ກອງທັບປະຊາຊົນລາວ
 
ວັນສຸກ, ວັນທີ 24 ພຶດສະພາ 2024

  

ຍຸດ​ທະ​ສາດ​ການ​ພັດທະນາ ເຕັກ​ໂນ​ໂລ​ຊີ ຂໍ້​ມູນ​ຂ່າວສານ ແລະ ການ​ສື​່ສານ
ເວລາອອກຂ່າວ: 2023-05-16 08:49:22 | ຜູ້ຂຽນ : admin3 | ຈຳນວນຄົນເຂົ້າຊົມ: 399300680 | ຄວາມນິຍົມ:



ປັດຈຸບັນ​ປະເທດ​ຊາດ​ຂອງ​ພວກ​ເຮົາ ພວມ​ກ້າວ​ເຂົ້າ​ສູ່​ການ​ປະຕິບັດ​ແນວທາງ​ຂອງ​ພັກ​ກ່ຽວ​ກັບ​ການ​ຫັນ​ເປັນ​ອຸດສາຫະກຳ ແລະ ທັນ​ສະໄໝ ​ເຊິ່ງ​ເປັນ​ໄລ ຍະ​ແຫ່ງ​ການ​ປ່ຽນ​ຈາກ​ຄວາມ​ຮັບ​ຮູ້-ເຂົ້າໃຈ ແລະ ດຳລົງ​ຊີວິດ​ແບບ​ດັ້ງ​ເດີມ​ທີ່​ຫຼ້າຫຼັງ​ເຂົ້າ​ສູ່​ການ​ພັດທະນາ​ຊີວິດ​ທາງ​ວັດຖຸ ແລະ ຈິດໃຈທີ່​ມີ​ການຈັດຕັ້ງ​ສູງ ແລະ ຄຸນ​ນະ​ພາບ​ໃໝ່. ພວກ​ເຮົາ​ຈະ​ຕ້ອງ​ຕັ້ງໜ້າພັດ ທະນາ​ຊາວ​ໜຸ່ມ-ເຍົາວະ​ຊົນລາວ ​ບັນດາເຜົ່າ​ໃຫ້​ມີ​ຄວາມ​ສາມາດ​ ທາງ​ດ້ານ​ວັດທະນະທຳ, ວິທະຍາ ສາດ​ເຕັກນິກ, ເຕັກ​ໂນ​ໂລ​ຊີ, ມີ​ສຸຂະພາບ​ຈິດ ແລະ ຮ່າງກາຍ​ທີ່​ເຂັ້ມແຂງ, ມີ​ຄວາມ​ມັກ ຄວາມ​ນິຍົມ​ທີ່​ຖືກຕ້ອງ ເພື່ອ​ສະໜອງ​ເຂົາເຈົ້າ​ໃຫ້​ແກ່​ພາກສ່ວນ​ເສດ ຖະກິດ​ຕ່າງໆ ທີ່​ກຳລັງ​ຕັ້ງໜ້າ​ເຂົ້າ​ໃນ​ການ​ພັດທະນາ​ປະເທດ​ຊາດ​ຂອງ​ພວກ​ເຮົາ. ໃນ​ການ​ພັດທະນາຈະ​ຕ້ອງ​ໄດ້​ເອົາໃຈໃສ່​ແກ້​ໄຂ​ບັນຫາ​ປະກົດ​ການ​ຫຍໍ້ທໍ້​ຕ່າງໆ. ພຶດຕິ​ກຳ​ຕົວ​ຈິງ​ໃນ​ໄລຍະ​ຜ່ານ​ມາ​ນັ້ນ, ໄດ້​ພິສູດ​ໃຫ້​ເຫັນ​ວ່າ​ບັນຫາ​ແນວທາງ​ລວມ, ແຜນນະ ໂຍບາຍ​ລະອຽດ​ທີ່​ພັກ​ເຮົາ​ວາງ​ ອອກ​ນັ້ນ​ແມ່ນ​ຖືກຕ້ອງ​ເປັນ​ທຳ ແລະ ສອດຄ່ອງ​ກັບ​ສະພາບ​ຄວາມ​ເປັນ​ຈິງ. ຍຸດ​ທະ​ສາດ​ການ​ພັດທະນາເຕັກ​ໂນ​ໂລ​ຊີຂໍ້​ມູນ​ຂ່າວ ສານ ແລະ ການ​ສື​ສານ ຫຼື ​ເອີ້ນ​ວ່າ ICT (Information an Commu nication Technology) ເພື່ອ​ຫາ​ແນວ​ຄິດ ແລະ ຍຸດ​ທະ​ສາດ​ທີ່​ກ່ຽວ​ກັບເຕັກ​ໂນ​ໂລ​ຊີຂໍ້​ມູນ​ຂ່າວສານ ແລະ ການ​ສື​ສານ ເພື່ອ​ພັດທະນາ​ປະເທດ​ຊາດ ເພື່ອ​ກ້າວ​ເຂົ້າ​ສູ່​ລະບົບ​ເສດຖະກິດ ແລະ ສັງຄົມ​ແຫ່ງ​ປັນຍາ ແລະ ການ​ຮຽນ​ຮູ້. ປັດຈຸບັນ​ນີ້ ​ສປປ ລາວ ​ຫາ​ກໍ​ເລີ່ມ​ການ ICT ເປັນ​ຈຳນວນ​ໜ້ອຍ ແລະ ກະ​ແຈກ​ກະ ຈາຍ​ຍັງ​ຂາດແຄນ​ພະລັງງານ​ແຫ່ງ​ການ​ນຳ​ໃຊ້​ເພື່ອ​ໃຫ້​ເກີດ​ປະ ໂຫຍດ​ແກ່​ສັງຄົມ ຫຼື ກຽມ​ຕົວ​ເຮົາ​ເອງ​ເຂົ້າ​ສູ​ສັງຄົມ​ແຫ່ງ​ການ​ຮຽນ​ຮູ້​ສັງຄົມ​ຖານ​ຄວາມ​ຮູ້​ຢ່າງ​ເປັນ​ລະບົບ​ຍັງ​ບໍ່​ໄດ້​ດຽວນີ້ ຍຸດ​ທະ​ສາດ​ທີ່​ຈະ​ເວົ້າ​ກັນ​ຈະ​ໃຊ້​ເວລາ​ຫຼາຍ​ປີ​ໃຫ້​ເກີດ​ປະໂຫຍດ​ສູງ​ສຸດ​ເພື່ອ​ຈະ​ນຳໄປ​ສູ່​ການ​ລວມ​ເອົາ​ສະ ໝອງ​ເພື່ອ​ມາ​ຄົ້ນ​ຄິດ ແລະ ສິ່ງ​ທີ່​ຈະ​ໄດ້​ເພື່ອ​ນຳໄປ​ເປັນ​ສວນ​ໜຶ່ງ​ຂອງ​ໜ້າທີ່​ການ​ງານ. ເຕັກ​ໂນ​ໂລ​ຊີ ຂໍ້​ມູນ​ຂ່າວສານ ແລະ ການ​ສື​ສານມີ​ຄວາມ​ສຳຄັນ​ຫຼາຍ​ເພາະວ່າ​ໂລກ​ຕໍ່ໜ້າ​ທຸກ​ຢ່າງ​ຈະ​ມາ​ວົນ​ຢູ່​ທີ່ ICT ຄວາມ​ຮູ້​ທຸກ​ຢ່າງ​ຈະ​ກ້າວ​ເຂົ້າ​ໄປ​ກັບ​ຄວາມ​ຮູ້​ທາງ​ຄອມ​ພິວ​ເຕີ ແລະ ການ​ສື​່ສານເປັນ​ສ່ວນ​ຫຼາຍ​ບໍ່​ວ່າ​ຈະ​ເປັນ​ເລື່ອງ​ຂອງ​ຊີວິດ​ປະຈຳ​ວັນ ອິນ​ເຕີ​ເນັດ ເຮັດ​ໃຫ້​ຊີວິດ​​ປ່ຽນ​ໄປ​ຫຼາຍວິທີ​ການ​ສື​ສານ, ປ່ຽນ​ໄປ, ວິທີ​ການ​ບໍລິໂພກ​ປ່ຽນ​ໄປ ແລະ ວິທີ​ການ​ຮຽນ​ຮູ້​ປ່ຽນ​ໄປ ເພາະສະນັ້ນ​ຄວາມ​ສຳຄັນ​ເຫຼົ່າ​ນີ້, ຈຶ່ງ​ຈຳເປັນ​ຢ່າງ​ຍິ່ງ​ໂດຍ​ສະເພາະ​ປະເທດ​ເຮົາ​ຈະ​ເອີ້ນ​ວ່າ ປະເທດ​ກຳລັງ​ພັດທະນາ​ຈຳເປັນ​ຕ້ອງ​ມາ​ຈົດ​ລະບຽບ, ຈັດ​ລະບົບ ແລະ ຈັດ​ຂະ​ບວນ​ການ​ທີ່​ຈະ​ໃຊ້​ປະໂຫຍດ​ຈາກ ICT ນີ້​ໃຫ້​ເຂົ້າ​ເຖິງ​ຄົນ​ ສ່ວນ​ຫຼາຍ​ໃຫ້​ໄດ້ ເພາະວ່າ​ຄວາມ​ຮູ້ ແລະ ຄວາມ​ບໍ່​ຮູ້​ກໍ່ໃຫ້ເກີດ​ຊ່ອງ​ຫວ່າງ​ຂອງ​ເສດຖະກິດ​ໂດຍ​ສະ ເພາະ​ເສດຖະກິດ​ຖານ​ຄວາມ​ຮູ້. ສິ່ງ​ທີ່​ຍາກ​ສຸດ ເຮົາ​ບໍ່​ມີ​ຖານ​ຂໍ້​ມູນ ​ທີ່​ທັນ​ເຫດການ​ທີ່​ຖືກຕ້ອງ​ຊັດ​ເຈນ, ທັນ​ເວລາ​ນີ້​ແມ່ນ​ບັນຫາ​ຂໍ້​ມູນ​ຂອງ​ເຮົາ​ຍັງ​ບໍ່​ມີ​ຄຸນ​ນະ​ພາບ​ຫຼັງ​ຈາກ​ນັ້ນ ຍັງ​ຈະ​ເອົາ​ຂໍ້​ມູນ​ມາ​ທຳ​ການ​ວິເຄາະ​ເພື່ອ​ນຳໄປ​ໃຊ້​ກັບ​ເລື່ອງ​ນັ້ນໆ. ຮຽບ​ຮຽງ​ໂດຍ: ບຸນ​ຊ້ອຍ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ