ກອງທັບປະຊາຊົນລາວ
 
ວັນເສົາ, ວັນທີ 25 ພຶດສະພາ 2024

  

ປະກາດ​ບ້ານ​ດອນ​ສຳພັນ ແລະ ບ້ານນ້ຳ​ຍີງ ແຂວງ​ໄຊ​ສົມບູນ ເປັນ​ບ້ານ​ປ້ອງ​ກັນ​ຊາດ​ເຂັ້ມແຂງ
ເວລາອອກຂ່າວ: 2023-05-17 08:21:27 | ຜູ້ຂຽນ : admin1 | ຈຳນວນຄົນເຂົ້າຊົມ: 399300673 | ຄວາມນິຍົມ:



ລະຫວ່າງ​ວັນ​ທີ 10-11 ພຶດ ສະພາ 2023, ເມືອງ​ລ້ອງ​ຊານ ແຂວງ​ໄຊ​ສົມບູນ ໄດ້​ປະກາດ​ບ້ານ ​ດອນ​ສຳພັນ ແລະ ບ້ານນ້ຳ​ຍີງ ເມືອງ​ລ້ອງ​ຊານ ເປັນ​ບ້ານປ້ອງ​ ກັນ​ຊາດ​ເຂັ້ມແຂງ ບ້ານ​ທີ 7-8 ຂອງ​ເມືອງ​ລ້ອງ​ຊານ ແລະ ເປັນ​ບ້ານທີ 33-34 ຂອງ​ແຂວງ​ໄຊ​ ສົມບູນ. ໂດຍ​ການ​ເປັນ​ປະທານ​ ຂອງ ສະຫາຍ ບຸນ​ກອງ ຊົງ​ປ່າ​ຢີ້ງເຈົ້າເມືອງ ເມືອງລ້ອງ​ຊານ, ມີ​ສະຫາຍ ພັນ​ໂທ ສີງ​ຄຳ ລໍ່​ເຊຍ​ຟົງ ຮອງຫົວໜ້າ​ຫ້ອງ​ການເມືອງ ກອງ​ບັນຊາ​ການ​ທະ​ຫານ​ແຂວງ ໄຊ​ສົມບູນ, ມີຄະນະ​ພັກ-ຄະນະ​ບັນຊາ ກອງ​ປະຕິບັດ​ງານ 209, ຫ້ອງການ​ຄະນະ​ກຳມະການ ​ປກຊ-​ປກສ, ກອງ​ບັນຊາ​ການ​ທະຫານ​ເມືອງ​ລ້ອງ​ຊານ, ພະແນກການ ພ້ອມ​ດ້ວຍອຳນາດ​ການ​ປົກຄອງ​ທ້ອງຖິ່ນ ເຂົ້າ​ຮ່ວມ. ອຳນາດ​ການ​ປົກຄອງ​ທັງ ສອງບ້ານ ໄດ້​ລາຍ​ງານ​ສະພາບ​ການ​ຂອງ​ບ້ານ ໄລຍະ​ຜ່ານ​ມາ ປະຊາຊົນ​ທັງສອງບ້ານ ມີການ ເມືອງ-ແນວ​ຄິດໜັກແໜ້ນ, ຄວາມ​ສາມັກຄີ, ຊ່ວຍເຫຼືອ​ເຊິ່ງ​ກັນ ແລະ ກັນ, ຕັ້ງໜ້າ​ປະກອບ​ສ່ວນ​ເຂົ້າ​ໃນ​ວຽກ​ງານ​ລວມ​ຂອງ​ບ້ານ ກໍ​ຄືພັກ-ລັດວາງ​ອອກ, ເປັນຕົ້ນ​ວຽກ​ງານ ​ປກຊ-​ປກສ ຕອບ​ຕ້ານ​ທຸກ​ປະກົດ​ການ​ຫຍໍ້ທໍ້, ບໍ່​ຫຼົງ​ເຊື່ອ​ຕໍ່​ກົນອຸບາຍ​ຫັນປ່ຽນ​ໂດຍ​ສັນຕິ​ຂອງ​ສັດ​ຕູ, ປະຊາຊົນ​ໄດ້​ດຳລົງ​ຊີວິດ​ທຳ​ມາ​ຫາ​ກິນໄປ ມາຫາສູ່​ກັນ​ດ້ວຍ​ຄວາມ​ສະດວກ, ປະຕິບັດ​ບັດ​ດາ​ຄຳ​ສັ່ງ, ມະຕິ​ຕົກ​ລົງ ຂໍ້​ກຳນົດ, ​ກົດ​ລະບຽບ​ຕ່າງໆເປັນ​ຢ່າງ​ດີ. ປະຊາຊົນ​ສ່ວນ​ຫຼາຍ​​ ແມ່ນ​ມີ​ອາຊີບ​ຄ້າຂາຍ, ເຮັດ​ກະສິກຳ, ປູກ​ຢາງພາລາ ແລະ ອື່ນໆ. ປັດ ຈຸບັນ​ປະຊາຊົນ​ໄດ້​ມີ​ຊີວິດ​ການ​ເປັນ​ຢູ່​ຂຶ້ນ​ເຖິງ 70-80% ຄອບຄົວ​ປະຊາຊົນ​ຫຼຸດ​ພົ້ນ​ຈາກ​ຄວາມທຸກ​ຍາກ ມີ​ເສດຖະກິດ​ຄອບຄົວ​ເຕີບ​ໃຫຍ່​ຂະຫຍາຍຕົວ​ດີ. ໂດຍ: ພຸດ​ທະ​ພອນ ລັດດາ​ນາວ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ