POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ທັນວາ 2024

ຄະນະພັກຮາກຖານຫ້ອງເສນາທິການ ກອງພົນທີ 2 ເປີດກອງປະຊຸມໃຫຍ່ສະມາຊິກພັກ ຄັ້ງທີ lll
ເວລາອອກຂ່າວ: 2023-06-08 16:14:19 | ຜູ້ຂຽນ : admin2 | ຈຳນວນຄົນເຂົ້າຊົມ: 2597 | ຄວາມນິຍົມ:

ໃນວັນທີ 8 ມິຖຸນາ 2023 ນີ້, ຄະນະພັກຮາກຖານຫ້ອງເສນາທິການ ກອງພົນທີ 2 ໄດ້ເປີດກອງປະຊຸມໃຫຍ່ສະມາຊິກພັກ ຄັ້ງທີ lll ຂຶ້ນ ແລະ ອັດລົງດ້ວຍຜົນສຳເລັດອັນຈົບງາມ ໂດຍການເປັນປະທານຂອງ ສະຫາຍ ພົນຈັດຕະວາ ຄຳດີ ໄຊຍະວົງ ຮອງເລຂາຄະນະພັກ ຫົວໜ້າການທະຫານກອງພົນທີ 2, ມີບັນດາສະຫາຍຄະນະພັກ, ແຂກຖືກເຊີນຈາກຄະນະພັກອ້ອມຂ້າງ, ຕະຫຼອດຮອດສະມາຊິກພັກສົມບູນ ແລະ ສຳຮອງ ເຂົ້າຮ່ວມ. ສະຫາຍ ພັນເອກ ສອນເພັດ ຈັນສົມ ຄະນະພັກກອງພົນ ເລຂາຄະນະພັກຮາກຖານຫ້ອງເສນາທິການ ກອງພົນທີ 2 ໄດ້ຜ່ານບົດລາຍງານການເມືອງທັງສອງພາກ, ໄດ້ຍົກໃຫ້ເຫັນດ້ານດີ, ຜົນສໍາເລັດຢ່າງຕັ້ງໜ້າ ແລະ ດ້ານອ່ອນຂໍ້ຄົງຄ້າງທີ່ຈະໄດ້ສືບຕໍ່ປັບປຸງແກ້ໄຂໃນຕໍ່ໜ້າ, ໃນໄລຍະ 5 ປີຜ່ານມາຄະນະພັກຮາກຖານຫ້ອງເສນາທິການ ໄດ້ຊີ້ນໍາບັນດາໜ່ວຍພັກ ແລະ ພະແນກການ ລົງຮາກຖານຢູ່ບັນດາກົມກອງເຫຼົ່າຮົບຂອງຕົນ ພ້ອມທັງຊີ້ນໍາກົມກອງ ລົງກໍ່ສ້າງຮາກຖານກັບອຳນາດການປົກຄອງບ້ານທີ່ຂຶ້ນກັບຄວາມຮັບຜິດຊອບຂອງກົມກອງ ເພື່ອຕິດຕາມເກັບກຳ ສະພາບການຕ່າງໆ ພ້ອມທັງລົງຊ່ວຍເຫຼືອພໍ່ແມ່ປະຊາຊົນໃນການສ້າງເສດຖະກິດໃຫ້ນັບມື້ດີຂຶ້ນ ນອກນັ້ນຍັງໄດ້ຊີ້ນຳບັນດາກົມກອງຍົກສູງສະຕິການກຽມພ້ອມສູ້ຮົບ ແລະ ກອບກູໄພພິບັດ ທີ່ອາດຈະເກີດຂຶ້ນໃຫ້ທັນກັບສະພາບການ, ຄຽງຄູ່ກັບປັບປຸງກໍ່ສ້າງກຳລັງ ໂດຍຖືເອົາວຽກງານສຶກສາອົບຮົມການເມືອງ-ນໍາພາແນວຄິດເປັນກົກ ເຮັດໃຫ້ພະນັກງານ-ສະມາຊິກພັກ ແລະ ນັກຮົບ ເຊື່ອມຊຶມເຂົ້າໃຈແຈ້ງຕໍ່ແນວທາງປ່ຽນແປງໃໝ່ຂອງພັກ ພ້ອມທັງໄດ້ເອົາໃຈໃສ່ນໍາພາປັບປຸງກໍ່ສ້າງພັກຕາມ 5 ຫຼັກການ 3 ທິດນໍາຂອງພັກ ຕິດພັນກັບການຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດວາງອອກ ແລະ ຂະບວນການຈັດຕັ້ງປະຕິບັດບັນດາວຽກງານຂອງກົມກອງ ຜ່ານຂະບວນການວຽກງານຕົວຈິງ ບັນດາໜ່ວຍພັກທີ່ຂຶ້ນກັບຄະນະພັກຮາກຖານ ສາມາດຮັບຮອງເປັນໜ່ວຍພັກ ປອດໃສ ເຂັ້ມແຂງຫນັກແຫນ້ນໄດ້ຫຼາຍສະໄໝຢ່າງຕໍ່ເນື່ອງ, ນອກນັ້ນຍັງໄດ້ຊຸກຍູ້ນໍາພາອົງການຈັດຕັ້ງມາຫາຊົນຂອງພັກ, ຊາວໜຸ່ມ, ແມ່ຍິງ ເຄື່ອນໄຫວຖືກຕ້ອງຕາມພາລະບົດບາດຂອງຕົນ, ໃນກອງປະຊຸມຕາງໜ້າສະມາຊິກພັກຍັງໄດ້ປະກອບຄຳຄິດຄຳເຫັນໃສ່ບົດລາຍການເມືອງ ທັງ 2 ພາກ ເພື່ອໃຫ້ມີເນື້ອໃນສົມບູນຄົບຖ້ວນ ພ້ອມທັງໄດ້ໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະພັກຮາກຖານຊຸດໃໝ່ໄດ້ຕາມຄາດໝາຍ. ກອງປະຊຸມຄັ້ງປະຖົມມະລຶກໄດ້ເປັນເອກະສັນຮັບຮອງເອົາ ສະຫາຍ ພັນເອກ ສອນເພັດ ຈັນສົມ ເປັນເລຂາຄະນະພັກຮາກຖານ, ສະຫາຍ ພັນໂທ ສົມສະຄິດ ຄຳຊົມພູ ເປັນຮອງເລຂາຄະນະພັກຮາກຖານ, ສະຫາຍ ພັນໂທ ເຂັມເພັດ ສັກສີໃຈ ເປັນກຳມະການກວດກາຄະນະພັກ, ສະຫາຍ ພັນໂທ ຄຳຫຼ້າ ທອງວິໄລ ເປັນຮອງກຳມະການກວດກາຄະນະພັກ, ສະຫາຍ ພັນໂທ ອຸ່ນເຕົ່າ ໄຊຍະຄຸນ, ສະຫາຍ ພັນໂທ ບຸນຖິ່ນ ສຸລິດ ແລະ ສະຫາຍ ພັນໂທ ແສງແກ້ວ ຈັນເພັງພົມພິທັກ ເປັນກໍາມະການຄະນະພັກ. ໂອກາດນີ້ ສະຫາຍ ພົນຈັດຕະວາ ຄຳດີ ໄຊຍະວົງ ໄດ້ມີຄຳເຫັນໂອ້ລົມໃຫ້ທິດຊີ້ນໍາ ຕໍ່ຄະນະພັກຮາກຖານຊຸດໃໝ່, ໂດຍສະຫາຍໄດ້ຮຽກຮ້ອງໃຫ້ ພະນັກງານ-ສະມາຊິກພັກທຸກສະຫາຍ, ຈົ່ງຍົກສູງຄວາມຮັບຜິດຊອບຕໍ່ໜ້າທີ່ວຽກງານໃຫ້ສູງຂຶ້ນ, ຖືເອົາວຽກງານສຶກສາອົບຮົມການເມືອງ-ນໍາພາແນວຄິດເປັນກົກ, ເຊື່ອມຊຶມ, ກຳແໜ້ນແນວທາງນະໂຍບາຍຂອງພັກ, ປະຕິບັດມະຕິ, ຄຳສັ່ງຂອງຂັ້ນເທິງຢ່າງເຂັ້ມງວດ, ຫັນເອົາມະຕິກອງປະຊຸມໃຫຍ່ໃນຄັ້ງນີ້ ຕິດແທດກັບແຜນງານ, ໂຄງການອັນລະອຽດຂອງກົມກອງ, ເຊີດຊູນໍ້າໃຈຄວາມຮັບຜິດຊອບຂອງຄະນະພັກຮາກຖານ ດ້ວຍຈິດໃຈບຸກທະລຸເຂົ້າໃສ່ວຽກງານທີ່ຕົນຮັບຜິດຊອບໃຫ້ມີການຫັນປ່ຽນຢ່າງຈະແຈ້ງ, ເດັດດ່ຽວແກ້ໄຂແນວຄິດຄອງເດີມ, ຂີ້ຄ້ານມັກງ່າຍ, ເອື່ອຍອີງ, ຂາດຄວາມປັນເຈົ້າຕົນເອງ, ເພີ່ມທະວີຄວາມເປັນເອກະພາບພາຍໃນຄະນະພັກ, ປະຕິບັດຫຼັກການລວມສູນປະຊາທິປະໄຕ, ເຮັດວຽກງານເປັນໝູ່ຄະນະ, ແບ່ງວຽກງານໃຫ້ບຸກຄົນຮັບຜິດຊອບຈະແຈ້ງ, ຕິດຕາມກວດກາຊຸກຍູ້ ແລະ ສະຫຼຸບຖອດຖອນບົດຮຽນ ເພື່ອສົ່ງເສີມດ້ານຕັ້ງໜ້າ, ແກ້ໄຂສິ່ງຫຍໍ້ທໍ້ໃຫ້ທັນການ, ເອົາໃຈໃສ່ປະຕິບັດລະບອບດຳເນີນຊີວິດການເມືອງພາຍໃນພັກໃຫ້ເປັນປົກກະຕິ, ເສີມຂະຫຍາຍທ່າແຮງບົ່ມຊ້ອນຂອງກົມກອງ ໃນການສ້າງເສດຖະກິດແກ້ໄຂຊິວິດການເປັນຢູ່ຕາມທິດນໍາເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງໃຫ້ນັບມື້ດີຂຶ້ນກວ່າເກົ່າ. ໂດຍ: ສຸວັນໂນ ທະລັງສີ

news to day and hot news