ວັນອັງຄານ, ວັນທີ 03 ທັນວາ 2024
ໂຮງໝໍສູນກາງ 103 ກອງທັບ ສະຫຼຸບຕີລາຄາການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ສົກປີ 2022-2023
ເວລາອອກຂ່າວ: 2023-06-08 15:08:56 | ຜູ້ຂຽນ : admin2 | ຈຳນວນຄົນເຂົ້າຊົມ: 480 | ຄວາມນິຍົມ: 
ວັນທີ 06 ມິຖຸນາ 2023 ນີ້, ໂຮງໝໍສູນກາງ 103 ກອງທັບ ໄດ້ສະຫຼຸບຕີລາຄາການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ສົກປີ 2022-2023, ໂດຍການເປັນປະທານຂອງ ສະຫາຍ ພົນຈັດຕະວາ ປອ ຈັນສະໝອນ ມະຫາວົງ ກໍາມະການຄະນະພັກ ອົງການກົມໃຫຍ່ພະລາທິການກອງທັບ ຫົວໜ້າການທະຫານ ວິທະຍາຄານການແພດກອງທັບ, ມີຄະນະພັກໂຮງໝໍ, ຄະນະຮັບຜິດຊອບກວດກາຕີລາຄາໜ່ວຍພັກປອດໃສ ເຂັ້ມແຂງ ໜັກແໜ້ນ, ຄະນະພັກຮາກຖານ, ຄະນະໜ່ວຍພັກເອກະລາດ, ຄະນະໜ່ວຍພັກທີ່ຂຶ້ນກັບຮາກຖານ ແລະ ຫົວໜ້າຈຸພັກທົ່ວໂຮງໝໍສູນກາງ 103 ກອງທັບ ເຂົ້າຮ່ວມ.
ສະຫາຍ ພັນເອກ ນາງ ມາລີວອນ ສຸລິຍະແສງ ເລຂາຄະນະພັກ ຫົວໜ້າການເມືອງ ໂຮງໝໍສູນກາງ 103 ກອງທັບ ໄດ້ຜ່ານບົດສະຫຼຸບຕີລາຄາການກໍ່ສ້າງ ໜ່ວຍພັກປອດໃສ ເຂັ້ມແຂງ ໜັກແໜ້ນ ສົກປີ 2022-2023 ເຊິ່ງຄະນະບໍລິຫານງານພັກໂຮງໝໍສູນກາງ 103 ກອງທັບ ໄດ້ສຶກສາອົບຮົມສະມາຊິກພັກ, ນາຍ ແລະ ພົນທະຫານ, ແພດໝໍ ຕາມແນວທາງນະໂຍບາຍຂອງພັກ-ລັດ ວາງອອກໃນແຕ່ລະໄລຍະ ເປັນຕົ້ນແມ່ນມະຕິກອງປະຊຸມໃຫຍ່ຄັ້ງທີ XI ຂອງສູນກາງພັກ, ມະຕິກອງປະຊຸມໃຫຍ່ ຄັ້ງທີ V ຂອງຄະນະພັກກະຊວງປ້ອງກັນປະເທດວາງອອກ ກໍຄື 4 ໜ້າທີ່ໃຫຍ່ 26 ແຜນງານ, ເຊື່ອມຊຶມມູນເຊື້ອຂອງຊາດ, ຂອງກອງທັບ ແລະ ມະຕິຄໍາສັ່ງ, ເອກະສານສໍາຄັນຕ່າງໆທີ່ຂັ້ນເທິງສົ່ງໃຫ້ ຜ່ານການເຊື້ອມຊຶມ ເຮັດໃຫ້ສະມາຊິກພັກ, ພະນັກງານ-ນັກຮົບ ແຕ່ລະສະຫາຍມມີຄວາມຮັບຮູ້, ເຂົ້າໃຈເປັນເອກະພາບ, ມີຫຼັກໝັ້ນການເມືອງໜັກແໜ້ນ, ຮູ້ຈໍາແນກມິດ, ສັດຕູຢ່າງຈະແຈ້ງ, ຄະນະພັກ ໄດ້ເອົາໃຈໃສ່ປັບປຸງກໍ່ສ້າງສະມາຊິກພັກ, ພະນັກງານ-ນັກຮົບ ໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ ເປັນວຽກສໍາຄັນ ແລະ ສອດຫ້ອຍເຂົ້າໃນທຸກຂົງເຂດວຽກງານ ຢ່າງເປັນລະບົບຕໍ່ເນື່ອງ ແລະ ໄດ້ປັບປຸງກໍ່ສ້າງປະຕິບັດຕາມ 5 ຫຼັກການ 3 ທິດນໍາ ເຮັດໃຫ້ຄະນະພັກ, ສະມາຊິກພັກມີຄວາມປອດໃສ, ເຂັ້ມແຂງ, ໜັກແໜ້ນ ແລະ ມີວິໄນ. ໂຮງໝໍສູນກາງ 103 ກອງທັບ ສາມາດຕີລາຄາແບ່ງປະເພດການຈັດຕັ້ງພັກ ແລະ ສະມາຊິກພັກໄດ້ຄື: ໜ່ວຍພັກເອກກະລາດໄດ້ປະເພດແຂງ 1 ໜ່ວຍ ເທົ່າກັບ 50%, ປະເພດກາງ 1 ໜ່ວຍ ເທົ່າກັບ 50%, ໜ່ວຍພັກທີ່ຂຶ້ນກັບຄະນະພັກຮາກຖານໄດ້ປະເພດແຂງ 33 ໜ່ວຍ ເທົ່າກັບ 76,74%, ປະເພດກາງ ໜ່ວຍ ເທົ່າກັບ 20,93%, ປະເພດອ່ອນ 1 ໜ່ວຍ ເທົ່າກັບ 2,33%, ສະເໜີຮັບຮອງໜ່ວຍພັກປອດໃສ ເຂັ້ມແຂງ ໜັກແໜ້ນ ສະໄໝທີ V ມີ 9 ໜ່ວຍພັກ, ສະໄໝທີ IV ມີ 4 ໜ່ວຍພັກ, ສະໄໝທີ III ມີ 6 ໜ່ວຍພັກ, ສະໄໝທີ II ມີ 9 ໜ່ວຍພັກ, ສະເໜີຮັບຮອງໜ່ວຍພັກປອດໃສ ເຂັ້ມແຂງ ໜັກແໜ້ນ ໃໝ່ ມີ 6 ໜ່ວຍພັກ, ສະມາຊິກພັກປະເພດແຂງ ເທົ່າກັບ 85,58%, ສະມາຊິກພັກປະເພດກາງ 5,87%, ສະມາຊິກພັກປະເພດອ່ອນ ເທົ່າກັບ 0,11%, ສະມາຊິກພັກເສຍທາດ ບໍ່ມີ, ບໍ່ໄດ້ແບ່ງປະເພດ ເທົ່າກັບ 8,44%.
ໂອກາດນີ້, ສະຫາຍປະທານ ໄດ້ສະແດງຄວາມຍ້ອງຍໍຊົມເຊີຍ ແລະ ເນັ້ນໜັກໃຫ້ຄະນະພັກ-ຄະນະບັນຊາສືບຕໍ່ເຊື່ອມຊຶມກໍາແໜ້ນແນວທາງນະໂຍບາຍຂອງພັກ, ກົດໝາຍຂອງລັດ, ປະຕິບັດໄດ້ 4 ໜ້າທີ່ໃຫຍ່ 26 ແຜນງານຂອງກອງທັບວາງອອກ, ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດໃຫ້ພະນັກງານ-ນັກຮົບ, ຍົກສູງນໍ້າໃຈຄວາມຮັບຜິດຊອບ, ມີຄວາມເອກະພາບສູງພາຍໃນຄະນະ, ມີແບບແຜນວິທີເຮັດວຽກ, ເປັນເຈົ້າການໃນການປະຕິບັດໜ້າທີ່ວຽກງານ, ແບ່ງໜ້າທີ່ໃຫ້ບຸກຄົນຮັບຜິດຊອບຢ່າງຈະແຈ້ງ ເພື່ອພ້ອມກັນເຮັດສໍາເລັດໜ້າທີ່ທີ່ການຈັດຕັ້ງຂັ້ນເທິງມອບໝາຍໃຫ້ສໍາເລັດ.
ຂ່າວ: ອາຄົມ ສີພາລາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
