ກອງທັບປະຊາຊົນລາວ
 
ວັນສຸກ, ວັນທີ 23 ກຸມພາ 2024

  

ກົມ​ໃຫ​​ຍ່​ການເມືອງ​ກອງທັບ ຈັດ​ກິດຈະກຳ​ແຂ່ງຂັນ​ນັກ​ຮ້ອງ​ສຽງ​ດີ ແລະ ກິລາ​ສະໝັກ​ຫຼິ້ນ
ເວລາອອກຂ່າວ: 2023-03-17 10:33:49 | ຜູ້ຂຽນ : admin2 | ຈຳນວນຄົນເຂົ້າຊົມ: 121 | ຄວາມນິຍົມ:



ວັນ​ທີ 16 ມີນາ 2023 ນີ້, ກົມ​ໃຫ​ຍ່​ການເມືອງ​ກອງທັບ ໄດ້​ຈັດ​ກິດຈະກຳ​ແຂ່ງຂັນ​ນັກ​ຮ້ອງ​ສຽງ​ດີ ແລະ ກິລາ​ສະໝັກ​ຫຼິ້ນ ໂດຍ​ການ​ເປັນ​ປະທານ​ຂອງ ສະຫາຍ ພົນ​ຕີ ວໍລະ​ສານ ວິລັດ​ດາ​ວົງ ກຳມະການ​ຄະນະ​ປະຈຳ​ພັກ​ກະ ຊວງ​ປ້ອງ​ກັນ​ປະເທດ, ຮອງ​ຫົວໜ້າ​ກົມ​ໃຫຍ່​ການເມືອງ​ກອງທັບ, ມີ​ຄະນະ​ພັກ-ຄະນະ​ບັນຊາ, ກົມ, ຫ້ອງການ, ກອງ, ຄະນະ​ຊີ້​ນຳ, ຄະນະ​ຮັບຜິດຊອບ, ພ້ອມ​ດ້ວຍ​ນັກ​ກິລາ ເຂົ້າ​ຮ່ວມ. ສະຫາຍ ພັນ​ເອກ ວັນ​ທອງ ພົງ​ສະຫວັນ ຮອງ​ຫົວໜ້າ​ຫ້ອງ​ການເມືອງ​ກົມ​ໃຫຍ່​ການເມືອງ​ກອງທັບ ໄດ້​ແຜນການ​ຂອງ​ການ​ຈັດ​ກິດຈະກຳ​ແຂ່ງຂັນ​ນັກ​ຮ້ອງ​ສຽງ​ດີ ແລະ ກິລາ​ສະໝັກ​ຫຼິ້ນ ຂອງ​ກົມ​ໃຫຍ່​ການເມືອງ​ກອງທັບ ໂດຍ​ປະຕິບັດ​ຕາມ​ຄຳ​ສັ່ງ​ແນະນຳ​ຂອງ​ກົມ​ໃຫ​​ຍ່ການເມືອງ​ກອງທັບ ເພື່ອ​ຈັດ​ກິດຈະກຳ ຂ່ຳນັບ​ຮັບ​ຕ້ອນ​ກອງ​ປະຊຸມ​ໃຫຍ່​ຮາກ​ຖານ​ພັກ ແລະ ວັນ​ສ້າງຕັ້ງ​ພັກ​ປະຊາຊົນ​ປະຕິວັດ​ລາວ​ຄົບຮອບ 68 ປີ ແລະ ວັນ​ນັກຮົບ​ເສຍ​ອົງຄະ ແລະ ເສຍສະຫຼະ​ຊີວິດ​ເພື່ອ​ຊາດ ຄົບຮອບ 77 ປີ ໃຫ້​ມິ​​ີ​ບັນຍາກາດ​ຟົດຟື້ນ​ຢ່າງ​ຕໍ່​ເນື່ອງ, ເຊິ່ງ​ການ​ຈັດ​ກິດຈະກຳ​ແຂ່ງຂັນ​ຄັ້ງ​ນີ້​ປະກອບ 2 ມີ​ເພດ​ຄື: ການ​ແຂ່ງຂັນ​ນັກ​ຮ້ອງ​ສຽງ​ດີ ມີ 3 ລາຍການ, ເພງ​ດ່ຽວ​ມີ​ຜູ້​ເຂົ້າ​ແຂ່ງຂັນ 15 ສະຫາຍ ທີ່​ມາ​ຈາກ 15 ກົມ​ກອງ, ຂັບ​ລຳ​ທ້ອງຖິ່ນ​ມີ​ຜູ້​ເຂົ້າ​ແຂ່ງຂັນ 10 ສະຫາຍ ທີ່​ມາ​ຈາກ 10 ກົມ​ກອງ, ເພງ​ລວມ​ໝູ່​ມີ​ຜູ້​ເຂົ້າ​ແຂ່ງຂັນ 6 ຄະນະ​ມາ​ຈາກ 6 ກົມ​ກອງ, ສ່ວນ​ການ​ແຂ່ງຂັນ​ກິລາ​ມີ 2 ລາຍການ​ຄື: ບານສົ່ງ​ຊາຍ​ເຂົ້າ​ຮ່ວມ​ແຂ່ງຂັນ ມີ 18 ທີມ, ບານສົ່ງ​ຍິງ​ເຂົ້າ​ຮ່ວມ​ແຂ່ງຂັນ​ມີ 7 ທີມ. ໂອກາດ​ດຽວ​ກັນ​ນີ້, ສະຫາຍ ພົນ​ຕີ ວໍລະ​ສານ ວິລັດ​ດາ​ວົງ ກໍ​ໄດ້​ໂອ​ລົມ​ຕໍ່​ພິທີ​ເປີດ​ກິດຈະກຳ​ແຂ່ງຂັນ​ນັກ​ຮ້ອງ​ສຽງ​ດີ ແລະ ກິລາ​ສະໝັກ​ຫຼິ້ນ​ວ່າ: ໃຫ້​ແຕ່​ລະ​ສະຫາຍ ກໍ​ຄື ນັກ​ກິລາ​ເອົາໃຈໃສ່​ປະຕິບັດ​ຕາມ​ວາລະ​ເວລາ, ເອົາໃຈໃສ່​ໃນ ​ການ​ແຂ່ງຂັນ, ປະຕິບັດ​ຕາມ​ກົດ​ລະບຽບ​ກົດ​ກະຕິ​ກາ​ຢ່າງ​ເຂັ້ມ​ງວດ, ຕະຫຼອດ​ຮອດ​ຄະນະ​ກຳມະການ, ຜູ້​ຮັບຜິດຊອບ​ຈົ່ງ​ເອົາໃຈໃສ່​ມີ​ຄວາມ​ຊື່​ຕົງ​ໃນ​ການ​ໃຫ້​ຄະ ແນນ​ເພື່ອ​ເຮັດ​ໃຫ້​ກິດຈະກຳ​ຄັ້ງ​ນີ້​ເປັນ​ກິລາ​ທີ່​ສ້າງ​ບັນຍາກາດ​ມ່ວນຊື່ນ​ມີ​ຄວາມ​ຟົດຟື້ນ ແລະ ຫັດ​ແໜ້ນ​ຄວາມ​ສາມັກຄີ. ໂດຍ: ສົມ​ຄິດ ພູມ​ມີ​ຈິດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ