POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 22 ມີນາ 2023

ຮອງລັດຖະມົນຕີ ກະຊວງປ້ອງກັນປະເທດຢ້ຽມຢາມ ຣາຊາອານາຈັກໄທ
ເວລາອອກຂ່າວ: 2023-03-16 10:11:23 | ຜູ້ຂຽນ : admin2 | ຈຳນວນຄົນເຂົ້າຊົມ: 40 | ຄວາມນິຍົມ:

ໃນລະຫວ່າງວັນທີ 12-14 ມີນາ 2023. ທ່ານ ພົນໂທ ຄຳລຽງ ອຸທະໄກສອນ ຮອງລັດ ຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບປະຊາຊົນລາວ ພ້ອມດ້ວຍຄະນະຜູ້ແທນການທະຫານຂັ້ນສູງ ກອງທັບປະຊາຊົນລາວ ໄດ້ຢ້ຽມຢາມ ຣາຊາອານາຈັກໄທ ໂດຍຕອບສະໜອງຕາມຄຳເຊີນຂອງ ທ່ານ ພົນເອກ ສະເຫຼີມພົນ ສີສະຫວັດ ຜູ້ບັນຊາການທະຫານສູງສຸດແຫ່ງຣາຊະາອານາຈັກໄທ ເພື່ອເປັນການຮັດແໜ້ນຄວາມສາມັກຄີ ຖານບ້ານໃກ້ເຮືອນຄຽງທີ່ດີນຳກັນຕະຫຼອດມາ. ພິທີຕ້ອນຮັບຢ່າງເປັນທາງການໄດ້ຈັດຂຶ້ນໃນວັນທີ 13 ມີ ນາ 2023 ທີ່ກອງບັນຊາ ການກອງທັບໄທ ໂດຍການຕ້ອນຮັບພ້ອມດ້ວຍຄະນະນາຍທະຫານຂັ້ນສູງກອງທັບຣາຊະອານາຈັກໄທ. ຈາກນັ້ນຄະນະຜູ້ແທນສອງຝ່າຍກໍໄດ້ພົບປະກັນ. ໂອກາດນີ້ ທ່ານ ພົນໂທ ຄຳລຽງ ອຸທະໄກສອນ ຮອງລັດ ຖະມົນຕີກະຊວງປ້ອງກັນປະ ເທດ ຫົວໜ້າກົມໃຫຍ່ເສນາທິການກອງທັບປະຊາຊົນລາວໄດ້ສະແດງຄວາມຂອບໃຈຢ່າງສູງຕໍ່ ທ່ານ ພົນເອກ ສະເຫຼີມພົນ ສີສະຫວັດ ຜູ້ບັນຊາການທະຫານສູງສຸດແຫ່ງຣາຊະອານາຈັກໄທ ພ້ອມຄະນະ ທີ່ໄດ້ໃຫ້ກຽດຕ້ອນ ຮັບໃນການເດີນທາງມາຢ້ຽມ ຢາມ ແລະ ພົບປະສອງຝ່າຍຢ່າງ ເປັນທາງການໃນຄັ້ງນີ້. ເພື່ອແລກປ່ຽນຄຳຄິດເຫັນບັນຫາທີ່ມີຄວາມສົນໃຈຮ່ວມກັນ, ໂດຍສະເພາະການຮ່ວມມືໃນຂົງເຂດວຽກງານປ້ອງກັນຊາດ-ປ້ອງກັນຄວາມສະຫງົບ ເຮັດໃຫ້ເສັ້ນຊາຍແດນຂອງສອງປະເທດກາຍເປັນເສັ້ນຊາຍແດນ ແຫ່ງສັນຕິພາບ, ມິດຕະພາບ ແລະ ການພັດທະນາຢ່າງແທ້. ກອງປະຊຸມຄັ້ງນີ້ ທັງສອງຝ່າຍໄດ້ພ້ອມກັນປຶກສາຫາລືວຽກງານດ້ານຕ່າງໆທີ່ໄດ້ຮ່ວມມືກັນຈັດຕັ້ງປະຕິບັດໃນໄລຍະຜ່ານມາ ແລະ ບັນຫາອື່ນໆທີ່ສອງ ຝ່າຍມີຄວາມສົນໃຈ ແລະ ເຫັນດີ ເປັນເອກະພາບຮ່ວມກັນ ໃນການພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນ ຖານບ້ານໃກ້ເຮືອນຄຽງທີ່ດີງາມ ລະຫວ່າງສອງຊາດ ກໍຄືສອງກອງທັບລາວ-ໄທ ໄທ-ລາວ ໃຫ້ມີຄວາມໜັກແໜ້ນຂຶ້ນກວ່າເກົ່າ ໂດຍສະເພາະ ການຮ່ວມມືຂອງຄະນະກຳມະການ ຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ລາວ- ໄທ ສ້າງໃຫ້ສະພາບໃນຂອບເຂດເສັ້ນຊາຍແດນມີຄວາມສະຫງົບສຸກໂດຍພື້ນຖານ. ນອກຈາກນັ້ນ, ສອງຝ່າຍຍັງເຫັນດີເປັນເອກະພາບສືບຕໍ່ຮ່ວມມືໃນວຽກ ງານດ້ານການຊ່ວຍເຫຼືອມະນຸດ ສະທຳ, ການຕ້ານໄພພິບັດທາງທຳມະຊາດ, ແລກປ່ຽນດ້ານການແພດ, ສິລະປະວັດທະນະທຳ ແລະ ກີລາ ແລະ ລວມທັງບັນຫາອື່ນໆ ທີ່ສອງຝ່າຍໄດ້ສ້າງກົນໄກຮ່ວມກັນຕື່ມອີກ. ຂ່າວ: ທອງມາ ໄຊຍະເພັງສາ

news to day and hot news