POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 14 ຕຸລາ 2024

ກອງພັນໃຫຍ່ 703 ເປີດບັ້ນດໍາເນີນຊີວິດການເມືອງ
ເວລາອອກຂ່າວ: 2023-09-28 11:38:43 | ຜູ້ຂຽນ : admin2 | ຈຳນວນຄົນເຂົ້າຊົມ: 929 | ຄວາມນິຍົມ:

ກອງພັນໃຫຍ່ 703 ໄດ້ຈັດຕັ້ງເປີດບັ້ນດຳເນີນຊີວິດການເມືອງເນື່ອງໃນໂອກາດ ການມອບໝາຍເພີ່ມທະວີການນໍາພາປັບປຸງວຽກງານກຽມພ້ອມປະຕິວັດໜ້າທີ່ຂອງກອງທັບ ແລະ ຈັັດຕັ້ງສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ, ຂື້ນຢ່າງເປັນທາງການໃນວັນທີ 22 ກັນຍາ 2023 ທີ່ຜ່ານມາ, ໂດຍການເປັນປະທານ ຂອງ ສະຫາຍ ພົນຈັດຕະວາ ບຸນມາ ຈັນທະວົງສາ ຮອງເລຂາພັກ ຫົວໜ້າການເມືອງກອງບັນຊາການທະຫານອາກາດ, ມີຄະນະພັກ-ຄະນະບັນຊາ ແລະ ຕະຫຼອດພະນັກງານທົ່ວກອງພັນໃຫຍ່ 703 ເຂົ້້າຢ່າງພ້ອມພຽງ. ໃນໂອກາດຈັດຕັ້ງດຳເນີນຊີວິດການເມືອງຄັ້ງນີ້ກໍ່ເພື່ອຈັດຕັ້ງຜັນຂະຫຍາຍຢູ່ກົມກອງຂອງຕົນໃຫ້ທົ່ວເຖິງເຮັດໃຫ້ພະນັກງານ-ນັກຮົບ ຮັບຮູ້ ແລະ ເຂົ້າໃຈຢ່າງເລິກເຊິ່ງກ່ຽວກັບມູນເຊື້ອອັນດູດດື່ມຂອງຊາດລາວ, ການມີນໍ້າໃຈຕໍ່ສູ້ອັນພິລະອາດຫານ, ການເຕີບໃຫຍ່ຂະຫຍາຍຕົວ ກໍ່ຄືຜົນງານໄຊຊະນະ ຂອງ ກອງທັບປະຊາຊົນລາວ ຄົບຮອບ 75 ປີ, ເພື່ອຍູ້ຂະບວນການຮອບດ້ານທົ່ວກອງທັບໃຫ້ມີຂະບວນການຟົດຟື້ນຢ່າງແຂງແຮງ, ທັງເປັນການສຶກສາອົບຮົມໃຫ້ໃຫ້ພະນັກງານ-ນັກຮົບຍົກສູງຈິດໃຈຮັກຊາດ, ຮັກລະບອບປະຊາທິປະໄຕປະຊາຊົນ, ສ້າງຄວາມຈົ່ງຮັກພັກດີຕໍ່ອຸດົມການຂອງພັກ,ຍົກສູງສະຕິລະວັງຕົວຕ້ານກົນອຸບາຍຂອງອິດທິກຳລັງປໍລະປັກ, ເຮັດໃຫ້ການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີນີ້ດຳເນີນໄປດ້ວຍບັນຍາກາດເບີກບານມ່ວນຊື່ນ, ເປັນລະບຽບຮຽບຮ້ອຍ ແລະ ມີຄວາມສະຫງົບປອດໄພ, ສືບຕໍ່ປັບປຸງກໍ່ສ້າງກອງທັບປະຊາຊົນລາວໃຫ້ເປັນກອງທັບປະຕິວັດ, ມີແບບແຜນທັນສະໃໝ, ປຸກລະດົມທຸກກຳລັງສຸມໃສ່ຈັດຕັ້ງປະຕິບັດບັນດາວຽກງານຂອງພັກ-ລັດ ແລະ ປະຊາຊົນມອບໝາຍໃຫ້, ເປັນເຈົ້າການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ່ XI ຂອງພັກປະຊາຊົນປະຕິວັດລາວ. ມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກກະຊວງປ້ອງກັນປະເທດ, ມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກກອງພັນໃຫຍ່ 703 ແລະ ມະຕິພັກຂັ້ນຂອງຕົນໃຫ້ປະກົດຜົນເປັຈິງ ເປັນຕົ້ນແມ່ນການຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ໃຫ້ເລິກເຊິ່ງເຖິງຖ່ອງ ແລະ ມີຜົນສໍາເລັດໄປພ້ອມໆກັນກັບການຍູ້ແຮງຂະບວນການແຂ່ງຂັນຮັກຊາດ ແລະ ພັດທະນາ, ຂະບວນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ຂວນການສ້າງກົມກອງປອດໃສປອດໄພ ປອດຄະດີ, ຂະບວນການສ້າງນັກຮົບ ແລະ ກົມກອງວັດທະນະທໍາ. ການເປີດບັ້ນດຳເນີນຊີວິການເມືຶອງຄັ້ງນີ້ກໍ່ເພື່ອເຮັດໃຫ້ພະນັກງານ-ນັກຮົບທົ່ວກອງພັນໃຫຍ່ຮັບຮູ້ ແລະ ເຂົ້າໃຈເຖິງມູນເຊື້ອອັນພິລະອາດຫານຂອງກອງທັບປະຊາຊົນລາວ, ມີນ້ຳໃຈຮັກຊາດ ແລະ ກຽມພ້ອມສູ້ຮົບ ເພື່ອເຮັດໃຫ້ງານສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ມີຄວາມສະຫງົບປອດໄພ ແລະໃນທົ່ວກອງທັບມີຂະບວນຟົດຟື້ນແຂງແຮງ ແລະ ມີຜົນສຳເລັດຫຼາຍດ້ານຍິ່ງໆຂຶ້ນ. ໂດຍ ກອງສີ ຈັນເມືອງຊຽງ

news to day and hot news