ກອງທັບປະຊາຊົນລາວ
 
ວັນອັງຄານ, ວັນທີ 25 ມິຖຸນາ 2024

  

ສະພາແຫ່ງຊາດ ຊີ້ນຳວຽກງານປກຊ-ປກສ ຢູ່ໂຮງໝໍບໍລິເວນ 107
ເວລາອອກຂ່າວ: 2023-09-28 11:32:48 | ຜູ້ຂຽນ : admin2 | ຈຳນວນຄົນເຂົ້າຊົມ: 421 | ຄວາມນິຍົມ:



ໃນຕອນເຊົ້າຂອງວັນທີ 27 ກັນຍາ 2023 ນີ້, ກໍາມາທິການປ້ອງກັນຊາດ-ປ້ອງກັນຄວາມສະຫງົບສະພາແຫ່ງຊາດໄດ້ລົງເຄື່ອນໄຫວຕິດຕາມກວດກາວຽກງານປ້ອງກັນຊາດ-ປ້ອງກັນຄວາມສະຫງົບ ຢູ່ໂຮງໝໍບໍລິເວນ 107 ພາຍໃຕ້ການເປັນປະທານຂອງ ສະຫາຍ ພົນຈັດຕະວາ ສົມວັນ ທຳມາໄຊ ຮອງປະທານກໍາມາທິການປ້ອງກັນຊາດ-ປ້ອງກັນຄວາມສະຫງົບ ສະພາແຫ່ງຊາດ ພ້ອມດ້ວຍຄະນະ, ມີສະຫາຍ ພັນເອກ ໄພວັນ ຈັນທະສຸກ ເລຂາຄະນະພັກຮາກຖານ, ອຳນວຍການໂຮງໝໍບໍລິເວນ 107 ພ້ອມດ້ວຍຄະນະພັກ-ຄະນະບັນຊາ, ມີບັນດາພະນັກງານ-ນັກຮົບທົ່ວກົມກອງເຂົ້າຮ່ວມ ຈໍານວນ 225 ສະຫາຍ. ໃນກອງປະຊຸມ ສະຫາຍ ພັນເອກ ໄພວັນ ຈັນທະສຸກ ເລຂາຄະນະພັກຮາກຖານ, ອຳນວຍການໂຮງໝໍບໍລິເວນ 107 ໄດ້ຜ່ານບົດລາຍງານຫຍໍ້ ກ່ຽວກັບສະພາບການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບໃນໄລຍະຜ່ານມາ ໂດຍຍົກໃຫ້ເຫັນເຖິງສະພາບຂອງກົມກອງມີຄວາມສະຫງົບໂດຍພື້ນຖານ, ຈັດຕັ້ງລະບົບປະຈໍາການເສນາ ແລະປະຈໍາການປ້ອງກັນທີ່ຕັ້ງ ເຄື່ອນໄຫວຕາມຂອບເຂດຮັບຜິດຊອບຕະຫຼອດ 24 ຊົ່ວໂມງ ເພື່ອຕິດຕາມ, ກວດກາ, ກຳແໜ້ນສະພາບການລວມ, ແກ້ໄຂປະກົດການຫຍໍ້ທໍ້ຕ່າງໆທີ່ມີຫາງສຽງຈາກສັງຄົມໃຫ້ທັນເວລາ, ປັບປຸງກໍ່ສ້າງພັກ-ກໍ່ສ້າງກຳລັງ ຄຽງຄູ່ກັບວຽກງານສຶກສາອົບຮົມການເມືອງແນວຄິດ, ເຜີຍແຜ່ເຊື່ອມຊຶມບັນດາມະຕິ, ຄຳສັ່ງຕ່າງໆ, ສຶກສາອົບຮົມວຽກງານວິຊາສະເພາະເຕັກນິກການແພດໃຫ້ຊໍານິຊໍານານ ເພື່ອຮັບໃຊ້ສັງຄົມເວົ້າລວມ, ເວົ້າສະເພາະຮັບປະກັນການປິ່ນປົວສຸຂະພາບຂອງພໍ່ແມ່ປະຊາຊົນ, ພະນັກງານ-ນັກຮົບ ໃຫ້ແຂງແຮງ ແລະຫາຍດີໄວເຮັດໃຫ້ໄດ້ຮັບຄວາມໄວ້ວາງໃຈຈາກສັງຄົມ ເຊິ່ງສະແດງອອກຄື: ໃນໄຕມາດມີຜູ້ມາໃຊ້ບໍລິການກວດ ແລະເຂົ້ານອນທັງໝົດ 14,328 ເທື່ອຄົນ, ເຂົ້ານອນປິ່ນປົວ 6,271 ເທື່ອຄົນ, ປິ່ນປົວດີ 6,241 ເທື່ອຄົນ, ຜ່າຕັດໃຫຍ່ 70 ກໍລະນີ, ຜ່າຕັດກາງ 53 ກໍລະນີ, ຜ່າຕັດນ້ອຍ 476 ກໍລະນີ. ພະຍາດທີພົ້ນເດັ່ນໃນລະດູການນີ້ແມ່ນພະຍາດໄຂ້ຍຸງລາຍ, ອັກເສບປອດ, ອັກເສບກະເພາະ. ນອກຈາກການປິ່ນປົວເສຍຄ່າແລ້ວ ພວກເຮົາຍັງໄດ້ນໍາໃຊ້ລະບົບປະກັນສຸຂະພາບເຂົ້າໃນການປິ່ນປົວນາຍ ແລະພົນທະຫານ, ຄູ່ສົມລົດ ແລະລູກ, ໃນໄຕມາດນີ້ ຜູ້ທີ່ມີປະກັນຕົນມາໃຊ້ບໍລິການທັງໝົດ 4,689 ເທື່ອຄົນ. ໂອກາດນີ້ ສະຫາຍ ພົນຈັດຕະວາ ສົມວັນ ທໍາມາໄຊ ຮອງປະທານກໍາມາທິການ ປ້ອງກັນຊາດ-ປ້ອງກັນຄວາມສະຫງົບ ສະພາແຫ່ງຊາດ ໄດ້ໃຫ້ກຽດໂອ້ລົມຕໍ່ກອງປະຊຸມ ສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານ ແລະຜົນສຳເລັດທີ່ໂຮງໝໍຍາດມາໄດ້ສະຫາຍໄດ້ຍົກໃຫ້ເຫັນເຖິງສະພາບຄວາມເປັນມາ, ຈຸດພິເສດ, ທີ່ຕັ້ງ, ໜ້າທີ່, ພາລະບົດບາດຂອງສະພາແຫ່ງຊາດ, ພ້ອມທັງຕີລາຄາສະພາບການ, ແບບແຜນການນຳພາຂອງສະພາປະຊາຊົນ ພ້ອມທັງໃຫ້ທິດຊີ້ນຳໃນການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ , ຮັບປະກັນວຽກງານພະລາທິການ-ເຕັກນິກ ຕິດພັນກັບ 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນປະເທດວາງອອກ, ເອົາໃຈໃສ່ຕໍ່ວຽກງານປ້ອງກັນຊາດໃຫ້ມີຄຸນນະພາບສູງ ສ້າງກົມກອງໃຫ້ມີຄວາມສະຫງົບປອດໄພຂຶ້ນເລື່ອຍໆ. ພາບ-ຂ່າວ: ພັນຕີ ສົມພອນ ພວງແກ້ວ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ