ກອງທັບປະຊາຊົນລາວ
 
ວັນພະຫັດ, ວັນທີ 18 ເມສາ 2024

  

ບົດບາດ​ການ​ຊີ້​ນຳ​ຂອງ​ຄະນະ​ພັກ​ຮາກ​ຖານ ​ກອງ​ບັນຊາ​ການ​ທະຫານ​ເມືອງ​ແປກ
ເວລາອອກຂ່າວ: 2023-06-09 08:21:25 | ຜູ້ຂຽນ : admin3 | ຈຳນວນຄົນເຂົ້າຊົມ: 4506 | ຄວາມນິຍົມ:



ກອງ​ບັນຊາ​ການ​ທະຫານ​ເມືອງ​ແປກ ແຂວງ​ຊຽງ​ຂວາງ ແມ່ນ​ກຳລັງ​ປະກອບ​ອາວຸດ​ທ້ອງ ຖິ່ນ​ທີ່​ມີ​ພາລະ​ບົດບາດ​ສຳຄັນ​ໃນ​ ການ​ເປັນ​ເສນາ​ທິ​ການ​ໃຫ້​ຄະນະ​ພັກ​ປົກຄອງ​ເມືອງ​ແປກ ດ້ານ​ວຽກ​ງານ​ຮັບປະກັນ​ເຮັດ​ໃຫ້​ສະ ພາບ​ມີ​ຄວາມ​ສະຫງົບ ແລະ ກໍ່ ສ້າງ​ກຳລັງ​ພັດທະນາ​ກົມ​ກອງ​ໃຫ້​ ມີ​ຄວາມ​ໜັກ​ແໜ້ນ ເຂັ້ມແຂງ. ສະຫາຍ ພັນ​ໂທ ລິນ​ແສງ ແວວ​ມະນີ ຫົວໜ້າ​ການ​ທະຫານ ​ກອງ​ບັນຊາ​ການ​ທະຫານ​ເມືອງ​ແປກ ແຂວງ​ຊຽງ​ຂວາງ​​ໃຫ້​ຮູ້​ວ່າ: ໃນ​ໄລຍະ​ຜ່ານ​ມາ, ຄະນະ​ພັກ- ຄະນະ​ບັນຊາ ໄດ້​ຖືສຳຄັນ​ວຽກ ​ງານ​ສືກ​ສາ​ອົບຮົມ​ການເມືອງ- ນຳ​ແນວ​ຄິດ​ສອດ​ຫ້ອຍ​ເຂົ້າ​ທຸກ​ຂົງເຂດ​ວຽກ​ງານ​ລວມ​ຂອງ​ກົມ​ກອງ​ດ້ວຍ​ຫຼາຍ​ຮູບ​ການ, ຫຼາຍ​ເນື້ອ​ໃນ​ເຮັດ​ໃຫ້​ພະນັກງານ​ສະ ມາຊິກ​ພັກ ແລະ ນັກຮົບ ມີ​ສະ ຕິ​ຕື່ນ​ຕົວ​ສູງ​ຕໍ່ໜ້າ​ທີ່​ວຽກ​ງານ​ທີ່​ໄດ້​ຮັບ​ມອບ​ໝາຍ, ໄປ​ຄຽງ​ຄູ່​ກັນ​ນັ້ນ​ຍັງ​ໄດ້​ປະກອບ​ສວນ​ຢ່າງ​ຕັ້ງໜ້າ​ປະຕິບັດ​ໜ້າທີ່​ການເມືອງ​ຂອງ​ຕົນ​ໃນ​ການຈັດຕັ້ງ​ຫັນ​ເອົາ​ກຳລັງ​ລົງ​ກໍ່ສ້າງ​ຮາກ​ຖານ​ການ ເມືອງ​ພັດທະນາ​ຊົນນະບົດ​ຮອບ ດ້ານ​ຕາມ 4 ເນື້ອ​ໃນ 4 ຄາດ ໝາຍ ປະສານ​ສົມທົບ​ກັບ​ກຳລັງ​ຫຼວງ, ອຳນາດ​ການ​ປົກຄອງ​ທ້ອງ ຖິ່ນ ແລະ ກຳລັງ ​ປກສ ເມືອງ, ຂະແໜງການ​ທີ່​ກ່ຽວຂ້ອງ​ຂອງ​ເມືອງ​ເພື່ອ​ເກັບ​ກຳ ແລະ ແກ້​ໄຂ​ສະ ພາບ​ແນ​ໃສ່​ເຮັດ​ໃຫ້​ຂອບ​ເຂດ​ກົມ​ກອງ​ຮັບຜິດຊອບ​ໃຫ້​ມີ​ຄວາມ​ສະ ຫງົບ​ໂດຍ​ພື້ນຖານ ໃນ​ນີ້​, ໄດ້​ສົມ ທົບ​ກັບ​ກອງ​ຫຼອນ, ​ປກສ ກຸ່ມ​ບ້ານ ແລະ ອຳນາດ​ການ​ປົກຄອງ​ແຕ່​ລະ​ຂັ້ນ​ເພື່ອ​ແລກປ່ຽນ​ສະພາບ​ຮ່ວມ​ກັນ, ສະຫຼຸບ​ຖອດ​ຖອນ ແລະ ແລກປ່ຽນ​ບົດຮຽນມີ​ການ​ພົວພັນ​ຮ່ວມ​ມື​ລະຫວ່າງ​ກົມ​ກອງ ແລະ ຮາກ​ຖານ​ປະຊາຊົນ, ສຸມ​ໃສ່​ເປັນ​ເຈົ້າ​ການ​ກະຕຸກ​ຊຸກຍູ້ອຳນາດ​ການ​ປົກຄອງ​ຂັ້ນ​ຮາກ​ຖານ​ບ້ານ ແລະ ປະຊາຊົນ​ບັນດາເຜົ່າ​ສ້າງ​ທ່າ​ສະໜາມ​ປ້ອງ​ກັນ​ຊາດ, ສ້າງ​ກຸ່ມ​ບ້ານ​ປ້ອງ​ກັນ​ຊາດ​ເຂັ້ມແຂງ ແລະ ຄອບຄົວ​ປ້ອງ​ກັນ​ຊາດ​ເຂັ້ມ ແຂງ ໃຫ້​ເພີ່ມ​ຂຶ້ນ​ທາງ​ດ້ານ​ຈຳ ນວນ ແລະ ຄຸນ​ນະ​ພາບ. ນອກຈາກ​ນີ້​, ຍັງ​ໄດ້​ເປີດ​ຊຸດ​ ອົມ​ຮົມ​ການເມືອງ, ການ​ທະຫານ, ພະລາ​ທິ​ການ-ເຕັກນິກເປັນ​ປະ ຈຳ ໃຫ້​ພະນັກງານ-ນັກຮົບ ມີ​ຄວາມ​ຊຳນິ​, ຊຳນານ​ໃນ​ການ​ນຳ​ ໃຊ້​ອາວຸດ​ຍຸດ​ໂທ​ປະກອນ ໃນ​ນີ້​, ພາກ​ການເມືອງ​ສະເລ່ຍ 79%, ການ​ທະຫານ 81%, ພະລາທິ ການ-ເຕັກນິກ 75%. ພິເສດ​ຄະນະ ​ພັກ-ຄະນະ​ບັນຊາ ຍັງ​ໄດ້​ຂຶ້ນ​ແຜນ ​ຕັດ​ເຄື່ອງ​ຈຳນວນ 121 ຊຸດ​ໃຫ້​ກຳ ລັງ​ກອງ​ຫຼອນ​ບ້ານ​ເພື່ອ​ປະກອບ ສ່ວນ​ເຂົ້າ​ໃນ​ການ​ປ້ອງ​ກັນ​ງານ​ມະຫະກຳ​ກິລາ​ແຫ່ງ​ຊາດ​ທີ່​ແຂວງ​ຊຽງ​ຂວາງ​ເປັນ​ເຈົ້າພາບໄປ​ຄຽງ​ຄູ່​ກັນ​ນັ້ນ, ຍັງ​ໄດ້​ສົບ​ທົບ​ກັບ​ກຳລັງ​ປ້ອງ​ກັນ​ຄວາມ​ສະຫງົບ​ຕ້ານ ແລະ ສະກັດ​ກັ້ນ​ກຸ່ມ​ຄົນ​ບໍ່​ດີ​ທີ່​ຈະ​ກໍ່ໃຫ້ເກີດ​ຄວາມ​ບໍ່​ສະຫງົບ​ເປັນຕົ້ນ​ແມ່ນ​ບັນຫາ​ຢາ​ເສບ​ຕິດ, ສາສະໜາ, ຄ້າຂາຍ​ເຖື່ອນ ແລະ​ອື່ນໆ ພ້ອມ​ນັ້ນ​ ຍັງ​ໄດ້​ກະຕຸກ​ຊຸກ ຍູ້​ອົງ​ການຈັດຕັ້ງ​ມະຫາຊົນ​ເຄື່ອນ​ໄຫວ​ຕາມ​ພາລະ​ບົດບາດ​ຂອງ​ຕົນ​ຢ່າງ​ແຂງແຮງ​ຕໍ່​ເນື່ອງ​ໃນ​ຂະ​ບວນ​ການ​ກິລາ, ສິລະ​ປະ, ວັນນະຄະດີ ທີ່​ຂັ້ນ​ເທິງ​ກໍ​ຄື​ກົມ​ກອງ​ຈັດ​ຈັດ​ຂຶ້ນ​ຢ່າງ​ເປັນ​ຂະ​ບວນ​ການ​ຟົດຟື້ນ​ກວ້າງຂວາງ. ວຽກ​ງານ​ການ​ກໍ່ສ້າງ​ພັກ-ພະ ນັກງານ​ໂດຍ​ຖື​ເອົາ 5 ຫຼັກການ 3 ທິດ​ນຳ​ຂອງ​ພັກ​ເປັນ​ໄມ້​ຫຼາ​ວັດ ແທກ​ຄຸນ​ທາດ​ການເມືອງ​ຂອງ​ພະນັກງານ​ສະມາຊິກ​ພັກ-ນັກຮົບ ຖື​ເອົາ​ຂະ​ບວນ​ການ​ແຂ່ງຂັນ​ຮັກ​ ຊາດ ແລະ ພັດທະນາ​ຍູ້​ແຮງ​ໃນ​ ການ​ສ້າງ​ກອງ 3 ປອດ (ປອດ​ໃສ ປອດ​ໄພ ປອດ​ຄະດີ), ໜ່ວຍ​ພັກ​ ປອດ​ໃສ ເຂັ້ມແຂງ ໜັກ​ແໜ້ນ.ໃນ​ນີ້​, ມີ​ສະມາຊິກ​ພັກ​ແຂງ​ກວມ​ເອົາ 91% ໄດ້​ຮັບ​ນາມມະຍົດ​ເປັນ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ 3 ຄັ້ງ​ຕິດ​ຕໍ​່ກັນ ມີ 4 ໜ່ວຍ​ພັກໄປ​ຄຽງ​ຄູ່​ກັບ​ວຽກ​ງານ ​ການ​ນຳພາ​ແລ້ວ, ຄະນະ​ພັກ-ຄະ ນະ​ບັນຊາ ຍັງ​ໄດ້​ຊີ້​ນຳ​ພະນັກ ງານ-ນັກຮົບ ສ້າງ​ພະລາທິການ​ກັບ​ທີ່​ໂດຍ​ອີງໃສ່​ເງື່ອນໄຂ​ທ່າ ແຮງ​ບົ່ມ​ຊ້ອນ​ຂອງ​ຕົນ​ຈາກ​ການ ​ປູກຝັງ-ລ້ຽງສັດ ແລະ ບໍລິການ​ ຕ່າງໆ(ກົມ​ກອງ​ມີ​ງົວ​ລ້ຽງ 40 ໂຕ) ຍົກ​ສູງ​ນໍ້າໃຈ​ເພິ່ງ​ຕົນ​ເອງ, ກຸ້ມ​ຕົນ​ເອງ ແລະ ສ້າງ​ຄວາມ​ ເຂັ້ມແຂງ​ດ້ວຍ​ຕົນ​ເອງ. ປັບປຸງ​ກໍ່ສ້າງ​ຄ້າຍ​ຄູໃຫ້​ແໜ້ນໜາ​ຖາ ວອນ​ຕາມ​ແບບ​ວັດທະນະທຳ. ໃນ​ນີ້​, ໄດ້​ກໍ່ສ້າງ​ເຮືອນຄົວ​ລວມ​ ແບບ​ຖາວອນ​ຂະໜາດ 6 x 18 ແມັດ, ກໍ່ສ້າງ​ຫ້ອງການ​ກອງ​ຮ້ອຍ 17, ເຮືອ​ນນອນ​ໂສດ​ ກອງ​ຮ້ອຍ 17, ສ້າງ​ຫ້ອງການ ແລະ ຫ້ອງ​ປະຈຳການ​ຂອງ​ກອງ​ບັນຊາ​ການ, ຫ້ອງ​ນໍ້າ ໂດຍ​ທຶນ ແລະ ແຮງ​ງານ​ແມ່ນ​ກົມ​ກອງ​ກຸ້ມ​ຕົນ​ເອງ​ເປັນ​ສວນ​ຫາຍທັງ​ນີ້​ກໍ​ເພື່ອ​ແນໃສ່​ປັບປຸງ​ກໍ່ສ້າງ​ກົມ​ກອງ​ເຂົ້າ​ສູ່​ລະບຽບ​ແບບແຜນ. ໂດຍ: ບົວ​ລາ ສໍ​ລາ​ວັນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ