POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 14 ຕຸລາ 2024

ຮອງຫົວໜ້າຫ້ອງການກຳມະບານກອງທັບ ຊຸກຍູ້ວຽກງານກຳມະບານ ຢູ່ໂຮງງານສ້ອມແປງລົດ-ເຮືອ
ເວລາອອກຂ່າວ: 2023-09-27 19:08:41 | ຜູ້ຂຽນ : admin2 | ຈຳນວນຄົນເຂົ້າຊົມ: 951 | ຄວາມນິຍົມ:

ວັນທີ 27 ກັນຍາ 2023 ນີ້, ສະຫາຍ ພັນໂທ ໄຊສະນະ ທຳມະສອນ ຮອງຫົວໜ້າຫ້ອງການກຳມະບານກອງທັບ ພ້ອມດ້ວຍຄະນະ ໄດ້ເຄື່ອນໄຫວຊຸກຍູ້ວຽກງານກຳມະບານ ຢູ່ໂຮງງານສ້ອມແປງລົດ-ເຮືອ, ໂດຍການຕ້ອນຮັບຂອງ ສະຫາຍ ພັນໂທ ວົງແສງ ແພງມະນີ ຮອງອຳນວຍການໂຮງງານ, ປະທານ ກຳມະບານໂຮງງານສ້ອມແປງລົດ-ເຮືອ ພ້ອມດ້ວຍຄະນະ ແລະ ວິຊາການທີ່ກ່ຽວຂ້ອງ ເຂົ້າຮ່ວມ. ສະຫາຍ ພັນໂທ ວົງແສງ ແພງມະນີ ໄດ້ລາຍງານໂດຍຫຍໍ້ກ່ຽວກັບການເຄື່ອນໄຫວຊີ້ນຳ-ນຳພາຂອງຄະນະກຳມະບານ ໃນໄລຍະຜ່ານມາ, ໄດ້ຖືສຳຄັນວຽກງານສຶກສາອົບຮົມການເມືອງ-ນຳພາແນວຄິດໃຫ້ສະມາຊິກກຳມະບານ, ພະນັກງານ-ນັກຮົບພາຍໃນໂຮງງານ ມີທັດສະນະຫຼັກໝັ້ນຊົນຊັ້ນ, ມີຄວາມອຸ່ນອຽນທຸ່ນທ່ຽງ, ຫ້າວຫັນໃນການປະຕິບັດໜ້າທີ່ວຽກວິຊາສະເພາະຂອງຕົນ ໂດຍຕິດພັນກັບການປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ທີ່ສູນກາງສະຫະພັນກຳມະບານລາວວາງອອກ, ໄດ້ເປັນເຈົ້າການເຕົ້າໂຮມຄວາມສາມັກຄີ, ນຳພາສະມາຊິກກຳມະບານ, ກຳມະກອນເຮັດໜ້າທີ່ວິຊາສະເພາະ ສ້ອມແປງຟື້ນຟູພາຫະນະລົດຮັບໃຊ້ກອງທັບທຸກປະເທດໄດ້ 9 ຄັນ, ຟື້ນຟູ ແລະ ບົວລະບັດຮັກສາເຮືອ 3 ລຳໃຫ້ຢູ່ໃນສະພາບການໃຊ້ງານ. ນອກນີ້, ຍັງໄດ້ຊຸກຍູ້ໃຫ້ສະມາຊິກກຳມະບານຊອກຫາແຫຼ່ງລາຍໄດ້ ເພື່ອແກ້ໄຂຊີວິດການເປັນຢູ່ຕາມທ່າແຮງບົ່ມຊ້ອນຂອງກົມກອງ ສາມາດສ້າງລາຍຮັບຈາກການປູກຝັ່ງ-ລ້ຽງສັດ ແລະ ການບໍລິການອື່ນໆ ໄດ້ທັງໝົດ 43 ລ້ານກີບ. ພ້ອມນີ້, ຍັງໄດ້ປະຕິບັດຕາມທິດຊີ້ນຳຂອງຫ້ອງການກຳມະບານກອງທັບ ສ້າງກອງທຶນຊ່ວຍເຫຼືອເຊິ່ງກັນ ແລະ ກັນ ປັດຈຸບັນມີເງິນກອງທຶນທັງໝົດ 155. 312.000 ກີບ. ຈາກຜົນສຳເລັດຫຼາຍດ້ານທີ່ກ່າວມາຂ້າງເທິງ ຮາກຖານກຳມະບານໂຮງງານສ້ອມແປງລົດ-ເຮືອ ໄດ້ໃບຢັ້ງຢືນ 5 ເປັນເຈົ້າ. ໂອກາດນີ້, ສະຫາຍ ພັນໂທ ໄຊຊະນະ ທຳມະສອນ ໄດ້ມີຄຳເຫັນໂອ້ລົມ ແລະ ຮຽກຮ້ອງໃຫ້ຄະນະຮາກຖານກຳມະບານ ແລະ ສະມາຊິກກຳມະບານ ຈົ່ງພ້ອມກັນປັບປຸງແບບແຜນວິທີເຮັດວຽກໃຫ້ສອດຄ່ອງແທດເໝາະກັບສະພາບຕົວຈິງ ໂດຍຕິດພັນແໜ້ນກັບໜ້າທີ່ການເມືອງຂອງຕົນທີ່ວາງອອກໃນແຕ່ລະໄລຍະ, ສືບຕໍ່ກໍ່ສ້າງ-ບຳລຸງພະນັກງານ, ສະມາຊິກກຳມະບານໃຫ້ມີຄວາມຮູ້, ຄວາມສາມາດ, ຍົກລະດັບດ້ານວິຊາສະເພາະ, ພັດທະນາດ້ານສີມືແຮງງານໃຫ້ນັບມື້ນັບສູງຂຶ້ນ ເພື່ອຮັບປະກັນເຮັດສຳເລັດ ໜ້າທີ່ວຽກງານຕາມການມອບໝາຍຂອງຂັ້ນເທິງ.

news to day and hot news