ວັນເສົາ, ວັນທີ 07 ທັນວາ 2024
ຫົວໜ້າກົມກໍ່ສ້າງຮາກຖານ ລົງຊຸກຍູ້ວຽກງານຮາກຖານຢູ່ທະຫານແຂວງບໍລິຄຳໄຊ
ເວລາອອກຂ່າວ: 2023-06-08 15:36:37 | ຜູ້ຂຽນ : admin2 | ຈຳນວນຄົນເຂົ້າຊົມ: 774 | ຄວາມນິຍົມ: 
ໃນວັນທີ 6 ມິຖຸນາ 2023 ນີ້, ສະຫາຍ ພົນຈັດຕະວາ ບົວໄລ ພົມມະວົງ ຄະນະພັກກົມໃຫຍ່ ຫົວໜ້າກົມກໍ່ສ້າງຮາກຖານ ກົມໃຫຍ່ການເມືອງກອງທັບ ພ້ອມຄະນະ ໄດ້ລົງຊຸກຍູ້ວຽກງານກໍ່ສ້າງຮາກຖານ ຢູ່ກອງບັນຊາການທະຫານແຂວງບໍລິຄໍາໄຊ, ໂດຍມີສະຫາຍ ພົນຈັດຕະວາ ຈວງຈັນ ລາດຊະວົງ ຄະນະປະຈໍາພັກແຂວງ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງ, ມີຄະນະພັກກອງບັນຊາການ, ຄະນະຫ້ອງ, ບັນດາພະນັກງານນາຍທະຫານທົ່ວອົງການ 5 ຫ້ອງ ແລະ ກົມກອງອ້ອມຂ້າງ ເຂົ້າຮ່ວມ.
ໃນກອງປະຊຸມ ສະຫາຍ ພົນຈັດຕະວາ ບົວໄລ ພົມມະວົງ ໄດ້ຊີ້ນໍາຫຼາຍບັນຫາທີ່ສໍາຄັນ ໂດຍສະຫາຍໄດ້ກ່າວວ່າວຽກງານກໍ່ສ້າງຮາກຖານການເມືອງແມ່ນວຽກງານໜື່ງທີ່ຄ້ຳປະກັນໃຫ້ແກ່ການຄົງຕົວ ແລະ ຂະຫຍາຍຕົວຂອງພັກເຮົາ ແມ່ນວຽກງານໜື່ງທີ່ມີມູນເຊື້ອຂອງພັກກໍ່ຄືກຳລັງປະກອບອາວຸດ ເຊິ່ງໃນນັ້ນກອງທັບປະຊາຊົນລາວ ກໍ່ແມ່ນກຳລັງຕົ້ນຕໍທີ່ໄດ້ຈັດຕັ້ງປະຕິບັດວຽກງານດັ່ງກ່າວຕາມແນວທາງຂອງພັກຢ່າງມີຜົນສໍາເລັດ, ການຈັດຕັ້ງຄໍາສັ່ງແນະນໍາເລກທີ 03 ຂອງກົມການເມືອງສູນກາງພັກ ກ່ຽວກັບວຽກງານກໍ່ສ້າງຮາກຖານການເມືອງ ເປັນຕົ້ນແມ່ນໄດ້ສຸມໃສ່ຕາມຂອບເຂດບໍລິເວນຫ່າງໄກຊອກຫຼີກ ໂດຍສຸມໃສ່ການປັບປຸງກໍ່ສ້າງອົງການຈັດຕັ້ງພະນັກງານຫຼັກແຫຼ່ງຂັ້ນຮາກຖານໃຫ້ຮູ້ໜ້າທີ່ ແລະ ມີການເຄື່ອນໄຫວຕາມໜ້າທີ່ຮັບຜິດຊອບຂອງຕົນເອງ ໃຫ້ມີປະສິດທິຜົນ, ຄຽງຄູ່ກັນນັ້ນບັນດາກົມກອງຕັ້ງທັບຢູ່ບ່ອນໃດ ກໍ່ໃຫ້ຈັດຕັ້ງກໍາລັງລົງຮາກຖານແບບມູນເຊື້ອຢູ່ບັນດາບ້ານໄກ້ຄຽງ ເພື່ອຈັດຕັ້ງກຳລັງລົງຊ່ວຍເຫຼືອຄອບຄົວທີ່ທຸກຍາກຂາດເຂີນແຮງງານ ທໍາການຜະລິດປົວແປງເຮືອນຊານ ແລະ ອື່ນໆ, ພ້ອມດຽວກັນນັ້ນສະຫາຍຍັງໄດ້ເນັ້ນໜັກໃຫ້ຄະນະພັກ-ຄະນະບັນຊາ, ພະນັກງານຫຼັກແຫຼ່ງຈົ່ງເພີ່ມທະວີຄວາມສາມັກຄີເປັນປືກແຜ່ນແໜ້ນໜາ, ເອົາໃຈໃສ່ສຶກສາອົບຮົມການເມືອງນໍາພາ-ແນວຄິດເປັນບັນຫາສໍາຄັນ ຕີຖອຍປະກົດການຫຍໍ້ທໍ້ທີ່ເກີດຂຶ້ນ ໂດຍສະເພາະແມ່ນບັນຫາຢາເສບຕິດ, ສືບຕໍ່ຫັນລົງກໍ່ສ້າງຮາກຖານການເມືອງຕາມຈຸດຫຼໍ່ແຫຼມໃຫ້ໄດ້ຢ່າງຕໍ່ເນື່ອງ ເປັນຕົ້ນຂອບເຂດບໍລິເວນຊາຍແດນ, ພົວພັນສະໜິດແໜ້ນກັບບັນດາອໍານາດການປົກຄອງບ້ານໄກ້ຄຽງ ເພື່ອຕິດຕາມກວດກາ ແລະ ກໍາແໜ້ນສະພາບການຕ່າງໆໃນຂອບເຂດຮອບຜິດຊອບຂອງຕົນເອງໃຫ້ມີຄວາມສະຫງົບປອດໄພໂດຍພື້ນຖານ.
ໂດຍ: ນາງນ້ອຍ ບານທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
