຈາກ ໂຄງການກໍ່ສ້າງເຄື່ອນເຊປຽນ-ເຊນໍ້ານ້ອຍແຕກ ຢູ່ເມືອງສະໜາມໄຊແຂວງອັດຕະປື, ໂດຍເປັນ ກຽດເຂົ້າຮ່ວມຂອງສະຫາຍ ພັນໂທ ສິນສຸກ ແສງ ຄຳສິງ ຄະນະພັກກອງບັນຊາການ ຫົວໜ້າຫ້ອງເສ ນາທິການທະຫານແຂວງທັງເປັນຄະນະຊີ້ນຳພາກ ສະໜາມຟື້ນຟູເຮືອນພັກຊົ່ວຄາວ, ມີຄະນະຟື້ນຟູ ພ້ອມດ້ວຍວິຊາການທີ່ລົງໄປຕິດຕັ້ງ ເຮືອນພັກຊົ່ວຄາວຕະຫຼອດຮອດພໍ່ແມ່ປະຊາຊົນເຂົ້າຮ່ວມ. ໃນພິທີ ສະຫາຍ ພັນຕີ ສຸກສະຫວັນ ຊາວຫາ ລາດ ຄະນະຟື້ນຟູໄດ້ຂຶ້ນຜ່ານບົດສະຫຼຸບການຈັດ ຕັ້ງປະຕິບັດໜ້າທີ່ວຽກງານໃນ 4 ເດືອນຜ່ານມາ ພື້ນຖານສະພາບໃນ 3 ຈຸດ ແມ່ນມີຄວາມສະ ຫງົບໂດຍພື້ນຖານ, ພະນັກງານ-ນັກຮົບແຕ່ລະ ຫາຍມີແນວຄິດ ການເມືອງໜັກແໜ້ນ, ມີຄວາມ ມານະອົດທົນສູງ, ຫ້າວຫັນຕໍ່ໜ້າ ທີ່ວຽກງານ ແລະ ມີຄວາມສາມັກຄີເປັນເອກະພາບທັງພາຍໃນ ແລະ ພາຍນອກຢ່າງໜັກແໜ້ນ. ການລົງຊ່ວຍເຫຼືອຟື້ນຟູ ຊົ່ວຄາວ ໃຫ້ແກ່ປະຊາຊົນ 3 ບ້ານໃນຄັ້ງນີ້ ທັງ ແຂວງໄດ້ເຊັນສັນຍາຮ່ວມກັບບໍລິສັດທີເຄໂຊ ຊິງຈຳກັດ ແລະ ບໍລິສັດ PNPC-Sk ເພື່ອສະ ໜອງເຮືອນສຳເລັດຮູບຈຳນວນ 450 ຫຼັງໃຫ້ແກ່ປະ ຊາຊົນໃນ 3 ບ້ານຄື: ບ້ານຫີນລາດ, ບ້ານສະໝອງ ໃຕ້ ແລະ ບ້ານທ່າແສງຈັນ. ໃນນັ້ນການປະກອບ ສ້າງຈຸດບ້ານຫີນລາດ (ຕະມໍຢອດ) ປະກອບສ້າງ ສຳ ເລັດໄດ້ ທັງໝົດ 202 ຫຼັງ, ເຮືອນດ່ຽວ 137 ຫຼັງ, ເຮືອນຄູ່ 63 ຫຼັງ, ຈຸດ ບ້ານທ່າແສງຈັນ ( ດອນບົກ ) ປະກອບສ້າງເຮືອນໄດ້ 146 ຫຼັງ, ເຮືອນດ່ຽວ 144 ຫຼັງ, ເຮືອນຄູ່ 32 ຫຼັງ ແລະ ຈຸດບ້ານສະໝອງໃຕ້ ປະກອບສ້າງເຮືອນໄດ້ 104 ຫຼັງ, ເຮືອນດ່ຽວ 81 ຫຼັງ ແລະ ເຮືອນ ຄູ່ 23 ຫຼັງ. ແມ່ນໄດ້ນຳໃຊ້ກຳລັງ ຂອງທະຫານແຂວງທັງໝົດ 183 ສະຫາຍ. ເປັນຜູ້ລົງຕິດຕັ້ງປະ ກອບສ້າງເຮືອນພັກຊົ່ວຄາວໃຫ້ ແກ່ປະຊາຊົນທີ່ຖືກອຸທົກກະໄພໃນຄັ້ງນີ້ ເຊິ່ງໄດ້ ລົງມືເລີ່ມມາ ແຕ່ວັນທີ 1/11/2018-25/ 2/ 2019 ແມ່ນໄດ້ສຳເລັດຕາມແຜນການ. ໂດຍ: ແສງຫຼ້າ ກຸວົງສາ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ