ວັນເສົາ, ວັນທີ 12 ຕຸລາ 2024
ຂະບວນລົດໄຟໂດຍສານສາກົນ ລາວ-ຈີນ ເປີດການບໍລິການຄົບຮອບ 1 ເດືອນ ໄດ້ຂົນສົ່ງຜູ້ໂດຍສານຂ້າມຊາຍແດນຫຼາຍກວ່າ 1 ໝື່ນເທື່ອຄົນ
ເວລາອອກຂ່າວ: 2023-05-17 08:36:45 | ຜູ້ຂຽນ : admin3 | ຈຳນວນຄົນເຂົ້າຊົມ: 399302089 | ຄວາມນິຍົມ: 
ນັບມາຮອດວັນທີ 13 ພຶດ ສະພານີ້, ຂະບວນລົດໄຟໂດຍ ສານສາກົນ ລາວ-ຈີນ ໄດ້ເປີດການບໍລິການຄົບຮອບ 1 ເດືອນແລ້ວ, ປະລິມານການຂົນສົ່ງຜູ້ ໂດຍສານຂ້າມຊາຍແດນໄດ້ບັນລຸຫຼາຍກວ່າ 1 ໝື່ນເທື່ອຄົນ ເຊິ່ງໄດ້ເສີມຂະຫຍາຍບົດບາດທີ່ພົ້ນເດັ່ນໃນຖານະທີ່ເປັນເສັ້ນທາງໃຫຍ່ລະດັບສາກົນ.
ການເປີດລົດໄຟໂດຍສານສາ ກົນ ລາວ-ຈີນ ໃນວັນທີ 13 ເມ ສາຜ່ານມາ ໄດ້ຮັບຄວາມຊົມ ເຊີຍຈາກປະຊາຊົນຂອງສອງປະເທດຈີນ ແລະ ລາວ, ນັບແຕ່ໄດ້ເປີດການບໍລິການເປັນເວລາ 1 ເດືອນມານີ້, ການຂົນສົ່ງຂ້າມ ຊາຍແດນຂອງທາງລົດໄຟ ຈີນ-
ລາວ ໄດ້ມີທ່າອ່ຽງທີ່ດີໃນດ້ານ ການຂົນສົ່ງຜູ້ໂດຍສານ ແລະ ວັດຖຸສິນັັຄ້າ ເຊິ່ງບໍ່ພຽງແຕ່ໄດ້ ສ້າງຄວາມສະດວກໃຫ້ແກ່ປະ ຊາຊົນຢູ່ລຽບຕາມເສັ້ນທາງລົດ ໄຟໃນການອອກເດີນທາງ ແລະຊຸກຍູ້ການພັດທະນາຂະແໜງການທ່ອງທ່ຽວຂອງສອງປະ ເທດເທົ່ານັ້ນ, ຫາກຍັງມີຄວາມໝາຍອັນສຳຄັນທີ່ສຸດຕໍ່ການຊຸກ ຍູ້ການໄປມາຫາສູ່ກັນດ້ານເສດ ຖະກິດການຄ້າລະຫວ່າງສອງປະເທດ ແລະ ການພັດທະນາທີ່ມີຄຸນນະພາບສູງໃນການຮ່ວມ
ກັນສ້າງ “ໜຶ່ງແລວໜຶ່ງເສັ້ນ ທາງ” ອີກດ້ວຍ. ນັບແຕ່ໄດ້ເປີດການບໍລິການເປັນເວລາ 1 ເດືອນມານີ້, ຜູ້ໂດຍສານທີ່ເຂົ້າອອກເມືອງນັບມື້ນັບເພີ່ມຂຶ້ນ, ຈຳນວນຜູ້ໂດຍສານທີ່ຜ່ານດ່ານຕໍ່ມື້ໄດ້ຈາກປະມານ 370 ຄົນຕໍ່ມື້ໃນອາທິດທຳອິດຫຼັງການເປີດການບໍລິການເພີ່ມຂຶ້ນເປັນປະມານ 490 ຄົນຕໍ່ມື້ໃນປັດຈຸບັນ. ພາກສ່ວນທາງລົດໄຟໄດ້ເປີດການນຳໃຊ້ຂະບວນລົດ ໄຟຖ້ຽວໄປກັບທັງໝົດ 30 ຄູ່, ອັດຕາຖືກໂມງຂອງລົດໄຟບັນລຸເຖິງ 100%. ພາກສ່ວນດ່ານກວດກາຊາຍແດນ ແລະ ດ່ານພາສີແຂວງຢູນນານໄດ້ກວດກາຂະບວນລົດໄຟເຂົ້າອອກເມືອງທັງໝົດ 60 ຖ້ຽວ, ກວດກາ ແລະ ອະນຸຍາດໃຫ້ຜູ້ໂດຍສານຈາກ 28 ປະເທດໃນໂລກເຂົ້າອອກເມືອງຈີນ 13.310 ເທື່ອຄົນ, ໃນນັ້ນ, ຈຳນວນຄົນເຂົ້າເມືອງ 7.024 ເທື່ອຄົນ, ອອກເມືອງ 6.286 ເທື່ອຄົນ, ຈຳນວນຄົນເຂົ້າເມືອງຫຼາຍກວ່າຄົນອອກເມືອງ 11,7%.
ໂດຍ: ຈັນທະວົງ ອຸ່ນວິໄລຫົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
