ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ຄະນະ​ກວດກາ​ສູນ​ກາງ​ພັກ ແລະ ອົງການ​ກວດກາ​ແຫ່ງ​ລັດ ຈັດ​ຕັ້ງກອງ​ປະຊຸມ​ ເປີດ​ຂະ​ບວນ​ການ​ແຂ່ງຂັນ-ຍ້ອງຍໍ ຮັກ​ຊາດ ແລະ ພັດທະນາ
ເວລາອອກຂ່າວ: 2023-05-17 08:37:31 | ຜູ້ຂຽນ : admin3 | ຈຳນວນຄົນເຂົ້າຊົມ: 399300375 | ຄວາມນິຍົມ:



ໃນ​ວັນ​ທີ 11 ພຶດສະພາ 2023, ຄະນະ​ກວດກາ​ສູນ​ກາງ​ພັກ ແລະ ອົງການ​ກວດກາ​ແຫ່ງ​ລັດ ຈັດຕັ້ງ​ກອງ​ປະຊຸມ​ເປີດ​ຂະ​ບວນ​ການ​ແຂ່ງຂັນ-ຍ້ອງຍໍ ຮັກ​ຊາດ ແລະ ພັດທະນາ, ພາຍໃຕ້​ ການ​ເປັນ​ປະທານ​ຂອງ ທ່ານ ຄຳ​ພັນ ພົມ​ມະ​ທັດ ກຳມະການ​ ກົມ​ການ​ເມືອ​ສູນກາງພັກ, ເລ ຂາທິການ​ສູນ​ກາງ​ພັກ, ປະທານ ຄະນະກວດກາສູນ​ກາງພັກ, ປະທານ​ອົງການ​ກວດກາແ​ຫ່ງ​ ລັດ ແລະ ຫົວໜ້າ​ອົງການ​ຕ້ານ​ ການ​ສໍ້​ລາດບັງ​ຫຼວງ​ຂັ້ນ​ສູນ​ກາງ, ໂດຍ​ມີ​ບັນດາ​ທ່ານ​ຮອງ​ປະທານ​ຄະນະ​ກວດກາ​ສູນ​ກາງ​ພັກ ແລະ ອົງການ​ກວດກາ​ແຫ່ງ​ລັດ, ຄະນະ​ພັກ, ຄະນະ​ນຳ, ພ້ອມ​ດ້ວຍ​ພະນັກ ງານ-ລັດຖະກອນ​ທົ່ວ​ອົງການ​ເຂົ້າ​ຮ່ວມ. ໃນ​ກອງ​ປະຊຸມ​ໄດ້​ຮັບ​ຟັງ​ການ​ເຜີຍແຜ່​ມະຕິ​ຕົກລົງ​ຂອງ​ກົມ​ການເມືອງ​ສູນ​ການ​ພັກ ວ່າ​ດ້ວຍ​ການ​ເພີ່ມ​ທະວີ​ວຽກ​ງານ​ແຂ່ງຂັນ-ຍ້ອງຍໍ​ໃນ​ໄລຍະ​ໃໝ່ ສະບັບ​ເລກ​ທີ 01/​ກມສພ, ລົງ​ວັນ​ທີ 7 ມັງກອນ 2010 ພາຍ​ໃຕ້​ຄຳ​ຂວັນ​ຮັກ​ຊາດ ແລະ ພັດທະນາ; ລັດ​ຖະ​ດຳລັດ​ປະທານ​ປະເທດ ວ່າ ​ດ້ວຍ​ການ​ເປີດ​ຂະ​ບວນ​ການ​ແຂ່ງ ຂັນ-ຍ້ອງຍໍ ທົ່ວ​ປະເທດ​ໃນ​ໄລຍະ​ໃໝ່ ສະບັບ​ເລກ​ທີ 011/​ປປທ, ລົງ​ວັນ​ທີ 20 ມັງກອນ 2010; ແຈ້ງ​ການ​ຂອງ​ຄະນະ​ຊີ້​ນຳ​ລະ ດັບ​ຊາດ​ກ່ຽວ​ກັບ​ການ​ແຂ່ງຂັນ-ຍ້ອງຍໍ ຮັກ​ຊາດ ແລະ ພັດທະນາ ສະບັບ​ເລກ​ທີ 01/​ຄຊຂຍ; ລົງ​ວັນ​ທີ 31 ຕຸລາ 2022; ຂໍ້​ຕົກລົງ​ຂອງ​ຄະນະ​ຊີ້​ນຳ​ການ​ແຂ່ງຂັນ-ຍ້ອງຍໍ ຮັກ​ຊາດ ແລະ ພັດທະນາ ຂອງ ​ຄກສພ-​ອກຫລ ສະບັບ​ເລກ​ທີ 87/​ຄກສພ, ລົງ​ວັນ​ທີ​​30 ມີນາ 2023 ວ່າ​ດ້ວຍ​ການ​ຮັບຮອງ​ເອົາ​ເນື້ອ​ໃນ​ແຂ່ງຂັນ ແຕ່​ນີ້​ຮອດ​ປີ 2026 “3 ໜ້າທີ່, 12 ຂໍ້​ປະຕິບັດ​ຄື: 1. ການ​ປະຕິບັດ​ໜ້າທີ່​ການເມືອງ: ເຮັດ​ວຽກ​ບໍ່​ຊ້າ, ແກ້​ໄຂ​ບັນຫາ​ໄດ້​ຫຼາຍ, ອະທິບາຍ​ປະເດັນ​ບັນຫາ​ໃຫ້​ຈະແຈ້ງ, ທຸກ​ຂໍ້​ລະ​ແວງ​ແກ້​ຕົກ; 2. ການ​ພັດ ທະນາ​ຕົນ​ເອງ: ຮຽນ​ຮູ້​ໄດ້​ໄວ, ແກ້​ໄຂ​ຈຸດ​ອ່ອນ​ໄດ້​ດີ, ໜີ​ຫ່າງ​ຄວາມ​ຜິດພາດ, ບໍ່​ປະ​ໝາດ​ເວລາ​ ປະພຶດ​ຕົນ; 1, ການ​ປັບປຸງ​ການ ຈັດຕັ້ງ: ລະບຽບ​ການ​ໜັກ​ແໜ້ນ, ວາງ​ແຜນ​ມີ​ຈຸດ​ສຸມ, ຄຸມ​ງານ​ຈົນ​ເກີດ​ຜົນສຳເລັດ, ຄົນ​ເຮັດ​ດີ​ຕ້ອງ​ສົ່ງເສີມ ແລະ ຍ້ອງຍໍ; ຂໍ້​ຕົກລົງ​ຂອງ​ຄະນະ​ຊີ້​ນຳ​ລະດັບ​ຊາດ ການ​ແຂ່ງຂັນ-ຍ້ອງຍໍ ສະບັບ​ເລກ​ທີ 51/​ຄຊຍຂ, ລົງ​ວັນ​ທີ 20 ຕຸລາ 2022, ວ່າ​ດ້ວຍ​ການ​ແຕ່ງຕັ້ງຄະ ນະ​ຊີ້​ນຳ​ການ​ແຂ່ງຂັນ-ຍ້ອງຍໍ ຮັກ​ຊາດ ແລະ ພັດທະນາຂອງ ​ຄກສພ-​ອກຫລ; ຈາກ​ນັ້ນ​ບັນ​ ທ່ານຫົວໜ້າ​ຫ້ອງການ, ຫົວໜ້າ​ ກົມ, ຕາງໜ້າ​ກົມ, ອົງ​ການຈັດ ຕັ້ງ​ມະຫາຊົນໄດ້​ຂຶ້ນ​ຈັບ​ມື​ແຂ່ງ ຂັນ​ເຊິ່ງ​ກັນ ​ແລະ​ ກັນ. ທ່ານ ຄຳ​ພັນ ພົມ​ມະ​ທັດ ໄດ້​ສະແດງ​ຄວາມ​ຊົມເຊີຍ​ຕໍ່​ຄະນະ​ຮັບຜິດຊອບ​ທີ່​ໄດ້​ເອົາໃຈໃສ່​ໃນ​ການ​ຄົ້ນຄວ້າ​ມາດ​ຕະການ​ຕ່າງໆ​ພ້ອມ​ທັງ​ມີ​ບາງ​ຄຳ​ເຫັນ​ໂອ້​ລົມ​ຕໍ່​ຄະນະ​ພັກ, ຄະນະ​ນຳຕະຫຼອດ​ຮອດ​ສະມາຊິກ​ພັກ-ພະນັກງານ​ທົ່ວ​ອົງການ​ ໂດຍ​ໄດ້​ເນັ້ນ​ໃຫ້ຄະ​ພັກ, ຄະນະ​ກົມ, ໜ່ວຍ​ງານ, ອົງ​ການຈັດຕັ້ງ​ມະຫາຊົນ​ກໍ​ຄື​ແຕ່​ບຸກຄົນ​ໃຫ້​ເອົາໃຈໃສ່​ປະຕິບັດ​ວຽກ​ງານ​ຂອງ​ຕົນ​ເອງ​ທີ່​ໄດ້ຮັບ ຜິດຊອບ ແລະ ທຽບໃສ່ 3 ໜ້າ ທີ່ 12 ຂໍ້​ປະຕິບັດທີ່​ໄດ້​ກຳນົດ​ໄວ້​ໃນ​ເນື້ອ​ໃນ​ຂໍ້​ແຂ່ງຂັນ​ຮັກຊາດ ແລະ ພັດທະນາ ແລະ 3 ໜ້າທີ່ ທີ່​ຕ້ອງ​ໄດ້​ສຸມ​ໃສ່​ຈັດ​ຕັ້ງ​ປະຕິບັດ, ວາງ​ເປົ້າ​ໝາຍ, ວາງ​ຄາດໝາຍ​ປະຕິບັດ​ວຽກ​ງານ​ຕົວ​ຈິງ, ຖື​ເປັນ ​ ວຽກ​ງານ​ທີ່​ຕ້ອງ​ໄດ້​ມີ​ການຕິດ ຕາມ, ກວດກາ​ຊຸກຍູ້​ເປັນ​ປະຈຳ​ ເລຂາ​ຄະນະ​ພັກ, ຄະນະ​ປະຈຳ ແລະ ບັນດາ​ສະຫາຍ​ກຳມະການ ​ ພັກ​ຢູ່​ແຕ່​ລະ​ກົມ​ແຕ່​ລະ​ອົງ​ການ ຈັດຕັ້ງ​ຕ້ອງ​ຕິດຕາມ, ກວດກາ​ຊຸກຍູ້​ເປັນ​ປະຈຳ​ເອົາ​ການ​ປະຊຸມ​ເອົາ​ການ​ຊີ້​ນຳ​ເພື່ອ​ປະ​ເມີນ, ດັດ ແປງ​ແກ້​ໄຂ​ໃຫ້​ທັນ​ການ​ຖື​ເປັນ​ເນື້ອ​ໃນ​ການ​ຕີ​ລາຄາ​ປຶກສາ​ຫາລື​ນຳພາ​ຈັດ​ຕັ້ງ​ປະຕິບັດ​ຂອງ​ໜ່ວຍ​ພັກ, ຫົວໜ່ວຍ​ບໍລິຫານ​ຕ່າງໆ, ເອົາ​ຂໍ້​ແຂ່ງຂັນ​ແຕ່​ລະ​ເດືອນ​ໄປ​ປະ​ເມີນ​ຜັນ​ຂະຫຍາຍ​ວຽກ​ງານ, ປຸກ ລະດົມ​ສົ່ງເສີມ​ວຽກ​ດີ​ຄົນ​ເດັ່ນ, ມີ​ການຈັດຕັ້ງ​ຕີ​ລາຄາ​ສະຫຼຸບ​ຕາມ​ເນື້ອ​ໃນ​ວຽກ​ງານ​ທີ່​ວາງ​ອອກ​ອີງ​ຕາມ​ເນື້ອ​ໃນ​ຄາດໝາຍ​ທີ່​ວາງ​ໄວ້​ເພື່ອ​ໃຫ້​ມີ​ການ​ພັດທະນາ​ທີ່​ດີ​ຂຶ້ນ​ກວ່າ​ເກົ່າ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ